პარლამენტთან დაკავებული 5 პირი სასამართლოს დარბაზიდან გაათავისუფლეს

გუშინ ღამით, ადმინისტრაციული წესით დაკავებული კიდევ ხუთი პირის სასამართლო პროცესი გადაიდო. ბექა კოკაია, ზუკა ბერძენიშვილი, ლაშა ბურდული, ზურაბ მჟავანაძე და გიორგი მუმლაძე სასამართლოს დარბაზიდან გათავისუფლდნენ, მათი პროცესი 6 იანვარს, 15:00 საათზე გაიმართება. შეგახსენებთ, რომ გუშინ, ღამით “თბილსერვისის” თანამშრომლებმა პარლამენტის წინ გაშლილი კარვები აიღეს და მათ ნაცვლად საბავშვო ატრაქციონები დადგეს, სამოქალაქო აქტივისტებმა და ოპოზიციის ნაწილმა კი კარვების აღება გააპროტესტეს. ადგილი ჰქონდა დაპირისპირებასაც. შედეგად, პოლიციამ გუშინ ადმინისტრაციული წესით 10 პირი დააკავა, მათ შორის: ბექა ბასილაია, ზურაბ ნადირაძე, ზურაბ მჟავანაძე, ლაშა ბურდული, ზურაბ ბერძენიშვილი, ბექა კოკაია, გიორგი შოთაძე,რომეო ფარულავა, ნოდარ რუხაძე, გიორგი მუმლაძე. თბილისის…

მეტი...

ცოტნე გამსახურდია სამკურნალოდ თურქეთში გადაიყვანეს

საქართველოს პირველი პრეზიდენტის შვილი, ცოტნე გამსახურდია სამკურნალოდ სტამბოლის კლინიკაში გადაიყვანეს. ცოტნე გამსახურდიას მეუღლის, ანა ჯაბაურის თქმით, საქართველოში თურქი ექიმები იმყოფებოდნენ, რომლებმაც გამსახურდიას ჯანმრთელობის მდგომარეობა შეაფასეს და თურქეთში გადაყვანის გადაწყვეტილება მიიღეს. მისი თქმით, ცოტნე გამსახურდიას ჯანმრთელობის მდგომარეობა კვლავ სტაბილურად მძიმეა და სხვადასხვა სახის გამოკვლევა უტარდება. შეგახსენებთ, ცოტნე გამსახურდიას დაჭრის ფაქტზე პოლიციამ ხუთი პირი დააკავა. ცოტნე გამსახურდიას განზრახ მკვლელობის მცდელობისა და დანაშაულის შეუტყობინებლობის ბრალდებით დაკავებულ ოთხ პირს – ტატო ღარიბაშვილს, გიორგი სოლოღაშვილს, პეტრე ყუფარაძესა და კახა ჩხეტიანს სასამართლომ აღკვეთის ღონისძიების სახით პატიმრობა განუსაზღვრა. დანაშაულის შეუტყობინებლობის ბრალდებით დაკავებული თორნიკე ქვათაძე კი საქალაქო სასამართლომ აღკვეთის ღონისძიების გარეშე დატოვა და სხდომათა დარბაზიდან გაათავისუფლა.

მეტი...

აფხაზეთის უმაღლესი საბჭოს მიმართვა დევნილ მოსახლეობას

აფხაზეთის ავტონომიური რესპუბლიკის უმაღლესი საბჭო მოსახლეობას დამდეგ შობა-ახალ წელს ულოცავს: “ახალი წლის, შობის მოახლოება ადამიანებში თავისთავად ბადებს ისეთ ემოციას, რომელიც პირველ რიგში უშუალოდ ოჯახურ სითბოს, მშობლიურ გარემოს  ითხოვს; აფხაზეთიდან და სამაჩაბლოდან დევნილი ქართველობა კი არა ერთი ათეული წელია ამ განცდას, ამ მტკივნეულ, მოუშუშებელ შინაგან მოთხოვნილებას ვებრძვით, არ გვეთმობა იგი, მაგრამ მოთმინებით, იმედით, მოქალაქეობრივი შეგნებით,   საქართველოს გაერთიანების რწმენით ვითვლით წლებს, ვემსახურებით ქვეყანას, შეძლებისდაგვარად ვცდილობთ მივიღოთ ღირებული მონაწილეობა კონფლიქტის მოგვარების პროცესში, ვახერხებთ არ დავყაროთ ფარხმალი, შეძლებისდაგვარად ავუწყოთ ფეხი  თანამედროვეობის მოთხოვნილებებს, მუხლჩაუხრელი შრომით, სწავლით აღვზარდოთ შვილები, მივცეთ მათ სათანადო განათლება და  ველით იმ…

მეტი...

სალომე ზურაბიშვილმა ვაჟა გაფრინდაშვილს უმასპინძლა

საქართველოს პრეზიდენტმა, სალომე ზურაბიშვილმა ორბელიანების სასახლეში უკანონო პატიმრობიდან გათავისუფლებულ ექიმ ვაჟა გაფრინდაშვილს და მის ოჯახს უმასპინძლა და გათავისუფლება პირადად მიულოცა. საქართველოს პრეზიდენტის პრესსამსახურის ინფორმაციით, სალომე ზურაბიშვილმა ექიმსა და მის ოჯახს დამდეგი შობა-ახალი წლის დღესასწაული მიულოცა და პროფესიულ საქმიანობაში წარმატებები უსურვა. „საზოგადოება მოუთმენლად ელოდა ციხიდან თქვენს გათავისუფლებას. ამ ფაქტმა მომავლის იმედი გაგვიჩინა“, – მიმართა საქართველოს პრეზიდენტმა ვაჟა გაფრინდაშვილს. შეხვედრისას პრეზიდენტმა ხაზი გაუსვა საერთაშორისო საზოგადოების ჩართულობის მნიშვნელობასა და მადლობა გადაუხადა ყველას, ვინც წვლილი შეიტანა ექიმ ვაჟა გაფრინდაშვილის გათავისუფლების პროცესში.

მეტი...

სტადიონებზე ხვალიდან თამბაქოს მოწევა იკრძალება

სტადიონებზე პირველი იანვრიდან თამბაქოს მოწევა იკრძალება. დარღვევის დაფიქსირების შემთხვევაში ფიზიკური პირი 100, განმეორების შემთხვევაში კი, 200 ლარით დაჯარიმდება. აკრძალვა ყველა იმ სტადიონს ეხება, რომელსაც ადმინისტრაცია ჰყავს. „თამბაქოს კონტროლის შესახებ” კანონის ფარგლებში ამოქმედებული რეგულაციის შესრულების მონიტორინგი სტადიონების ადმინისტრაციებს დაევალება. იმ შემთხვევაში, თუ ორგანიზაცია მოწევის ფაქტზე რეაგირებას არ მოახდენს, ფიზიკურ პირთან ერთად 500 ლარით თავადაც დაჯარიმდება. ადმინისტრაციის მხრიდან დარღვევის განმეორებაზე სანქცია 1000 ლარია, ხოლო ყოველ მომდევნო ჯერზე 2000 ლარს მიაღწევს. „თუკი ადმინისტრაციამ ყველა ზომას მიმართა და ვერ მოახერხა მოწევის ფაქტის აღკვეთა, ამ შემთხვევაში მან უნდა გამოუძახოს საპოლიციო ძალას და დაჯარიმდება მხოლოდ ფიზიკური…

მეტი...

პატრიარქმა ვაჟა გაფრინდაშვილი ოჯახთან და მოჭიდავეებთან ერთად მიიღო

საქართველოს კათოლიკოს-პატრიარქმა ილია მეორემ საპატრიარქოში ექიმი ვაჟა გაფრინდაშვილი ოჯახთან ერთად მიიღო. შეხვედრის ამსახველ ფოტოს ბოდბელი ეპისკოპოსი მეუფე იაკობი ავრცელებს. ფოტოზე ვაჟა გაფრინდაშვილის ოჯახთან ერთად ჩანან საქართველოს თავისუფალი სტილით მოჭიდავეები, მათ შორის ოლიმპიური ჩემპიონი ლადო ხინჩეგაშვილი და თავისუფალი სტილით მოჭიდავეთა ნაკრების მწვრთნელი გიორგი იანტბელიძე. შეგახსენებთ, ექიმი ვაჟა გაფრინდაშვილი 49 დღის განმავლობაში ოკუპანტების ტყვეობაში იმყოფებოდა და ის 28 დეკემბერს გაათავისუფლეს. არსებული ინფორმაციით, მის გათავისუფლებაში გარკვეული როლი ქართველი და ოსი მოჭიდავეების კავშირებმაც ითამაშა.

მეტი...

„მინდა ისეთ ქვეყანაში ვცხოვრობდეთ, სადაც დიპლომატები მხოლოდ მშვიდობის ხიდების მშენებლობაზე იზრუნებენ“- ზალკალიანი

„ყველაფერი რასაც ჩვენ ვაკეთებთ, ვაკეთებთ იმისათვის, რომ ჩვენს შვილებს ბედნიერ ქვეყანაში ეცხოვროთ, სადაც არ გაიტაცებენ ადამიანებს, სადაც არ იქნება ხელოვნური ბარიერები და მავთულხლართები, სადაც ექიმებს ექნებათ საშუალება საკუთარი საქმიანობით დაკავდნენ, სადაც ხელოვანებს ექნებათ საშუალება, რომ ჩვენ გაგვახარონ და დიპლომატებიც იქნებიან მხოლოდ სამშვიდობო ხიდების მშენებლობით დაკავებული, ასეთ ქვეყანაზე ვოცნებობ და მე დარწმუნებული ვარ, ჩვენს შვილებს ექნებათ ასეთი მომავალი“ – ამის შესახებ საგარეო საქმეთა მინისტრმა დავით ზალკალიანმა ისაუბრა წლის შემაჯამებელ შეხვედრაზე ქართველ დიპლომატებთან. თავის მიმართვაში საგარეო საქმეთა მინისტრმა ხაზი გაუსვა დიპლომატების მნიშვნელოვან როლს საქართველოს ყველა იმ შედეგში რომელიც 2019 წელს იქნა მიღწეული…

მეტი...

არჩილ თალაკვაძემ 2019 წელი ვიდეომიმართით შაფასა

პარლამენტის თავმჯდომარე არჩილ თალაკვაძე საკუთარ “ფეისბუკ” გვერდზე ვიდეომიმართვას ავრცელებს და 2019 წელს აჯამებს.  არჩილ თალაკვაძემ იმ მიღწევებზე ისაუბრა, რომლებიც პარლამენტმა და ხელისუფლებამ 2019 წლის განმავლობაში განახორციელა. პარლამენტის თავმჯდომარემ 2019 წელს მიღებულ რამდენიმე კანონზე ხაზგასმით ისაუბრა, მათ შორის არის ბავშვის უფლებათა კოდექსი, რომელიც ძალაში 2020 წლის 1 ივნისს შევა. ასევე კანონი ქალთა მიმართ და ოჯახში ძალადობის წინააღმდეგ და სხვა. პარლამენტის თავმჯდომარის თქმით, 2020 წლიდან გაიზრდება პენსიები, ხელფასები ეზრდებათ ექიმებს, პედაგოგებს, ბაღების აღმზრდელებს, ჯარისკაცებს, პოლიციელებსა და მათთან გათანაბრებულ პირებს. “შევეცდები ძალიან მოკლედ ჩაგაბაროთ ანგარიში, თუ რა სამუშაო შეასრულა საქართველოს პარლამენტმა 2019 წელს და რა…

მეტი...

“ასეთ ერთიანობას და მხარდაჭერას ნამდვილად არ ველოდი” – ვაჟა გაფრინდაშვილი ჯანდაცვის მინისტრს შეხვდა

ჯანდაცვის მინისტრმა ეკატერინე ტიკარაძემ ექიმ ვაჟა გაფრინდაშვილს და მის მეუღლეს სამინისტროში უმასპინძლა და უკანონო პატიმრობიდან გათავისუფლება პირადად მიულოცა. მინისტრმა ხაზგასმით აღნიშნა, რომ სამინისტროსთვის და პირადად მისთვის, როგორც ექიმისთვის, კრიტიკულად მნიშვნელოვანია თითოეული ექიმის უსაფრთხოება. მინისტრმა თქმით, საქართველოს მთავრობამ სხვადასხვა უწყების ერთობლივი ძალისხმევით და კოორდინირებული მუშაობით, ყველა შესაძლო აქტიურ ღონისძიებას მიმართა, რათა ეს შედეგი დამდგარიყო. ჯანდაცვის მინისტრი ეკატერინე ტიკარაძე ვაჟა ექიმთან შეხვედრის დეტალებზე საუბრობს. “ვაჟა ექიმმა გაგვიზიარა იქ ყოფნის ეპიზოდები, რომელიც ნამდვილად ძალიან რთული იყო. ექიმი გვიყვებოდა, რომ იქ ყოფნის მანძილზეც ეხმარებოდა, ვისაც სჭირდებოდა დახმარება,” – აღნიშნა ეკატერინე ტიკარაძემ. ექიმი ვაჟა გაფრინდაშვილი მადლობას უხდის ყველას…

მეტი...

პირველი რესპუბლიკის მოედანთან დღეს ტრანსპორტის მოძრაობის სქემა იცვლება

სადღესასწაულო ღონისძიების გამო, 22:00 საათიდან პირველი რესპუბლიკის მოედანთან გზის რამდენიმე მონაკვეთზე ტრანსპორტის მოძრაობის სქემა შეიცვლება. აღნიშნულის შესახებ ინფორმაციას დედაქალაქის მერია ავრცელებს: “თაბუკაშვილის ქუჩიდან რუსთაველის გამზირისა და კოსტავას ქუჩისკენ მოძრავი ტრანსპორტი გაივლის სასტუმრო „რედისონთან“ მდებარე პანდუსს, მობრუნდება ჯავახიშვილის ქუჩაზე (ყოფ. ელბაქიძის დაღმართი), საიდანაც გზას რუსთაველის გამზირზე განაგრძობს. სატრანსპორტო ნაკადის მოძრაობა ჩვეულ რეჟიმში ღონისძიებების დასრულებისთანავე აღდგება. ტრანსპორტის უსაფრთხოდ გადაადგილებას მონიტორინგს საპატრულო პოლიციის ეკიპაჟები გაუწევენ. თბილისის მერია ბოდიშს გიხდით დისკომფორტისთვის!” – ნათქვამია თბილისის მერიის მიერ გავრცელებულ განცხადებაში.

მეტი...

თბილისში სამი ამბულატორია 24 საათიან რეჟიმზე იმუშავებს

სეზონური გრიპის გავრცელებასთან დაკავშირებით, თბილისში სამი ამბულატორია მუშაობის საგანგებო რეჟიმზე გადადის. დაწესებულებებში პაციენტთა სატელეფონო კონსულტაცია 24 საათის განმავლობაში იქნება შესაძლებელი. სასწრაფო დახმარების ცენტრი კი მოუწოდებს მოსახლეობას, გრიპის სიმპტომების აღმოჩენისთანავე პირველადი ჯანდაცვის რგოლს მიმართონ. დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, ამ ეტაპზე საქართველოში ძირითადად ცირკულირებს ორი ტიპის – A და B ტიპის გრიპის ვირუსი, რომელიც შედარებით მსუბუქი ფორმით მიმდინარეობს.

მეტი...

პირველი რესპუბლიკის მოედანზე საახალწლო გალაკონცერტის გენერალური რეპეტიცია გაიმართა

პირველი რესპუბლიკის მოედანზე საახალწლო გალაკონცერტის გენერალური რეპეტიცია გაიმართა, რომელსაც მერის მოადგილე სოფიო ხუნწარია დაესწრო. „ჩვენ არ უნდა დავარღვიოთ ტრადიცია და ყველანი ერთად უნდა მოვიდეთ თერთმეტ საათზე, იმისთვის, რომ ერთად შევხვდეთ ახალ წელს. პირველი რესპუბლიკის მოედანზე თქვენ გელოდებათ 28 ნომრისგან შედგენილი გრანდიოზული შოუ, სადაც შესრულდება ყველა ის საყვარელი სიმღერა, ჰიტი, რომელიც სამოციანი წლებიდან დღემდე ჟღერს“, – აღნიშნა სოფიო ხუნწარიამ. მისივე თქმით, ახალი წლის ღამეს საზოგადოებრივი ტრანსპორტი მგზავრებს უფასოდ მოემსახურება და მათ სადღესასწაულო ღონისძიების ადგილამდე – პირველი რესპუბლიკის მოედნამდე, ასევე, მეტროსადგურებამდე და ცენტრალურ სატრანსპორტო კვანძებამდე გადაიყვანს. გალაკონცერტი პირველი რესპუბლიკის მოედანზე, 31 დეკემბერს,…

მეტი...

პარლამენტის წინ კარვები დაშალეს

ხმაური იყო მთელი ღამის განმავლობაში დედაქალაქის მთავარ გამზირზე, პარლამენტის წინ კარვების დაშლას და მათ ნაცვლად საახალწლო დეკორაციების დადგმას დაპირისპირება და სამოქალაქო აქტივისტების დაკავება მოყვა. მერიის წარმომადგენლებმა ადგილზე ბატუტი და სხვა ატრაქციონები მაინც დაამონტაჟეს, ოპოზიცია და სამოქალაქო აქტივისტები კი პროტესტს ისევ აგრძელებენ.

მეტი...

თურქეთში, ავარიის შედეგად დაშავებული საქართველოს 25 მოქალაქე სამშობლოში გამოემგზავრა

თურქეთის რესპუბლიკაში ქალაქ ჩანქირთან ავტოსაგზაო შემთხვევის შედეგად დაშავებული საქართველოს 25 მოქალაქე სამშობლოში გამოემგზავრა. ინფორმაცია “მედიაცენტრ მთავარს” საქართველოს საგარეო საქმეთა სამინისტროდან მიაწოდეს.  მათი ცნობით, სხეულის დაზიანებები მიიღო საქართველოს ერთმა მოქალაქემ, რომელსაც ჩაუტარდა ქირურგიული ოპერაცია. “დაშავებული მოქალაქე ჩანქირის საავადმყოფოში მოინახულა თურქეთის რესპუბლიკაში საქარველოს საელჩოს თანამშრომელმა. დიპლომატიური წარმომადგენლობა მუდმივ კავშირზე რჩება როგორც თურქეთის შესაბამის უწყებებთან ასევე სატრანსპორტო კომპანიასთან და საქართველოს მოქალაქეების ოჯახის წევრებთან. მომხდარზე მიმდინარეობს გამოძიება”, – ნათქვამია საგარეო უწყების ინფორმაციაში.

მეტი...

პოლონეთის პრემიერ-მინისტრი ვლადიმერ პუტინს ცრუ ინფორმაციის გავრცელებაში ადანაშაულებს

პოლონეთის პრემიერ-მინისტრი მატეუშ მორავეცკი კრემლის ლიდერს, ვლადიმერ პუტინს პოლონეთთან დაკავშირებით მიზანმიმართულად ცრუ ინფორმაციის გავრცელებაში ადანაშაულებს. მოსკოვსა და ვარშავას შორის სიტუაცია მას შემდეგ დაიძაბა, რაც რუსეთის პირველმა პირმა თქვა, რომ ჩეხოსლოვაკიის გაყოფაში პოლონეთი მონაწილეობდა, საბჭოთა ჯარები კი ვარშავაში მას შემდეგ შევიდნენ, რაც პოლონეთის მთავრობამ ჯარზე კონტროლი დაკარგა. მორავეცკი კი აცხადებს, რომ ნაცისტური გერმანიის აგრესია პირველმა პოლონეთმა გამოსცადა.

მეტი...

დღესასწაულებთან დაკავშირებით, საქართველოს რკინიგზამ დამატებითი რეისები დანიშნა

„საქართველოს რკინიგზამ“ ახალი წლისა და შობის დღესასწაულთან დაკავშირებით გაზრდილი მგზავრთნაკადის მომსახურების მიზნით დამატებითი რეისები დანიშნა. თბილისი-ზუგდიდი-თბილისის (N878/877) და თბილისი-ბათუმი-თბილისის (808/807) მიმართულებით რეისები შესრულდება – 2020 წლის 3, 4, 5, 6 და 7 იანვარს. „საქართველოს რკინიგზის“ ცნობით განრიგები იქნება შემდეგნაირი:  თბილისი-ზუგდიდი-თბილისი #878/877 გავა 08:50 საათზე და ზუგდიდში ჩავა 14:30 საათზე, ხოლო ზუგდიდიდან გამოვა 19:10 საათზე და თბილისში ჩავა 00:35 საათზე. თბილისი-ბათუმი-თბილისი #808/807 გავა 10:30 საათზე და ბათუმში ჩავა 15:30 საათზე, ხოლო ბათუმიდან გამოვა 17:00 საათზე და თბილისში, 22:00 საათზე ჩავა.

მეტი...

“როგორც საკუთარი ყურების ნახვას უსარკოდ, რუსები ამას ვერასოდეს ეღირსებიან” – ნათელაშვილი რუსეთთან დიალოგზე

რუსეთის ფედერაციის საბჭოს საერთაშორისო საქმეთა კომიტეტის თავმჯდომარის კონსტანტინ კოსაჩოვის განცხადებას “ლეიბორისტული პარტიის” თავმჯდომარე შალვა ნათელაშვილი ეხმაურება. შალვა ნათელაშვილის განცხადებით, მოლაპარაკებები რუსეთთან მხოლოდ იმ შემთხვევაში შეიძლება დაიწყოს, თუ რუსეთი საქართველოს ტერიტორიულ მთლიანობას ცნობს. “ყოველგვარი მოლაპარაკებები რუსეთის მმართველ ელიტასთან შეიძლება დაიწყოს ერთადერთი პირობით, ცნონ საქართველოს ტერიტორიული მთლიანობა და არა იმ პირობით, რომ ჩვენ ვაღიაროთ ე.წ. ახალი რეალობა, საქართველოს ადგილას სამი სუვერენული სახელმწიფო. ამას, როგორც საკუთარი ყურების ნახვას უსარკოდ, რუსები ვერასოდეს ეღირსებიან. ჩვენ არ დავუშვებთ, რომ ვიღაცამ დაიწყოს მოლაპარაკებები პირობის გარეშე, რომ საქართველო არის ერთიანი და განუყოფელი,” – აცხადებს შალვა ნათელაშვილი. რუსეთის ფედერაციის საბჭოს საერთაშორისო საქმეთა კომიტეტის თავმჯდომარე კონსტანტინ…

მეტი...

“კიდევ ერთხელ აშკარა ხდება საოკუპაციო რეჟიმის სახე, რომელიც ადამიანის ინტერესებს არაფრად აგდებს” – ქეთევან ციხელაშვილი

ოკუპირებულ ტერიტორიაზე ე.წ. გადასასვლელის ჩაკეტვას სახელმწიფო მინისტრი შერიგებისა და სამოქალაქო თანასწორობის საკითხებში გამოეხმაურა. ქეთევან ციხელაშვილი ამბობს, რომ ეს ყველაზე დიდ პრობლემას ოკუპირებულ ტერიტორიაზე მცხოვრებ ადამიანებს შეუქმნის, რადგან მისი თქმით, ყველაზე მეტად სწორედ მათ სჭირდებათ საქართველოს კონტროლირებად ტერიტორიაზე გადმოსვლა. ქეთევან ციხელაშვილის განცხადებით, საოკუპაციო რეჟიმი ადამიანის ინტერესებს, განურჩევლად მათი ეთნიკური წარმომავლობისა, არაფრად აგდებს. “კიდევ ერთხელ, აშკარა ხდება თვითონ საოკუპაციო რეჟიმის სახე, რომელიც ადამიანის ინტერესებს, განურჩევლად მათი ეთნიკური წარმომავლობისა, არაფრად აგდებს, როგორც ჩანს. მე არაერთხელ მითქვამს, რომ კიდევ უფრო მეტი ადამიანი, 6-ჯერ და 7-ჯერ მეტი ადამიანი ზარალდება ამ შეზღუდვებით ოკუპირებულ ტერიტორიებზე, ვისაც სურს გადმოსვლა.…

მეტი...

გოზინაყი გივი თარგამაძისგან (რეცეპტი)

როგორც გაირკვა, გივი თარგამაძე საკმაოდ გამოცდილი კულინარია. ამ საახალწლოდ მის მიერ მომზადებული გოზინაყი ნამდვილ ინტერნეტჰიტად იქცა და მან რეცეპტიც გაუზიარა ფეისბუქმომხმარებლებს: – ნიგოზს ჯერ ცოტათი ხალავ, მერე ჭრი. თაფლი – მაწვნის ქილა 2/3, ცოტა მეტი – 1 კილო ნიგოზი. თაფლს ქვაბში ასხამ, ნელ ცეცხლზე სულ ურევ. წამოდუღებას რომ დაიწყებს, აწვეთებ ცივ წყლიან ჭიქაში. როცა წვეთი იკვრება, დროა და აყრი ნიგოზს. სულ ურევ, სანამ არ შეიკვრება კარგად. ამორევაზე მთელი მასა რომ წამოყვება, მზადაა. დასველებულ დაფაზე ამოიღებ და ჯერ დასველებული ხის კოვზით გაშლი, მერე დასველებული გასაბრტყელებლით დაიყვან საჭირო სისქემდე, დაჭრი რომბებად და…

მეტი...

27 დეკემბრის ჩათვლით, საქართველოში 9 მილიონზე მეტი ტურისტი შემოვიდა

ტურიზმის ადმინისტრაციის ხელმძღვანელმა 2019 წლის ანგარიში წარადგინა. მარიამ ქვრივიშვილმა განხორციელებული პროექტები შეაჯამა და გასული წლის სტატისტიკური მონაცემები მიმოიხილა. ადმინისტრაციის ინფორმაციით, 2019 წლის 27 დეკემბრის ჩათვლით საქართველოში უკვე დაფიქსირდა 9 მილიონზე მეტი ტურისტის შემოსვლა. მაჩვენებელი წინა წელთან შედარებით 7%-ით გაზრდილია. საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, გამოწვევების მიუხედავად, საქართველომ საერთაშორისო მოგზაურების რეკორდულ რაოდენობას უმასპინძლა. “მიუხედავად ყველა გამოწვევისა, ვუმასპინძლეთ საერთაშორისო მოგზაურების რეკორდულ რაოდენობას. ეს არის 9 მილიონ 300 ათას ადამიანზე მეტი საერთაშორისო მოგზაური, ვინც 2019 წელს ეწვია საქართველოს. ეს არის ძალიან დიდი მიღწევა, რომელიც შესაძლებელი გახდა მთავრობის, კერძო სექტორის, საერთაშორისო…

მეტი...

კომუნიკაციების ეროვნულმა კომისიამ “მთავარი არხი” დაასანქცირა

კომუნიკაციების ეროვნულმა კომისიამ “მთავარი არხი” საქართველოს კანონმდებლობის დარღვევის გამო, წერილობით გააფრთხილა და არაწინასაარჩევნო პერიოდში პოლიტიკური რეკლამების სამაუწყებლო ბადიდან დაუყოვნებლივ ამოღება დაავალდებულა. საქართველოს კომუნიკაციების ეროვნული კომისიის ინფორმაციით, საქმე ეხება “მთავარი არხის” ეთერში 2019 წლის 19 დეკემბრიდან ეთერში გასულ პოლიტიკურ რეკლამებს, რომლის განთავსებაც მაუწყებლებს საქართველოს კანონმდებლობის შესაბამისად, მხოლოდ წინასაარჩევნო პერიოდში შეუძლიათ. “კომუნიკაციების კომისიამ “მთავარი არხი” საქართველოს კანონმდებლობის დარღვევის გამო, წერილობით გააფრთხილა და არაწინასაარჩევნო პერიოდში პოლიტიკური რეკლამების სამაუწყებლო ბადიდან დაუყოვნებლივ ამოღება დაავალდებულა. საქმე ეხება “მთავარი არხის” ეთერში 2019 წლის 19 დეკემბრიდან ეთერში გასულ პოლიტიკურ რეკლამებს, რომლის განთავსებაც მაუწყებლებს საქართველოს კანონმდებლობის შესაბამისად, მხოლოდ წინასაარჩევნო კანონმდებლობით…

მეტი...

“ბიძინა – ბიძინაა, ექვთიმე – ექვთიმეა, შედარებების გაკეთება არ მიყვარს” – კახა კალაძე

თბილისის მერმა კითხვაზე, განათლების მინისტრის მსგავსად, ფიქრობს თუ არა, რომ ბიძინა ივანიშვილი თანამედროვეობის ექვთიმე თაყაიშვილია, პასუხად განაცხადა, რომ შედარებების გაკეთება არ უყვარს. “შედარებების გაკეთება არ მიყვარს. ბიძინა – ბიძინაა, ექვთიმე – ექვთიმეა. ორივეს ქვეყნისა და ხალხის წინაშე ძალიან ბევრი კარგი რამე აქვს გაკეთებული. ამიტომ შედარებები, ვფიქრობ, არასწორი იქნებოდა გამეკეთებინა და ხაზი გამესვა ამაზე”, – განაცხადა კალაძემ. განათლების მინისტრმა მიხეილ ჩხენკელმა “ქართული ოცნების” თავმჯდომარე და ყოფილი პრემიერი ბიძინა ივანიშვილი თანამედროვეობის ექვთიმე თაყაიშვილს შეადარა. “ყველა ადამიანი, რომელიც აგროვებს ჩვენი ქვეყნის ისტორიის, კულტურის საუნჯეს და უფრთხილდება მას, ჩემთვის თანამედროვეობის ექვთიმე თაყაიშვილია. ასეთი ადამიანია…

მეტი...

გრიპის გართულებების შემთხვევები, შარშანდელი წლის ანალოგიურ პერიოდთან შედარებით, ნაკლებია

გრიპის სეზონური ვირუსებითა და გრიპის მაგვარი დაავადებებით ავადობის მაჩვენებელმა 100 ათას ადამიანზე 312 ადამიანი შეადგინა.  გასული კვირის მონაცემების თანახმად, აღნიშნული მაჩვენებელი აღემატება გასული წლის ანალოგიური პერიოდის (წლის 52-ე კალენდარული კვირა) სტატისტიკას, რომელიც 277-ს შეადგენდა. ამასთან, სტატისტიკის თანახმად, გასულ კვირაში ქვეყნის მასშტაბით დაფიქსირებული ჰოსპიტალიზაციის მაჩვენებლის მხოლოდ 19% მოდის გრიპსა და გრიპის მაგვარ დაავადებებზე, შარშან ანალოგიურ პერიოდში კი ეს მონაცემი თითქმის 42%-ს შეადგენდა. შესაბამისად, ინფექციის გართულებების მაჩვენებელი შემცირებულია. ზამთრის მიმდინარე სეზონზე, გრიპის გართულების გამო, გარდაცვალების ორი შემთხვევა დაფიქსირდა.

მეტი...

“შეცდომები იყო, უცებ რაც მახსენდება, გავრილოვის პარლმენტში შეყვანა და სპიკერის სავარძელში დაჯდომა” – კახა კალაძე

დედაქალაქის მერმა და ქართული ოცნების გენერალურმა მდივანმა კახა კალაძემ 2019 წლის საპარლამენტო საქმიანობა შეაჯამა. კალაძემ მთავარ შეცდომად რუსი დეპუტატის სერგეი გავრილოვის პარლამენტში ვიზიტი დაასახელა. “იყო რთული წელი, იყო გამოწვევები, მცდელობებიც კი იყო არეულობის და დაპირისპირების, თუმცა არავის უნდა მივცეთ ამის შესაძლებლობა. შეცდომები იყო, უცებ რაც მახსენდება, გავრილოვის პარლმენტში შეყვანა და სპიკერის სავარძელში დაჯდომა, რამაც ახალგაზრდების გულისწყრომა გამოიწვია. თუმცა შემდეგ განვითარებული მოვლენები, ამასთან კავშირში არ არის. ეს არის უპასუხისმგებლო, ოპოზიციის კონკრეტული ლიდერების მხრიდან გაკეთებული განცხადებები, რასაც მაშინ ვისმენდით პარლამენტში შევარდნასთან დაკავშირებით,” – აღნიშნა კახა კალაძემ.

მეტი...

„აფხაზეთი (საქართველო)” – ბერძნულ ენაზე წიგნი გამოიცა

აფხაზეთის ავტონომიური რესპუბლიკის უმაღლესი საბჭოს პროექტის ფარგლებში, გამოიცა ბერძნულ ენაზე წიგნი – „აფხაზეთი (საქართველო): ისტორია, პოლიტიკა, კულტურა“. წიგნი პოლიტოლოგიური ხასიათის სამეცნიერო-პუბლიცისტური ნაშრომია, რომელშიც აღწერილია აფხაზეთის ეთნო-პოლიტიკური ისტორია, ასევე შეფასებულია აფხაზეთის დღევანდელი პოლიტიკური რეალობა და სხვა. ნაშრომი უკვე ნათარგმნია ინგლისურ, გერმანულ, ფრანგულ, ესპანურ, რუსულ, თურქულ, არაბულ და სხვა ენებზე. წიგნის ავტორები არიან: ჯემალ გამახარია და ლია ახალაძე, მთარგმნელი და რედაქტორი ბესიკ სილაგაძე.

მეტი...

“ექიმი ვაჟა გაფრინდაშვილის წინასაახალწლოდ სამშობლოში დაბრუნება კარგ განწყობას ქმნის ” – გრიგორი კარასინი

რუსი სენატორი გრიგორი კარასინი ვაჟა გაფრინდაშვილის გათავისუფლებას გამოეხმაურა. მისი შეფასებით, ეს ფაქტი წინასაახალწლოდ კარგ განწყობას ქმნის. “ექიმი ვაჟა გაფრინდაშვილის წინასაახალწლოდ სამშობლოში დაბრუნება კარგ განწყობას ქმნის და გვაიმედებს, რომ ახალი 2020 წელი უფრო კონსტრუქციული იქნება, როგორც საქართველოსა და სამხრეთ ოსეთის ურთიერთობებში, ასევე მთლიანად რეგიონში. ვიმედოვნებ, რომ ახალ წელს ქართულ პოლიტიკურ ძალებს აღარ ექნებათ მიზეზი რუსეთის და სხვა პარტნიორების მიმართ მტრული ურთიერთობები გააძლიერონ და ჩვენ ურთიერთობებში ახალ ნიშნულზე გავალთ,” – განუცხადა კარასინმა რუსულ მედიას.

მეტი...

მოქალაქეებს, რომლებიც ID ბარათზე უარს აცხადებენ, შეუძლიათ, ერთთვიანი პირადობის მოწმობები აიღონ

იუსტიციის სამინისტრო ID ბარათებზე საკონსტიტუციო სასამართლოს გადაწყვეტილებასთან დაკავშირებით, განცხადებას ავრცელებს. როგორც უწყების მიერ გავრცელებულ განცხადებაშია ნათქვამი, პირადობის მოწმობა ინფორმაციის ელექტრონული მატარებლის გარეშე შეიძლება გაიცეს იმ მოქალაქეებზე, რომლებიც რწმენის გამო უარს აცხადებენ პირადობის ელექტრონული (ID) მოწმობის მიღებაზე. ასეთ შემთხვევაში, მოქალაქემ მისი აღმსარებლობისადმი კუთვნილების დამადასტურებელი საბუთი უნდა წარმოადგინოს. “უსაფრთხო დოკუმენტების გაცემის მაღალი სტანდარტის შენარჩუნებისა და, ამავე დროს, საკონსტუტიციო სასამართლოს 2019 წლის 26 დეკემბრის გადაწყვეტილების შესრულების მიზნით საქართველოს იუსტიციის მინისტრის №98 ბრძანებაში განხორციელდა ცვლილება, რომლის თანახმადაც, პირადობის მოწმობა ინფორმაციის ელექტრონული მატარებლის გარეშე (ე.წ. ლამინირებული, ქაღალდის პირადობის მოწმობა) შეიძლება გაიცეს იმ მოქალაქეებზე, რომლებიც რწმენის…

მეტი...

თამაზ მეჭიაურმა საკუთარ თავს, საახალწლოდ, პრემია გამოუწერა – მუნიციპალიტეტმა ჯამში 36 250 ლარი ჯილდოს სახით გასცა

თიანეთის მერმა თამაზ მეჭიაურმა, თავისივე ბრძანებით, საკუთარ თავს, ახალი წლის დადგომამდე 10 დღით ადრე, საახალწლო პრემია გამოუწერა. როგორც შესაბამის დოკუმენტაციაშია აღნიშნული, თიანეთის მერი ფულადი ჯილდოს სახით, 2600 ლარს მიიღებს. ფულადი პრემიით დაჯილდოვდება ასევე, აპარატის ყველა თანამშრომელი. პრემიის საერთო რაოდენობა ჯამში, 36 250 ლარს შეადგენს. მათ შორის: თიანეთის მუნიციპალიტეტის მერის პირველი მოადგილე თამაზ იარაჯული და მერის მოადგილე მარინა ხარხელაური – 1500-1500 ლარით დაჯილდოვდებიან, დანარჩენები თანამშრომლები კი, თანამდებობრივი სარგოს შესაბამისი თანხის ოდენობით, 550-დან 1200 ლარამდე პრემიას მიიღებენ. „თიანეთის მუნიციპალიტეტის მერიის პოლიტიკურ თანამდებობის პირებზე და პროფესიულ საჯარო მოხელეებზე გაიცეს ფულადი ჯილდო ერთი თვის…

მეტი...

“მთავრობას და ოპოზიციას სხვადასხვაგვარად გვაქვს განაწილებული პასუხისმგებლობა” – პრემიერ-მინისტრი

2019 წელი საკმაოდ დინამიური და გამოწვევებით სავსე წელი იყო, თუმცა გვქონდა სერიოზული მიღწევებიც, – ამის შესახებ საქართველოს პრემიერ-მინისტრმა გიორგი გახარიამ მთავრობის 2019 წლის ბოლო სხდომაზე განაცხადა. მთავრობის მეთაურის შეფასებით, საკმაოდ მაღალი იყო პოლარიზაცია საზოგადოების სოციალურ ცხოვრებაში, თუმცა ყველას კარგად უნდა ახსოვდეს, რომ ხელისუფლება როგორც ოპოზიციის, ასევე მთავრობის ერთიანი ჯაჭვია. „რა თქმა უნდა, ჩვენ სხვადასხვანაირად გვაქვს გადანაწილებული პასუხისმგებლობა, თუმცა უნდა გვახსოვდეს, რომ ყველამ ერთად უნდა ვიზრუნოთ ჩვენს ქვეყანაზე და ყველამ ერთად მოვუაროთ ჩვენს ქვეყანას“, – განაცხადა პრემიერმა. მთავრობის მეთაურმა გაწეული საქმიანობისთვის მადლობა გადაუხადა მთავრობის წევრებს, წინამორბედ მამუკა ბახტაძეს და მინისტრთა კაბინეტის…

მეტი...

თურქეთში მომხდარ ავარიაზე საქართველოს საკონსულო ინფორმაციას ავრცელებს

თურქეთში მომხდარ ავარიასთან დაკავშირებით,  ინფორმირებული არიან საქართველოს საკონსულო დაწესებულებები ანკარასა და სტამბოლში. ინფორმაციას საქართველოს საკონსულო ავრცელებს.  საკონსულო ოპერატიულ კავშირზე იმყოფება თურქეთის სამართლადამცავ სტრუქტურებთან და ამ წუთებშიც იღებენ ინფორმაციას ავტოსაგზაო შემთხვევის შედეგად დაშავებული პირების შესახებ. ამ დროისთვის არსებული ინფორმაციით, დაღუპულია თურქეთის ერთი მოქალაქე და მძიმედ დაშავებულია თურქეთის 3 მოქალაქე, რაც შეეხება დანარჩენ 21 ადამიანს, ამ ეტაპზე არსებული ინფორმაციით, მათ, აღენიშნებათ მსუბუქი დაზიანებები. 

მეტი...

ახალი წლის ღამეს საზოგადოებრივი ტრანსპორტი მგზავრებს უფასოდ მოემსახურება

ახალი წლის ღამეს საზოგადოებრივი ტრანსპორტი მგზავრებს უფასოდ მოემსახურება. თბილისის მერიის ინფორმაციით, 31 დეკემბრის 23:00 საათიდან, 1 იანვრის 04:00 საათამდე, 76 მარშრუტზე 160 ერთეული ავტობუსი, საშუალოდ 30-წუთიანი ინტერვალით იმოძრავებს. ტრანსპორტი მგზავრებს სადღესასწაულო ღონისძიების ადგილამდე – პირველი რესპუბლიკის მოედნამდე, ასევე, მეტროსადგურებამდე და ცენტრალურ სატრანსპორტო კვანძებამდე გადაიყვანს. 31 დეკემბერს, თბილისის მეტროს და საბაგირო „რიყე-ნარიყალას“ სამუშაო საათები გახანგრძლივდება და მგზავრებს უფასოდ გადაადგილების შესაძლებლობა ექნებათ. ამ რეჟიმში თბილისის მეტრო 31 დეკემბრის 23:00 საათიდან, პირველი იანვრის 04:00 საათამდე, ხოლო საბაგირო – 03:00 საათამდე იმუშავებს. „თბილისის მეტრო გახანგრძლივებული გრაფიკით იმუშავებს შობის ღამესაც და მგზავრებს 04:00 საათამდე მოემსახურება. დედაქალაქის…

მეტი...

“ტარიფების ზრდა მოსალოდნელი არაა” – დავით ნარმანია

ბუნებრივი აირის სამომხმარებლო ფასებზე დღეს ენერგეტიკისა და წყალმომარაგების მარეგულირებელი ეროვნული კომისია იმსჯელებს. სემეკმა სხდომაზე მომდევნო სამი წლის ტარიფები უნდა განიხილოს. როგორც მარეგულირებელი კომისიის წევრები ამბობენ, ფასების გადახედვა გეგმიურია და შესაბამისად ცვლილება არ იგეგმება. საქართველოს ენერგეტიკის და წყალმომარაგების მარეგულირებელი ეროვნული კომისიის თავმჯდომარის დავით ნარმანიას თქმით, რეგიონებისთვის სამომხმარებლო ტარიფები 6 თვის ვადით დადგინდება, ხოლო ვადის ამოწურვის შემდეგ ტარიფების გადახედვა მოუწევთ. დავით ნარმანიას ვარაუდით, ბუნებრივ აირზე ტარიფების ზრდა მოსალოდნელი არ არის. “ძალიან დიდი მუშაობის და წვალების შედეგად მოვახერხეთ ის, რომ დაგვედგინა ტარიფები, თუმცა ხაზგასასმელია, რომ ჩვენ სამომხმარებლო ტარიფებს რეგიონებისთვის ვადგენთ დროებით 6 თვის…

მეტი...

1 გარდაცვლილი და 22 დაშავებული – თბილისიდან სტამბოლის მიმართულებით მოძრავი ავტობუსი ავარიაში მოყვა

მსხვერპლით დასრულდა ავტოსაგზაო შემთხვევა თურქეთში. ილგაზის რაიონში ავტობუსი, რომელიც თბილისიდან სტამბოლის მიმართულებით მოძრაობდა, სატვირთო ტრაილერს შეეჯახა. გავრცელებული ინფორმაციით, 31 მგზავრიიდან უმრავლესობა საქართველოს მოქალაქეა. 22-მა ადამიანმა სხეულის სხვადასხვა დაზიანება მიიღო, ისინი საავადმყოფოში გადაიყვანეს. მათგან 4-ის მდგომარეობა განსაკუთრებით მძიმეა. რაც შეეხება გარდაცვლილს, ჯერჯერობით არ არის დადასტურებული, დაღუპული, საქართველოს მოქალაქეა, თუ არა. ავტობუსი, რომელსაც მგზავრები გადაჰყავდა, კომპანია “აკ კარადენიზს” ეკუთვნის.

მეტი...

6 დევნილ ოჯახს საახალწლოდ ბინები გადაეცა

6 დევნილი ოჯახი ახალ წელს საკუთარ ბინაში შეხვდება.საცხოვრებელი ფართები მათ მარნეულში, ახალაშენებულ კორპუსში გადაეცათ. იძულებით გადაადგილებულ ოჯახებს ახალი ბინების გასაღები დევნილთა სააგენტოს ხელმძღვანელმა ბესარიონ სიმონიშვილმა და ქვემო ქართლში სახელმწიფო რწმუნებულმა შოთა რეხვიაშვილმა გადასცეს. მიმდინარე წელს სხვადასხვა პროგრამის ფარგლებში, საქართველოს მასშტაბით, საცხოვრებელი ფართი 2 ათასმა დევნილმა ოჯახმა მიიღო. მომდევნო წელს, ახალი საცხოვრებლის გადაცემა 2500-ზე მეტი დევნილი ოჯახისთვის იგეგმება.

მეტი...