დღე: ნოემბერი 25, 2019

პარლამენტთან მიმდინარე აქციასთან დაკავშირებით საპარლამენტო უმრავლესობის ლიდერმა, მამუკა მდინარაძემ განაცხდა, რომ პარლამენტის ბლოკირების შემთხვევაში, სახელმწიფო შესაბამის და ადეკვატურ ზომებს მიიღებს. მისი თქმით, ყველას აქვს პროტესტის გამოხატვის შესაძლებლობა, თუმცა კანონის ფარგლებში. „ხელისუფლების გეგმა არის ის, რაც ხდება ყველა დემოკრატიულ ქვეყანაში, უნდა აღსრულდეს კანონი. თუ ვინმე არ დაარღვევს კანონს, მას უნდა მიეცეს პროტესტის გამოხატვის თავისუფალი შესაძლებლობა, სიტყვის თავისუფლება ჩვენს ქვეყანაში, ისე როგორც არასდროს, უზრუნველყოფილია. თუ ვინმე მოახდენს, მაგალითად პარლამენტის ბლოკირებას, შესაბამისი და ადეკვატური ზომები იქნება სახელმწიფოს მიერ მიღებული. თუ დაარღვევენ კანონს ადამიანები, რომლებიც გამოხატავენ პროტესტს, სამართალდამცავები იმოქმედებენ ადეკვატურად. ჩვენ წინა შემთხვევაშიც მოვუწოდეთ სამართალდამცავ ორგანოებს,…

ჩიტაძის ქუჩაზე, პარლამენტის შესასვლელთან ოპოზიციური პარტიის მხარდამჭერები და სამოქალაქო აქტივისტები კარავს შლიან.  ჭიშკრებთან მობილიზებულები არიან სამართალდამცველები და აქციის მონაწილეებს ახლოს მისვლის საშუალებას არ აძლევენ. ოპოზიციური პარტიების ლიდერებმა და აქციის მონაწილეებმა პარლამენტის გარშემო ცოცხალი ჯაჭვი გააკეთეს. ისინი საკანონმდებლო ორგანოსთან მთელი ღამის განმავლობაში დარჩებიან, რათა ხვალ პარლამენტში დაგეგმილ სხდომაზე დეპუტატებმა შესვლა ვერ შეძლონ.

საქართველოს მეოთხე პრეზიდენტი, გიორგი მარგველაშვილი პარლამენტის წინ მიმდინარე აქციაზე იმყოფება. მარგველაშვილის განცხადებით, “ქართულმა ოცნებამ” უნდა შეასრულოს თავისი დანაპირები, რომელიც საზოგადოებას მისცა.  გიორგი მარგველაშვილმა ოპოზიციას ერთად დგომისთვის მადლობა გადაუხადა. “არ არის საინტერესო, რას გამოაცხობს ამ ეტაპზე “ქართული ოცნება” ე.წ. პოზიციის სახით. საინტერესო არის მხოლოდ ქართველი ხალხის ნება. ნება, რომელიც მე არ მინახავს შეცვლილი ბოლო 30 წელია. ქართული საზოგადოება სულ ამბობდა, ჩვენ ვართ თავისუფალი ქვეყნის თავისუფალი მოქალაქეები. ნუ გვიშლით ამაში ხელს. ამის გარდა, დანარჩენი საინტერესო არ არის, რა განცხადებას გააკეთებენ, რა მოდელს შემოგვთავაზებენ. ერთია ფაქტი, არ მიიღებს საზოგადოება ამ შეურაცხყოფას, ამ თაღლითურ სქემას,…

პარლამენტის წინ აქციის ორგანიზატორებმა სამოქმედო გეგმა გამოაცხადეს. “ევროპული საქართველოს” წევრმა ელენე ხოშტარიამ დემონსტრანტებს მოუწოდა, პარლამენტის შენობას ცოცხალი ჯაჭვი შემოავლონ.  “პარლამენტი ეკუთვნის ხალხს და ჩვენ ვიდგებით ამ პარლამენტში. ჩვენი პროტესტი არის არაძალადობრივი, სამართლიანი და მტკიცე. ამიტომ ჩვენ ახლა გადავალთ წინ, დაელოდეთ ჩვენს იქ მისვლას, ავალთ ჩიტაძის ქუჩიდან და ჩამოვალთ ისევ აქ. რა თქმა უნდა, მთელი ღამე ვიქნებით აქ და არ მოვიცვლით ფეხს,” – მიმართა ელენე ხოშტარიამ აქციის მონაწილეებს. ოპოზიციის ლიდერები აცხადებენ, რომ ამ ფორმით ისინი დეპუტატებს არ მისცემენ საშუალებას შევიდნენ შენობაში და გააგრძელონ საქმიანობა.

„ერთად ერთის წინააღმდეგ“ – პარლამენტის შენობასთან საპროტესტო აქცია დაიწყო. ამ წუთებში აქციის მონაწილეებს აქციის ორგანიზატორები სიტყვით მიმართავენ. პარლამენტთან საპროტესტო აქციას რესპუბლიკის მოედნიდან მსვლელობით უკვე შეუერთდნენ ოპოზიციური პოლიტიკური პარტიების მხარდამჭერები და ლიდერები. დღეს საღამოს აქცია გვიანობამდე გაგრძელდება, ხოლო ხვალ საკანონმდებლო ორგანოს პიკეტირება არის დაგეგმილი.

რესპუბლიკის მოედნიდან პარლამენტის შენობისკენ აქციის მონაწილეების მსვლელობა დაიწყო. აქციას რეგიონებიდან ჩამოსული აქტივისტებიც შეურთდნენ.  პარლამენტის წინ აქციას სახელმწიფო უნივერსიტეტის სტუდენტებიც მსვლელობით უერთდებიან. 17:00 საათიდან რესპუბლიკის მოედანზე შეიკრიბნენ „ნაციონალური მოძრაობის“, „ევროპული საქართველოს“ წევრები, ასევე, პარლამენტის დამოუკიდებელი დეპუტატები და არასაპარლამენტო ოპოზიციის ლიდერები. აქციის მონაწილეები პარლამენტის სამივე შესასვლელის პიკეტირებასაც გეგმავენ.

“სწორედ ის ადამიანები დაასაჩუქრეს ნასუფრალის შემდეგ, რაც დარჩათ იმით, ვინც სწორედ ე.წ. მეამბოხე მაჟორიტარების სიაში აღმოჩნდნენ”, – ამის შესახებ დამოუკიდებელმა დეპუტატმა ეკა ბესელიამ საპარლამენტო თანამდებობებთან დაკავშირებით მიღებულ გადაწყვეტილებებზე საუბრისას განაცხადა. ეკა ბესელიას თქმით, დასანანია, რომ რაზეც იდგა “ქართული ოცნება” ყველაფერს გადააბიჯეს. „ძალიან მოკლე ფეხები აქვს ტყუილს. ისეთი უნიჭო სცენარი იყო დადგმული, რომ საკუთარი თავი ძალიან მალე გაამჟღავნეს. წარმოუდგენელი რამ არის საკუთარ პარტიაში პარტიის თავმჯდომარეს დაუპირისპირდეს დეპუტატი და შემდეგ ის დააწინაურონ. მე კონფლიქტში რომ შევედი მოსამართლეების სიასთან დაკავშირებით, სწორედ ამის შემდეგ დავტოვე ის თანამდებობა. რაღაც ლოგიკაში ხომ უნდა იყოს, ისეთი რამ არ უნდა მოიფიქროს,…

საპროტესტო აქციებს “ქართული ოცნების” მაჟორიტარი დეპუტატი, ლადო კახაძე ლექსით ეხმაურება. “დაიძახეს «ბოქ- ლომებმა»:«არსად დაგვრჩეს კარი ღია»!-ამ ქვეყნიდან იმ ქვეყანასნეტა ვის რა წაუღია?სხვის ნაოფლარს ვინაწილებთ,უმადურნი, ჯიბე ღია,მიკროფონით სარგებლობასლამობს ბრიყვი და თავღია.ენა ტვინის სათქმელს ბლოკავს,საიდუმლოს ამხელს «ღია«,შური ბოღმის ნარჩენს ლოკავს,გული დამშრალ ტბორში გდია.მტარვალივით ვძიძგნით მამულს,ანბანიდან ხმოვნებს ჰყრიან,ლანძღვას ვისმენთ ერთ-ხმად გაბმულს,დღეს ავყიას «გმირი» ჰქვია.დღეს წინაპარის საფლავს ვკორტნით,სხვის საჭმელში წკვარამს ჰყრიან,ვხარობთ გულში ტყვიის მორტყმით,სხვის დათესილს სხვანი მკიან.სისხლისღვრისკენ გვიბიძგებენ,მტრები დენთის კასრებს ხსნიან,გაფრთხილებად ჩამითვალეთ-უ ც ო დ ვ ე ლ ნ ი დაგვიხსნიან!!!”. შეგახსენებთ, რომ 19:00 საათზე პარლამენტის შენობის წინ გაიმართება საპროტესტო აქცია „#მაინცდავაბოქლომებთ!“. დაგეგმილია პარლამენტის მშვიდობიანი პიკეტირება.

მოძრაობა „გირჩის“ ახალგაზრდული ფრთის რამდენიმე წარმომადგენელი პარლამენტის შენობიდან ბიძინა ივანიშვილის სახლისკენ დაიძრნენ. ისინი აცხადებენ, რომ სხვადასხვა სანახაობრივ აქციას მოიფიქრებენ, რომ ხელისუფლებას მუშაობის შესაძლებლობა არ მისცენ. დაახლოებით 10 კაციან ახალგაზრდულ ჯგუფს ხელში ხატები უჭირავს, რომელზეც ბიძინა ივანიშვილია გამოსახული. როგორც ისინი აცხადებენ, ეს არის „პერფორმანსი“ რომელიც ე.წ. შუშის სასახლესთან სიმღერით „მე ვარ მეცხვარე“ დასრულდება.

საპარლამენტო უმრავლესობის წარმომადგენლის, კარლო კოპალიანის განცხადებით, ოპოზიცია, 15 კაცით ხელისუფლებას გადაწყვეტილებას ვერ შეაცვლევინებს. ეს განცხადება საკანონმდებლო ორგანოს წარმომადგენელმა „მედიაცენტრ მთავარში“ გააკეთა და აღნიშნა, რომ მათი დემოკრატიით ევროპაც გაოცებულია. „2009 წლის აქციების დროს, 3 თვიანი ე.წ. საკნის აქციებით  პარალიზებული იყო პარლამენტი.  არც სხდომა ჩატარებული და არც კომიტეტები. პატივცემული „გვამები“ მაშინ ანტალიასა და ბოდრუმში ისვენებდნენ და გასვლით სხდომებსაც იქ ატარებდნენ ალბათ. მაგრამ, მათ არ მიიღეს მხედველობში 100 000 კაციანი აქცია. ახლა, 15 კაცით თუ ფიქრობენ თუნდაც 500 და 1000-ით, რომ ამ ხელისუფლებას ისეთ გადაწყვეტილებას მიაღებინებენ, რომელიც გზას გაუხსნის დესტრუქციულ ძალას პარლამენტში, ძალიან…

” გზას გავუხსნით ორგანიზაციულად სუსტ, მაგრამ ავტორიტეტის მქონე პოლიტიკურ ჯგუფებს და აქტიურ ადამიანებს, რათა მათ უშუალო და ქმედითი მონაწილეობა მიიღონ ხელისუფლების განხორციელების პროცესში”, – ამის შესახებ პარტია „ქართული ოცნების“ გენერალურმა მდივანმა, კახა კალაძემ პარტიის ოფისში გამართულ ბრიფინგზე განაცხადა. კალაძის თქმით, პარტია გზას გაუხსნის ორგანიზაციულად სუსტ, მაგრამ ავტორიტეტის მქონე პოლიტიკურ ჯგუფებს და აქტიურ ადამიანებს. „მივიღეთ გადაწყვეტილება, არ დავაყენოთ ჩვენი კანდიდატები იმ მაჟორიტარულ საარჩევნო ოლქებში, სადაც, „ნაციონალური მოძრაობის“ ორი ძირითადი ფრთისა და მისი დანამატების გარდა, დანარჩენი ოპოზიციის ნებისმიერ წარმომადგენელს ან დამოუკიდებელ კანდიდატს ექნება გამარჯვების რეალური შანსი. შედეგად, უზრუნველვყოფთ მომავალი პარლამენტის მაქსიმალურ პოლიტიკურ…

პარლამენტის თავმჯდომარე არჩილ თალაკვაძე მის „კომოს ტბაზე“ ყოფნას ადასტურებს და ამბობს, რომ ეს იყო პირადი ვიზიტი და არა ბიუჯეტის ხარჯზე გამგზავრება. „სიუჟეტით რა სურდათ ეთქვათ საზოგადოებისთვის? – პარლამენტის თავმჯდომარე გაფრინდა „კომოს ტბაზე: დასასვენებლად, იქ ისვენებს ბიუჯეტის ფულით. აი, შეხედეთ, არ აინტერესებს სხვა არაფერი… ცხრა ამბიდან რეალურად საბოლოოდ დარჩა ის, რომ პარლამენტის თავმჯდომარე პირად საქმეზე ჩაფრინდა მილანში და მეორე დღეს იყო სამსახურში. ძალიან აღმაშფოთა, როცა ოჯახური გასვლის გამო პოლიტიკური „ვაიუშველებელი“ ატეხეს.  როგორც პარლამენტის თავმჯდომარე სამუშაო ადგილას ვიყავი ყოველ დღე და არანაირი პოლიტიკური “შატალო” ეს არ ყოფილა. მით უმეტეს, არ მივიღებ ასეთ…