დღე: ოქტომბერი 23, 2019

„ძალიან რთულია კომენტარი გააკეთო კეთილი საქმის და ქველმოქმედების კრიტიკაზე, განსაკუთრებით როდესაც საუბარია ბერა ივანიშვილის ქველმოქმედებაზე, რადგან თვითონ ივანიშვილების ოჯახის მხრიდან ქველმოქმედება საქართველოს მიმართ სხვადასხვა პროექტებში განუზომელია“, – ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა, ბერა ივანიშვილის მიერ ამაზონის ტყის გადასარჩენად გაწეული ქველმოქმედების შესახებ განაცხადა. მინისტრმა ამაზონის ტყეს დედამიწაზე ბიომრავალფეროვნების ყველაზე მნიშვნელოვანი წერტილი უწოდა და იმ კლიმატურ გავლენებზე ისაუბრა, რასაც ამაზონის ტყე მსოფლიოში ქმნის. „სირცხვილია კრიტიკა განსაკუთრებით, როცა ეს ეხება მსოფლიოსთვის აქტუალურ საკითხს,  ამაზონის ტყეებს. ამ კატასტროფის შემხედვარე, ვფიქრობ, რომ ადამიანი გულგრილი ვერ დარჩებოდა. მილიონ რვაასი ათას ჰექტარზე…

“ქველმოქმედების აქტზე მსგავსი შეტევის მიტანა არის უსამართლო, ამ კონკრეტულ შემთხვევაში არის ორჯერ უსამართლო, რადგან ბიძინა ივანიშვილის ოჯახი წლების განმავლობაში ამ ქვეყანას ეხმარება ისტორიული მემკვიდრეობის გადარჩენაში, შენარჩუნებაში და ამასთან ერთად ასობით მილიონ დოლარს ხარჯავს მომავალ თაობაზე საგანმანათლებლო პროექტებში”, – ამის შესახებ საქართველოს პრემიერ-მინისტრმა გიორგი გახარიამ, ბერა ივანიშვილის მიერ ამაზონის ტყის გადასარჩენად გაწეულ ქველმოქმედების შესახებ დასმული კითხვის საპასუხოდ განაცხადა. გახარიას თქმით, აბსოლუტურად მიუღებელია, როდესაც პოლიტიკური კონიუნქტურიდან გამომდინარე, ახალგაზრდა ადამიანის ქველმოქმედება ხდება პოლიტიკური თავდასხმის საგანი. „ამ დროს, როდესაც პოლიტიკური კონიუნქტურიდან გამომდინარე, ახალგაზრდა ადამიანის ქველმოქმედება ხდება პოლიტიკური თავდასხმის საგანი, აბსოლუტურად მიუღებელია და უფრო მეტსაც…

პროკურატურის გენერალურმა ინსპექციამ ყოფილი პროკურორის, სალომე ადეიშვილის მიერ სოციალურ ქსელ „ფეისბუქის“ მეშვეობით გავრცელებულ განცხადებასთან დაკავშირებით სამსახურებრივი შემოწმება დაიწყო. ამის შესახებ პროკურატურის მიერ გავრცელებულ განცხადებაშია ნათქვამი. „საქართველოს გენერალური პროკურატურის გენერალურმა ინსპექციამ დაიწყო სამსახურებრივი შემოწმება 2019 წლის 22 ოქტომბერს ყოფილი პროკურორის სალომე ადეიშვილის მიერ სოციალურ ქსელ „ფეისბუქის“ მეშვეობით გავრცელებულ განცხადებასთან დაკავშირებით. გენერალური ინსპექცია დეტალურად შეისწავლის განცხადებაში მითითებულ ყველა გარემოებას და მოახდენს შესაბამის სამართლებრივ რეაგირებას“, – ნათქვამია საქართველოს პროკურატურის ინფორმაციაში.  გენერალური პროკურატურის ყოფილმა თანამშრომელმა, სალომე ადეიშვილმა გუშინ სოციალური ქსელის მეშვეობით საჯარო განცხადება გაავრცელა, სადაც, სამსახურიდან წასვლის მიზეზებსა და პროკურატურაში არსებულ ვითარებაზე საუბრობს.

მოსამართლეობის კანდიდატმა, პაატა სილაგაძემ დეპუტატი ლევან გოგიჩაიშვილი სუბიექტურად ჩათვალა და პროტესტის ნიშნად მის არცერთ კითხვას უპასუხა. პაატა სილაგაძე, ლევან გოგიჩაიშვილის მიერ დასმულ ყველა კითხვაზე, შემდეგი პასუხით შემოიფარგლა: “არ გიპასუხებთ, არ გიპასუხებთ, არ გიპასუხებთ”. ლევან გოგიჩაიშვილის განმარტებით, მოსამართლის ამგვარი ქცევა არა კონკრეტული დეპუტატის, არამედ საკანონმდებლო ორგანოს და მისი ამომრჩევლის შეურაცხყოფაა. „ეს არის პარლამენტის ინსტიტუტის შეურაცხყოფა, რასაც დღეს ბატონი პაატა აკეთებს. მე აქ ვიცავ პარლამენტის და ინსტიტუციის ღირსებას. რასაც ბატონი პაატა აკეთებს, თქვენს ადგილას ვეტყოდი მანდატურს: მოკიდეთ ხელი ბატონ პაატას და გააგდეთ ამ ოთახიდან. მოგიწოდებთ, პაატა გააძევოთ, ვინაიდან ის პატივს არ სცემს პარლამენტის…

დეპუტატები ეკა ბესელია და დავით მათიკაშილი, პარლამენტის იურიდიული კომიტეტის სხდომაზე ერთმანეთს დაუპირისპირდნენ. მიზეზი კი ეკა ბესელიას კითხვები გახდა, რასაც ის, უზენაესი ასამართლოს მოსამართლეობის მსურველ პაატა სილაგძეს უსვამდა და მიმართავდა.      როცა ეკა ბესელიამ, მოსამართლის მიმართ შემდეგი სიტყვები: უტიფარი და ჯალათი იხმარა, მას დავით მათიკაშვილის გაღიზიანება მოჰყვა, რომელსაც კომიტეტის სხდომა მიჰყავდა, მათიკაშვილმა ეკა ბესელიას სიტყვა შეაწყვეტინა და მიკროფონი გაუთიშა, რის შემდეგაც, დაპირისპირება ბესელია-მათიკაშვილს შორის გაგრძელდა. ეკა ბესელია: არ შემაწყვეტინო ახლა სიტყვა, არ შემაწყვეტინო… სავით მათიკაშვილი: მხოლოდ კორექტულობის ფარგლებში… ეკა ბესელია: არ შემაწყვეტინო, გეუბნები…თქვენ ხართ ჯალათი, მოსამრათლე, რომელსაც არ გაქვთ არც ჰუმანურობა,…

თბილისის მუნიციპალური ინსპექციის უფროსმა, გიორგი ბაგრატიონმა თანამდებობა დატოვა. ამის შესახებ მუნიციპალიტეტის მთავრობის სხდომაზე დედაქალაქის მერმა, კახა კალაძემ განაცხადა. თბილისის მერმა აღნიშნულ თანამდებობაზე გიორგი ბაგრატიონის ორწლიანი მუშაობა დადებითად შეაფასა და მას ახალ სამსახურშიც წარმატება უსურვა.   „თქვენ იცით, შარშან განვახორციელეთ მერიის ზედამხედველობის სამსახურის რეფორმა, რომლის ფარგლებში, მთლიანად სამსახურის რებრენდინგი მოხდა, გაიზარდა მისი ფუნქციები და დაემატა თანამშრომლები. დღეს ჩვენ გვყავს ფუნქციური, აქტიური, ეფექტური მუნიციპალური ინსპექცია, რომელიც ნებისმიერ ქუჩაზე, ნებისმიერ უბანში შესამჩნევია. ამ რეფორმის წარმატებით განხორციელებაში ძალიან დიდი წვლილი მიუძღვის გიორგი ბაგრატიონს, რომელსაც მინდა დიდი მადლობა გადავუხადო. იგი ტოვებს თანამდებობას მისი გადაწყვეტილებით. სხვა…

პარლამენტში,  თბილისის სააპელაციო სასამართლოს მოსამართლესა და უზენაესი სასამართლოს მოსამართლეობის კანდიდატ პაატა სილაგაძეს უსმენენ, რომელიც საპარლამენტო ოპოზიციამ  სიცრუეში ამხილა. მოსამართლემ კი თავი იმით იმართლა, რომ „ეს“ მაშინ არ ახსოვდა. „ევროპული საქართველოს“ ერთ-ერთი ლიდერი ოთარ კახიძე სილაგაძის მოსამართლეობის მსურველთა სიაში მოხვედრით დაინტერესდა შემდეგი კითხვით მიმართა: „დეკემბერში, ბრძანდებოდით უზენაესი სასამართლოს მოსამართლეობის  სკანდალურ სიაში, რომელმაც სერიოზული ვნებათა ღელვა გამოიწვია.  როგორ აღმოჩნდით ამ სიაში, ვინ შემოგთავაზათ უზენაესი სასამართლოს მოსამართლეობა, რა ფორმით და როგორ?“ პაატა სილაგაძე: „დეკემბერში, როდესაც საბჭოს გადაეცა უზენაესი სასამართლოს მოსამართლეების კანდიდატურის წარდგენის ფუნქცია, დამიკავშირდა იუსტიციის საბჭოს მდივანი გიორგი მიქაუტაძე, რომელმაც მკითხა, ვფიქრობთ, წარგადგინოთ…

აშშ-ის წარმომადგენელთა პალატამ ერთსულოვნად დაამტკიცა ორპარტიული „საქართველოს მხრდამჭერი აქტი“. საქართველოს საგარეო საქმეთა სამინისტროს ინფორმაციით, კანონპროექტი განსაკუთრებულ ყურადღებას უთმობს აშშ-საქართველოს შორის თავდაცვისა და უსაფრთხოების სფეროში თანამშრომლობას, საქართველოს თავდაცვისუნარიანობის განმტკიცებას და ამ მიმართულებით სახელმწიფო მდივანს, შესაბამის უწყებებთან ერთად საქართველოსთან თანამშრომლობის მომავალი ხუთი წლის სტრატეგიის წარდგენას ავალებს. ორპარტიული კანონპროექტი კიდევ ერთხელ ხაზს უსვამს საქართველოს სუვერენიტეტის, დამოუკიდებლობისა და ტერიტორიული მთლიანობისადმი აშშ-ის მტკიცე მხარდაჭერას და საქართველოს ოკუპირებულ ტერიტორიებზე ადამიანის უფლებათა დამრღვევი პირების წინააღმდეგ სანქციების დაწესების ინიციატივით გამოდის. როგორც უწყებაში აცხადებენ, საკანონმდებლო აქტით კონგრესი გმობს რუსეთის მიერ საქართველოს რეგიონების – აფხაზეთისა და ცხინვალის რეგიონის ოკუპაციას; ასევე,…

“ჩვენთვის დიდი პატივია, მესამედ ვუმასპინძლოთ თბილისში აბრეშუმის  გზის ფორუმს, რომელზეც მსოფლიოს 60-ზე მეტი ქვეყნიდან 2000-ზე მეტი მონაწილე შეიკრიბა”, – ამის შესახებ საქართველოს პრემიერ-მინისტრმა გიორგი გახარიამ “აბრეშუმის გზის ფორუმის” მონაწილე დელეგაციების პატივსაცემად გამართულ ოფიციალურ მიღებაზე სიტყვით გამოსვლისას განაცხადა. მთავრობის მეთაურმა აღნიშნა, რომ ფორუმის ფარგლებში ჩანიშნულია 300-ზე მეტი ორმხრივი შეხვედრა, რასაც დიდი მნიშვნელობა ენიჭება. გიორგი გახარიამ, გამოსვლაში, საქართველოს საინვესტიციო შესაძლებლობებთან ერთად, ხაზი გაუსვა ქართული მასპინძლობის კულტურის უნიკალურობას მსოფლიოში. „საქართველო არა მარტო ინვესტიციებისთვის და ბიზნესის კეთებისთვის არის საუკეთესო ქვეყანა, არამედ ის ღვინის სამშობლოცაა და ქართველები მასპინძლობით პირველები ვართ მსოფლიოში, რადგან მასპინძლობა ჩვენს გენშია. ამიტომ, აბრეშუმის გზის ინიციატივის ყველა მონაწილე ქვეყანას ვთავაზობ ცივილიზაციების გზაჯვარედინზე მყოფი საქართველოს სადღეგრძელოს. ეს იმ ქვეყნის სადღეგრძელოა, სადაც ისტორია და ტრადიციები…