დღე: ოქტომბერი 18, 2019

“მე არ მოვითხოვ განათლების ხარისხის განვითარების ეროვნული ცენტრიდან დიპლომის ნამდვილობის დამადასტურებელ დოკუმენტს, რადგან ჩემს დიპლომს არ აქვს არანაირი სამართლებრივი პრობლემა და არც ჰქონია”, – ამის შესახებ გენერალურმა პროკურორმა, შალვა თადუმაძემ განაცხადა. თადუმაძის თქმით, პარლამენტმა და იუსტიციის საბჭომ უკვე შეისწავლა დიპლომი და თუ ამ საკითხზე ვინმეს კითხვები აქვს, შეუძლია მისი პასუხები გადაახვიოს და თავიდან ნახოს. „თუ ვინმემ ვერ გაიგო ეს პასუხები, შეუძლია გადაახვიოს და თავიდან ნახოს. საზოგადოებაში კითხვის ნიშნები არ ყოფილა არასდროს ჩემს დიპლომთან დაკავშირებით, იმ ადამიანებს, რომლებიც წელიწადნახევარი ამ კითხვებს სვამენ, პასუხებს არ ისმენენ და ისევ სვამენ ამ კითხვებს, შეუძლიათ მკითხაობა გააგრძელონ“, – განაცხადა თადუმაძემ.

“ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა და მის ცვლილებაზე საუბარი პოლიტიკური კონიუნქტურიდან მოგონილი ჭორებია”, – ამის შესახებ საქართველოს პრემიერ-მინისტრმა გიორგი გახარიამ ეკონომიკისა და მდგრადი განვითარების სამინისტროს წარმომადგენლებთან სამუშაო შეხვედრისას განაცხადა. მთავრობის მეთაურის განმარტებით, ამ თემაზე კითხვის ნიშნები არ არსებობს და ვერ იარსებებს. „უნდა ვიცოდეთ, რომ ეს არის პოლიტიკური კონიუნქტურიდან მოგონილი ჭორები, რომელსაც ავრცელებენ“, – აღნიშნა გიორგი გახარიამ. მთავრობის მეთაური ეკონომიკისა და მდგრადი განვითარების სამინისტროში მთავრობის ადმინისტრაციის ხელმძღვანელ ნათია მეზვრიშვილთან ერთად იმყოფებოდა. შეხვედრას ესწრებოდნენ ეკონომიკისა და მდგრადი განვითარების მინისტრის მოადგილეები, ასევე უწყებას დაქვემდებარებული საჯარო…

იუსტიციის უმაღლესი საბჭოს წევრი, ანა დოლიძე თანამოაზრეებთან ერთად, სახალხო კამპანიას იწყებს აზარტული თამაშების წინააღმდეგ – „დაიცავი შენი შვილი“. ანა დოლიძე პარლამენტის სამ კომიტეტსაც მიმართავს და მათგან უფრო მეტ ჩართულობას მოითხოვს. ამასთან, ის ამ თემით დაინტერესებულ ადამიანებს მოუწოდებს, შეუერთდნენ მოძრაობას. კამპანიას შეუერთდა „ჯანმრთელობის ხელშეწყობისა და განათლების ფონდის“ წარმომადგენელი გიორგი ბახტურიძე. მისი თქმით, პრობლემის აღმოსაფხვრელად აუცილებელია, რამდენიმე ნაბიჯის გადადგმა. „გვაქვს კონკრეტული მოთხოვნები: ეს არის რეკლამის, პოპულარიზაციისა და სპონსორობის სრული აკრძალვა, ასევე ონლაინ თამაშების ჩახსნა, ასაკის გაზრდა მინიმუმ 25 წლამდე და მომდევნო ეტაპზე ამ ბიზნესის გადატანა, მაქსიმუმ ორ რეგიონში“, – აცხადებს გიორგი ბახტურიძე. დღეისთვის კამპანიას წარმოადგენენ:…

გენერალურმა პროკურორის, შალვა თადუმაძის განცხადებით, “შეწყალების საქმეზე” გამოძიების პროცესში, საქართველოს პრეზიდენტის გამოკითხვის საჭიროება თუ დადგა, მას პროკურატურაში დაიბარებენ. შალვა თადუმაძის თქმით, იმ შემთხვევაში, თუ საჭიროება გახდება, პროკურატურა კანონის შესაბამისად იმოქმედებს. გენერალურმა პროკურორმა აღნიშნა, რომ გამოძიების ფარგლებში ჯერჯერობით იმ პირების დაკითხვა მიმდინარეობს, რომელთა აუცილებლობაცაა. „მიმდინარეობს საგამოძიებო მოქმედებები. საჭიროების შემთხვევაში პროკურატურა იმოქმედებს კანონის შესაბამისად. თუ დადგება პრეზიდენტის გამოკითხვის აუცილებლობა, კანონის შესაბამისად ვიმოქმედებთ“, – განაცხადა შალვა თადუმაძემ. ცნობისთვის, შეწყალების საქმეზე დაწყებული გამოძიების ფარგლებში, გენერალურ პროკურატურაში გამოკითხვაზე იმყოფებოდნენ პრეზიდენტის საპარლამენტო მდივანი დიმიტრი გაბუნია, პრეზიდენტის ადმინისტრაციის თანამშრომლები, ასევე ადმინისტრაციის უფროსის მოადგილე, ინგა ხუციშვილი. მარიამობის დღესასწაულთან დაკავშირებით, სალომე ზურაბიშვილმა მკვლელობისთვის…