დღე: სექტემბერი 12, 2019

“პატრიოტთა ალიანსის” ერთ-ერთი ლიდერი, ირმა ინაშვილი ამერიკელი დიპლომატის, მეთიუ ბრაიზასა და აშშ-ის სახელმწიფო მდივნის ყოფილი თანაშემწის, დევიდ კრამერის წინააღმდეგ გამოძიების დაწყებას ითხოვს. მისი თქმით, ბრაიზას განცხადება, თითქოს მან საერთაშორისო კონფერენციის მსვლელობისას ღონისძიების ერთ-ერთი ორგანიზატორი დაკაწრა, ცილისწამებაა. „მივმართავ საქართველოს მთავარ პროკურატურას დაიწყოს გამოძიება ცილისწამებასა და ტყუილთან დაკავშირებით. დაიკითხოს ყველა დამსწრე, ვინც იყო იმ წუთებში დარბაზში. დაიკითხოს კრამერიც და ქალბატონი ნინო ევგენიძეც. ყველამ აგოს პასუხი ჩემს მიმართ განხორციელებულ ძალადობაზე. ვითხოვ დაიწყოს გამოძიება კრამერისა და მეთიუ ბრაიზას წინააღმდეგ. ცილისმწამებელი და მატყუარა არის მეთიუ ბრაიზა. მოძალადე და მატყუარა არის დევიდ კრამერი“, – განაცხადა ირმა ინაშვილმა.  …

საქართველოს დაზვერვის სამსახურს ლევან იზორია უხელმძღვანელებს. „დღეს საქართველოს დაზვერვის სამსახურის ახალ უფროსს ლევან იზორიას უწყების ყოფილმა უფროსმა დავით სუჯაშვილმა უმასპინძლა. ლევან იზორია სამსახურის მოსამსახურეებს შეხვდა, ასევე გაეცნო სამსახურში განხორციელებულ რეფორმებს. მან ხაზი გაუსვა სამსახურის ყოფილი უფროსის პროფესიონალიზმსა და ღვაწლს ქვეყნისა და სამსახურის წინაშე, მადლობა გადაუხადა დავით სუჯაშვილს და მომავალ საქმიანობაში წარმატება უსურვა“, – ვკითხულობთ საქართველოს დაზვერვის სამსახურის ინფორმაციაში. რაც შეეხება დავით სუჯაშვილს, ის უკვე დაინიშნა საქართველოს თავდაცვის მინისტრის მოადგილედ.

ტელეკომპანია „რუსთავი 2“-ის ყოფილ ფინანსურ დირექტორს, კახა დამენიას აღკვეთის ღონისძიების სახით 50 ათასი ლარი შეეფარდა. ამასთან, მას ქვეყნის დატოვების უფლებაც შეეზღუდა. კახა დამენია საქალაქო სასამართლოს მიერ მიღებულ გადაწყვეტილებას არ ეთანხმება და აცხადებს, რომ ბრალი მაშინ წაუყენეს, როდესაც საქართველოში არ იმყოფებოდა და საზღვარგარეთ მკურნალობდა. „ბუნებრივია, ბრალს აბსოლუტურად არ ვეთანხმები, რადგან თითიდან გამოწოვილი თემაა და ამას ყველა ნახავს, როდესაც დაიწყება არსობრივი განხილვა. არ ვეთანხმები არც აღკვეთის ღონისძიების გამოყენებას. უამრავი არგუმენტი მოვიყვანეთ, ყველაზე მთავარი არგუმენტი – ბრალი წამიყენეს ისე, რომ არ ვიყავი საქართველოში, ვმკურნალობდი. შევწყვიტე მკურნალობა და ჩამოვედი. პროკურატურის არგუმენტია, რომ თეორიულად არსებობს…

საქართველოს პარლამენტის თავმჯდომარის, არჩილ თალაკვაძის განცხადებით, საქართველო ყველა ძირითად მოთხოვნას აკმაყოფილებს ნატო-ში გასაწევრიანებლად. მისი თქმით, ქვეყნის დემოკრატიული ინსტიტუტები ნატო-ს სტანდარტებთან თავსებადია. „ბუქარესტის სამიტზე ნატო-მ და ჩვენმა პარტნიორებმა ნათლად თქვეს, რომ საქართველო გახდება ნატო-ს წევრი და საქართველოსთვის მისი კარი ღიაა. ჩვენი ქვეყანა არის სტრატეგიულ მზადყოფნაში გაწევრიანებისთვის და საქართველო აკმაყოფილებს ალიანსის ყველა ძირითად მოთხოვნას. ჩვენი სისტემები, დემოკრატიული ინსტიტუტები უკვე თავსებადია ნატო-ს სტანდარტებთან. გადაწყვეტილება და მასზე კონკრეტული წინადადებები უნდა განიხილონ ჩვენმა ძირითადმა პარტნიორებმა და ნატო-ს ყველაზე მაღალი თანამდებობის პირებმა. მხოლოდ ასეთ შემთხვევაში, შესაძლოა, რომ განიხილონ გაწევრიანების კონკრეტული გადაწყვეტილება. ასევე ხაზგასმით უნდა ითქვას, რომ ჩვენი სტრატეგიული მიზანი არის გაწევრიანება“, – განაცხადა…

საქართველოს კათოლიკოს-პატრიარქი, ილია მეორე, გიორგი გახარიას პრემიერ-მინისტრის თანამდებობაზე დანიშვნას ულოცავს. როგორც პატრიარქის მიერ გახარიასთვის გაგზავნილ წერილში წერია, ეს არის საპატიო და “ამავე დროს, ფრიად საპასუხისმგებლო თანამდებობა”. უწმინდესის თქმით, ხალხი დადებით ცვლილებებს ელოდება. “დამოუკიდებლობის მოპოვების შემდეგ ჩვენს ქვეყანაში დაძაბული პოლიტიკური პროცესები არ დამცხრალა. ეს გასაგებიცაა, რადგან სხვადასხვა ძალები ცდილობენ აქ გავლენის მოპოვებას და თავისი იდეოლოგიის გატარებას, ხალხი კი ელოდება დადებით ცვლილებებს. სამწუხაროდ, ამ ხნის განმავლობაში ვერ მოხერხდა მოსახლეობის ყოფითი პრობლემების დაძლევა, სოციალური მდგომარეობის გაუმჯობესება, ეროვნული ფასეულობების წინ წამოწევა, ერის გამთლიანება და ქვეყნის ტერიტორიული მთლიანობის აღდგენა. იმედს გამოვთქვამთ, რომ ჩვენს მეტად რთულ…

“ისე, მამუკა ხაზარაძის წარსული, ალი ბაბა და 40 ყაჩაღს უფრო ჰგავს, ვიდრე 12 მოციქულს. ოღონდ, ყაჩაღი უფროა ვიდრე ალი ბაბა. რომელი მოციქულების მომძიებლები ეგენი მყვანან, 12 კაცს, რომ ეძებენ,”- ასე შეაფასა დამოუკიდებელმა დეპუტატმა, დავით ჭიჭინაძემ “მედიაცენტრ მთავართან” საუბრისას, მამუკა ხაზარაძის განცხადება, საზოგადოებრივი მოძრაობა „ლელოს“ პრეზენტაციაზე 12 ლიდერთან დაკავშირებით. დავით ჭიჭინაძე მიიჩნევს, რომ “ლელო”-ს მომავალი არ გააჩნია და მამუკა ხაზარაძე პაატა ბურჭულაძის ბედს გაიზიარებს. მისი თქმით, ხაზარაძე სიმბოლოებით თამაშობს, რაც პოლიტიკოსისთვის დამახასიათებელი არ არის.  “სიმბოლოებს ეთამაშება. ილია ჭავაჭავაძე, 12 მოციქული. აი ეგეთი ხალხი ნანახი მყავს. გჯერათ, რომ ეგ ძალა გახდება? ძალა კი…

მამუკა ხაზარაძე და მისი ახლად დაფუძნებული მოძრაობა “ლელო”, ეძებს 12 ლიდერს ყველა სფეროში. როგორც მამუკა ხაზარაძემ, ანაკლიაში, საზოგადოებრივი მოძრაობა „ლელოს“ პრეზენტაციაზე აღნიშა, 112 წლის წინ 12 რიცხვში ილია ჭავჭავაძის მკვლელობა და დღეს, 12 სექტემბერს მისი მოძრაობის პრეზენტაცია დამთხვევაა. „მოვძებნით 12 ლიდერს ყველა სფეროში, ეს პროცესი დაწყებულია – 12 რეფორმატორს მედიცინაში, 12-ს განათლებაში, მრგვალი მაგიდების გარშემო, 12 კაცს ლიდერს და 12 ქალს ლიდერს რაიონში, რადგან ეს ქვეყანა ვიღაც მესიის და ერთი კაცის გადასარჩენი კი არ არის, თითოეულის გადასარჩენია. ეს ლიდერობა ქართველს ოდითგანვე მოსდევს. 112 წლის წინ, 12 რიცხვში ილია ჭავჭავაძე მოკლეს.…