დღე: სექტემბერი 1, 2019

ბიძინა გეგიძეს საპარლამენტო უმრავლესობა დაატოვებინეს. გადაწყვეტილება უმრავლესობის წევრებმა პარტია „ქართული ოცნების“ ოფისში გამართულ შეხვედრაზე მიიღეს. გავრცელებული ინფორმაციით, გეგიძის ბოლოდროინდელი განცხადებები წინააღმდეგობაში მოდიოდა პარტიის პოზიციებთან, რაც საბოლოოდ გადაწყვეტილების მიღების მიზეზი გახდა. ბიძინა გეგიძე ამ დრომდე რჩება მმართველი პარტიისა და მისი პოლიტსაბჭოს წევრად. პარტიიდან გარიცხვის თაობაზე გადაწყვეტილება, შიდა წესდების თანახმად, პოლიტსაბჭომ უნდა მიიღოს.

მეტი...

“ბიძინა ივანიშვილი არასოდეს ჩაერევა მთავრობის საქმიანობაში იმ დოზით, რომ შეუზღუდოს გადაწყვეტილებების მიღება ადამიანს, რომელიც მთავრობას ხელმძღვანელობს ან უხელმძღვანელებს”, – ამის შესახებ საპარლამენტო უმრავლესობის ლიდერმა, გია ვოლსკიმ განაცხადა. მედიის კითხვაზე დაბრუნდება თუ არა ბიძინა ივანიშვილი პრემიერ-მინისტრის პოსტზე, გია ვოლსკიმ განაცხადა, რომ ეს საკითხი არ განიხილება. „ვფიქრობ, ბიძინა ივანიშვილს ჩვენს გუნდშიც, თუნდაც პარტიულ იერარქიაში საკმაოდ მყარი და ძლიერი პოზიცია გააჩნია, მაგრამ არასოდეს ჩაერევა მთავრობის საქმიანობაში იმ დოზით, რომ შეუზღუდოს გადაწყვეტილებების მიღება ადამიანს, რომელიც მთავრობას ხელმძღვანელობს ან უხელმძღვანელებს. ასე რომ, ვფიქრობ, კოლეგიალური სტრუქტურა არსებობს. ვფიქრობ, პოზიციები საკმაოდ ერთგვაროვანია ჩვენს გუნდში და ბიძინა ივანიშვილი გადაწყვეტილებას არასოდეს იღებს მარტო ერთპიროვნულს. ეს უნდა დავაფასოთ. ამ მიმართულებით…

მეტი...

პარლამენტის იურიდიულ საკითხთა კომიტეტის ხელმძღვანელმა, ანრი ოხანაშვილმა „ქართული ოცნების“ ცენტრალურ ოფისში საპარლამენტო უმრავლესობის სხდომის შემდეგ განაცხადა, რომ გუნდში სამთავრობო ცვლილებებზე საუბარი იყო, რომელიც ეტაპობრივად გაჟღერდება. „მოვლენებს წინ ნუ გავუსწრებთ. ჩვენ დღეს საინტერესო შეხვედრა გვქონდა. ვიმსჯელეთ, ვითათბირეთ მთელ რიგ საკითხებთან დაკავშირებით. უფრო მეტ ინფორმაციას გაიგებთ ეტაპობრივად, ხვალ გეცოდინებათ უფრო მეტი, ზეგ კიდევ უფრო მეტი და აშ. მიმდინარეობს და გრძელდება კონსულტაციები, შესაბამისად გუნდმა მივიღეთ გადაწყვეტილება, რომ საზოგადოებას ეს ინფორმაცია ეცნობება ეტაპობრივად. გიდასტურებთ ინფორმაციას, რომ იყო სამთავრობო ცვლილებებზე საუბარი გუნდში, ვიმსჯელეთ საინტერესო დისკუსია და მსჯელობა შედგა. კიდევ გრძელდება ეს კონსულტაციები“, – განაცხადა ანრი ოხანაშვილმა.

მეტი...

უმრავლესობის ლიდერის, გია ვოლსკის განცხადებით, სამთავრობო ცვლილებებთან დაკავშირებით ხვალ, პრემიერ-მინისტრი, მამუკა ბახტაძე განცხადებას გააკეთებს. „ვფიქრობ, ხვალ დილას საკმაოდ დიდი მოცულობის ინფორმაცია გექნებათ და შესაბამის განცხადებას გააკეთებს პრემიერ-მინისტრი, მამუკა ბახტაძე”, – განაცხადა გია ვოლსკი. კითხვაზე, დატოვებს თუ არა ბახტაძე თანამდებობას, ვოლსკი პასუხობს: “გარდა ამისა, არსებობს კოლეგიალობის სტანდარტი, რაც წინ გადახტომას არ ითვალისწინებს. დღეს ამ საკითხების განხილვა დავიწყეთ და სამშაბათს პოლიტსაბჭოს სხდომაზე განხილვას დავამთავრებთ“, – განაცხადა გია ვოლსკიმ პარტიის ოფისში გამართული უმრავლესობის სხდომის დასრულების შემდეგ.

მეტი...

“ცხინვალის დე ფაქტო რეჟიმის წარმომადგენელთა განცხადება იმის შესახებ, თითქოს ქარელის მუნიციპალიტეტში, სოფელ აბანოს მიმდებარე ტერიტორიაზე დრონი ქართველმა პოლიციელებმა ცეცხლსასროლი იარაღის გამოყენებით ჩამოაგდეს, არ შეესაბამება სინამდვილეს”, – ამის შესახებ სახელმწიფო უსაფრთხოების სამსახურში აცხადებენ. „ხაზგასმით უნდა აღინიშნოს, რომ საქართველოს ცენტრალური ხელისუფლება განწყობილია კონსტრუქციულად და უდიდეს ყურადღებას უთმობს არსებული სტაბილური გარემოს შენარჩუნებას. ხაზგასმით აღვნიშნავთ, რომ ცხინვალის დე ფაქტო რეჟიმის წარმომადგენელთა განცხადება იმის შესახებ, თითქოს აღნიშნული დრონის ჩამოგდება მოხდა ქართველი პოლიციელების მიერ ცეცხლსასროლი იარაღის გამოყენებით, არ შეესაბამება სინამდვილეს“, – განაცხადეს სუს-ში. უწყების ცნობით, დღეს ქარელის მუნიციპალიტეტში, სოფელ აბანოს მიმდებარე ტერიტორიაზე საოკუპაციო ძალების კუთვნილი უპილოტო საფრენი…

მეტი...