დღე: ივლისი 15, 2019

რუსეთის ფედერაციის საბჭოს საგარეო ურთიერთობთა კომიტეტის თავმჯდომარე კონსტანტინ კოსაჩოვმა „პატრიოტთა ალიანსის“ წევრებთან შეხვედრისას განაცხადა, რომ თბილისში, 20 ივნისს განვითარებულმა მოვლენებმა, რუსთავი 2-ის ჟურნალისტის საქციელმა, რუსეთ-საქართველოს ურთიერთობები ნულოვან წერტილზე დაიყვანა. მისი თქმით, რუსეთში მოვლენების ასეთი განვითარებით გულწრფელად დამწუხრებული და იმედგაცრუებული არიან. „ბოლო თვის ცნობილი მოვლენების შემდეგ – რაც მოხდა საქართველოს პარლამენტში 20 ივნისს, რაც მოხდა ქართულ ტელევიზიაში გასულ კვირას, ყველაფერმა ამან ჩვენი ურთიერთობები კვლავ მკვეთრად დახია უკან, პრაქტიკულად ნულოვან წერტილზე დაიყვანა“, – განაცხადა კოსაჩოვმა. კოსაჩოვის განცხადებით, ორივე მხრიდან ცნობილი პოლიტიკოსებისა და დიპლომატების მრავალწლიანი, თანმიმდევრული მუშაობის შემდეგ, რუსეთი და საქართველო შესაძლოა, პატარა ნაბიჯებით, თუმცა მაინც ლახავდნენ  უთანხმობებეს, პოულობდნენ…

დავით გარეჯში, აღდგომის ტაძრამდე მისასვლელი ბილიკი ჩაკეტილია. გადაწყვეტილება სასაზღვრო პოლიციამ გუშინდელი ინციდენტის შემდეგ მიიღო. ადგილზე კი ექსპერტ-კრიმინალისტები მუშაობენ. შს სამინისტრომ სავარაუდოდ, გუშინდელ ინციდენტზე გამოძიება დაიწყო. გუშინ, აზერბაიჯანელმა მესაზღვრეებმა სალოცავებიდან ხატები გამოიტანეს, რომლებიც ტაძრებში მოგვიანებით სამოქალაქო აქტივისტებმა დააბრუნეს. ადგილობრივები, სამოქალაქო აქტივისტები და სასულიერო პირები საქართველოს ხელისუფლებას ვითარების კიდევ უფრო დაძაბვის თავიდან ასაცილებლად დროულ რეაგირებას სთხოვენ. საქართველოს შინაგან საქმეთა სამინისტროს ინფორმაციით, დავით გარეჯში, უდაბნოს მონასტრის მიმდებარე ტერიტორიაზე ქართულ-აზერბაიჯანულ მხარეებს შორის შეხვედრა მიმდინარეობს. თუმცა, ჯერ უცნობია, კონკრეტულად ვინ მონაწილეობს შეხვედრაში.

“არის მოსაზრება, რომ თუ “ქართული ოცნებიდან” საარჩევნო საკითხებზე სამუშაო ჯგუფში პირობითად, ჯდება ირაკლი კობახიძე, მაშინ ჩვენ იმ მაგიდასთან არ დავჯდებით. ამგვარი მიდგომა ყმაწვილობაც კი არ არის, პოლიტიკური ბავშვობაა” – ეს განცხადება მამუკა კაციტაძემ “მედიაცენტრ მთავარში” გააკეთა და იმ პოლიტიკურ სუბიექტებს გამოეხმაურა, რომლებიც პროცესებს არარეალური მიზეზებით ემიჯნებიან. “როცა სასწორზე დევს ისეთი მნიშვნლოვანი საკითხი, როგორიცაა საკონსტიტუციო ცვლილებები და საარჩევნო გარემოს გაუმჯობესება, ამ დროს მოიმიზეზო კობახიძე და მისი დალალები, რომ მე მაგიდასთან არ დავჯდებიო, ეს არის სასაცილო. ეს არის ხელისუფლებისთვის საბაბის მიცემა, რომ აღნიშნული პროცესი აჭრას. თუ ლაპარაკია კომფორტზე, პოლიტიკა არ გახლავთ კომფორტის…

„ახალი მემერჯვენეების“ ერთ-ერთი ლიდერი მამუკა კაციტაძე პროპორციულ საარჩევნო სისტემაზე გადასვლის რისკებზე საუბრობს და ამბობს, რომ ყველაფერი შეიძლება მოხდეს, მათ შორის, კონსტიტუციური ცვლილების ჩავარდნის ჩათვლით. როგორც კაციტაძემ „მედიაცენტრ მთავარში“ გამართულ პრესკონფერენციაზე აღნიშნა, არ არის გამორიცხული, აქციების მინელების პარალელურად, ხელისუფლებამ საარჩევნო სისტემის ცვლილებაც მიანელოს. „ყველაფერია მოსალოდნელი. პროპორციულ სისტემაზე უარის საბაბი შეიძლება გახდეს ის, რომ ჩაწყნარდა საპროტესტო ტალღა. პირადად, ნაკლებად ვხედავ ამ თემის უკან დატრიალების საფრთხეს. თუმცა, მოდუნების და ხელების ჩამოყრის დრო და საშუალება არ გვაქვს. მოდუნება არ შეიძლება. საკითხი მხოლოდ მაშინ იქნება დასრულებული, როცა მესამე მოსმენის შემდეგ, „ტაბლოზე“ ხმის მიცემის რიცხვები გამოისახება.…

„თავისუფალი დემოკრატების“ აღმასრულებელი მდივანი ლევან სამუშია ზოგიერთი პოლიტიკური სუბიექტის შეფასებას, რომ ირაკლი კობახიძესთან სასაუბროდ დაჯდომა მის ველზე შესვლას ნიშნავს, არ ეთანხმება და აცხადებს, რომ მსგავსი მიდგომა არასერიოზულია. საუბარია საარჩევნო სისტემის ცვლილებაზე, კერძოდ კი პროპორციულ სისტემაზე გადასვლაზე. ზოგიერთი ოპოზიციური პოლიტიკური ძალა საარჩევნო სისტემაზე მომუშავე ფორმატზე იმ მოტივით ამბობს უარს, რომ ჯგუფში ერთ-ერთი ლიდერი პარლამენტის ყოფილი თავმჯდომარე ირაკლი კობახიძეა. „ეს არ მიმაჩნია მართებულად. იქ არის 90-ზე მეტი კობახიძე და აქედან გამომდინარე, როდესაც ქვეყნისთვის არის მთავარი გადაწყვეტილება მისაღები, ამ შემთხვევაში, თუნდაც 90-ზე მეტ კობახიძესთან შეიძლება ჩვენც მოგვიწიოს დაჯდომა. ეს საკითხი არის მთავარი, რომ…

„თავისუფალი დემოკრატები“ პროპორციულ სისტემაზე გადასვლას მნიშვნელოვან მონაპოვარს უწოდებენ და კონსტიტუციური ცვლილების პროცესში მაქსიმალურად ერთვებიან. როგორც “თავისუფალი დემოკრატების“ აღმასრულებელმა მდივანმა ლევან სამუშიამ „მედიცენტრ მთავარში“ განაცხადა, მთავარია სისტემის შეცვლა, სხვა დეტალებზე მათ პრინციპული  პოზიცია არ ექნებათ. „ჩვენი „თავისუფალი დემოკრატების“ მთავარი მოთხოვნაა პროპორციულ სისტემაზე გადასვლა. ხოლო, ის დეტალები, რა დეტალებზეც მმართველი გუნდი არის ჩაჭიდებული,  ნულოვანი ბარიერი თუ უბლოკო სისტემა, პრონციპული არ არის. მთავარია ის, რომ  მმართველ გუნდს, ჩვენ არ შევუქმნით ფუფუნებას, ტექნიკური საკითხების საბაბით, პროპორციულ სისტემაზე გადასვლასთან დაკავშირებით უარი თქვას. ეს არის ოპოზიციის და ჩვენი, „ თავისუფალი დემოკრატების“ პრინციპული პოზიცია. გვექნება დისკუსია, მაგრამ,…