დღე: ივნისი 9, 2019

„ჩვენი დაკვირვებით და იმის გათვალისწინებით, რომ აქტივობა იყო საკმაოდ მაღალი ჩვენ დარწმუნებული ვართ, რომ ლადო კახაძემ დიდი უპირატესობით გაიმარჯვა. მინდა მას მივულოცო ეს გამარჯვება და ველით როდესაც ის შემოუერთდება საპარლამენტო უმრავლესობას“ – განაცხადა უმრავლესობის ლიდერმა არჩილ თალაკვაძემ. მისი თქმით, ლადო კახაძემ ძალიან კარგად იცის, რა მხარდაჭერას ელოდება მთაწმინდელების მხრიდან. „მე დარწმუნებული ვარ მასაც აქვს იგივე მოლოდინი და განცდა, რომ დიდი უპირატესობით გაიმარჯვებს მეორე ტურში. მინდა განსაკუთრებული მადლობა გადავუხადო ჩვენს მხარდამჭერებს. საარჩევნო ადმინისტრაციამ , როგორც ვნახეთ, ძალიან ორგანიზებულად, დიდი ექსცესების გარეშე ჩაატარა კენჭისყრის პროცესი. ყველა იმ მცირე ინციდენტთან დაკავშირებით, რაზეც დღეს…

მეტი...

პოლიტიკური გაერთიანება “ქართული ოცნება – დემოკრატიული საქართველოს” გენერალური მდივნის კახა კალაძე ლადო კახაძეს გამარჯვებას ულოცავს და აცხადებს, რომ უპირატესობა სწორედ მის მხარესაა. „პირველ რიგში, ვულოცავ მთაწმინდელებს მშვიდობიანად, სამართლიანად და დემოკრატიულად ჩატარებულ არჩევნებს. მოგეხსენებათ 8 საათზე, დასრულდა ხმის მიცემის პროცესი და საარჩევნო უბნები დაიხურა. ახლა იწყება ხმების დათვლის პროცესი და ყველა უნდა დაველოდოთ საბოლოო შედეგს, თუმცა წინასწარი მონაცემებით დაფიქსირებული დიდი უპირატესობა, მაძლევს საშუალებას, რომ მივულოცო ბატონ ლადო კახაძეს’ – განაცხადა კახა კალაძემ. თბილისის მერი მხარდამჭერებსა და აგიტატორებს მადლობას უხდის გაწეული შრომისთვის. „მადლობას ვუხდი ყველა ჩვენს მხარდამჭერს ამ გამარჯვებისთვის, მადლობას ვუხდი თითოეულ…

მეტი...

ცენტრალური საარჩევნო კომისიის მონაცემებით, 20:00 საათის მონაცემებით, მთაწმინდის ოლქში იმაზე მეტი ამომრჩეველი მივიდა, ვიდრე პირველ ტურზე. ამომრჩეველთა რაოდენობამ 41,23% შეადგინა. “ერთი პროცედურული ხარვეზი გამოვლინდა. #3 საარჩევნო უბანზე გადასატანი საარჩევნო ყუთის სიაში რეგისტრაციის მისამართის მიხედვით შეყვანილი ამომრჩეველი არ იმყოფებოდა რეგისტრაციის ადგილას. კომისიის წევრებმა ამომრჩეველს გადასატანი ყუთი მიუტანეს იქ, სადაც ამომრჩეველი ფაქტობრივად იმყოფებოდა, რაც აღმოჩნდა საარჩევნო უბნის საზღვრებს გარეთ. აღნიშნული ფაქტის გამო ყუთი დაილუქა, გაიგზავნა საოლქო საარჩევნო კომისიაში და შემდეგ ის მიიღებს გადაწყვეტილებას,”- განაცხადა ცესკოს პრეს სპიკერმა. ანა მიქელაძემ. საოლქო საარჩევნო კომისიაში, მთელი დღის მანძილზე მხოლოდ ორი საჩივარი დაფიქსირდა.

მეტი...

პოლიტიკური გაერთიანება “ქართული ოცნება – დემოკრატიული საქართველოს” პოლიტიკური საბჭოს წევრის გია ვოლსკი მთაწმინდის შუალედურ არჩევნებთან დაკავშირებით განცხადებას აკეთებს. როგორც დეპუტატი აცხადებს, საქართველომ დემოკრატიულობის მაგალითი კიდევ ერთხელ გამოავლინა. “ვერ ვიტყოდი, რომ განცხადებისთვის რაიმე ახალი გარემოებები მაქვს. მინდა ხაზი გავუსვა, რომ თბილისმა, საქართველომ როგორც განვითარებულმა, დემოკრატიულმა სახელმწიფომ მძლავრი დემოკრატიული ინსტიტუტებით, კიდევ ერთხელ გამოავლინა თავი. ყველას მინდა დიდი მადლობა ვუთხრა, ჩვენი ოპონენტების მხარდამჭერებსაც, განსაკუთრებით კი ჩვენს მხარდამჭერებს, ვინც მივიდა და თავის პოლიტიკური ნება დააფიქსირა. იყო გარკვეული პროვოკაციები. მთლიანობაში, ვერ შეძლეს ამისგან ისტორია შეექმნათ და ის რაც ხდება, მისასალმებელია“ – აცხადებს დეპუტატი.

მეტი...

ამომრჩეველთა აქტივობის მაჩვენებელი მთაწმინდის მაჟორიტარულ ოლქში, 12:00 საათის მდგომარეობით 13 %- შეადგენს, რაც ნიშნავს, რომ რეგისტრირებული 43 909 ამომრჩევლიდან 5814- მა არჩევანი უკვე გააკეთა. ამასთან, ცესკო-ს მონაცემებით, შუალედური არჩევნების პირველ ტურზე ეს მაჩვენებელი 10%- ს შეადგენდა. რაც შეეხება საჩივრების რაოდენობას, ცესკო-ს ინფორმაციით ამ დროისთვის მხოლოდ ერთი საჩივარია დაწერილი. გარდა ამისა, დაფიქსირდა უბნებზე ისეთი ამომრჩევლების მისვლაც, რომლებიც არ არიან #1 მაჟორიტარული ოლქის ან იმ კონკრეტული უბნის ამომრჩევლები. „მივმართავთ მოქალაქეებს, ხმის მისაცემად მივიდნენ მხოლოდ ის უფლებამოსილი ამომრჩევლები, რომლებიც 9 ივნისის მეორე ტურის არჩევნებისთვის არიან რეგისტრირებული“, – განაცხადა ცესკო-ს სპიკერმა, ანა მიქელაძემ.

მეტი...