დღე: მაისი 20, 2019

ცესკო-ს სპიკერის ანა მიქელაძეს განცხადებით, თბილისში, არჩევნების მეორე ტური, #1 მაჟორიტარულ ოლქში არაუგვიანეს 13 ივნისს უნდა ჩატარდეს. როგორც ანა მიქელაძემ განაცხადა, არჩევნების საბოლოო შედეგების დასათვლელად საოლქო საარჩევნო კომისიებს ვადა 30 მაისამდე აქვთ. ” ახლა მიმდინარეობს როგორც საბოლოო შედეგების დამუშავების, ისე საჩივრების განხილვის პროცესი. კანონმდებლობის თანახმად, საოლქო საარჩევნო კომისიებმა უნდა შეაჯამონ კენჭისყრის შედეგები არაუგვიანეს კენჭისყრის დღიდან მე-11 დღისა, რაც არის არაუგვიანეს 30 მაისი“, – განაცხადა ანა მიქელაძემ. კანონმდებლობის თანახმად, თბილისში, მეორე ტური, აღნიშნული პროცედურები კენჭისყრის დღიდან 25 დღის განმავლობაში უნდა ჩატარდეს.

პარტია “ქართული ოცნება – დემოკრატიული საქართველოს” გენერალური მდივანი, კახა კალაძე არჩევნებს აფასებს და აცხადებს, რომ ამომრჩევლის მოსყიდვის ერთი ფაქტიც არ არსებობს. მისი თქმით, არჩევნებმა მშვიდ და გამჭვირვალე გარემოში ჩაიარა. “საერთო ჯამში, არჩევნები მშვიდ ვითარებაში წარიმართა. მიუხედავად იმისა, რომ განსაკუთრებით ზეგდიდში იყო მცდელობა არეულობის შემოტანის, პროვოკაციების, ექსცესები არ ყოფილა. იყო მცირე დაპირისპირებები, მაგრამ საერთო ჯამში, გამჭვირვალედ, მშვიდობიანად ჩატარდა არჩევნები. ყველა ოლქში გაიმარჯვა პარტია “ქართული ოცნების” წარდგენილმა კანდიდატებმა.”- განაცხადა კახა კალაძემ კახა კალაძის შეფასებით “ნაციონალურ მოძრაობა” დაშლილია. „მე გამიჭირდება დაპირისპირებაზე რაიმე კომენტარი გავაკეთო. შეიძლება ითქვას, რომ „ნაციონალური მოძრაობა” დაშლილია. ერთადერთი, რაზეც დგას…

ცენტრალური საარჩევნო კომისიის მონაცემებით, ზუგდიდში, „ქართული ოცნების“ კანდიდატმა 50%-იანი ზღვარი გადალახა, რაც იმას ნიშნავს, რომ ზუგდიდს გამარჯვებული მერი უკვე ჰყავს. პირველადი მონაცემებით, ზუგდიდის ოლქში “ქართული ოცნების” კანდიდატმა გიორგი შენგელიამ ხმათა 54,18%, ხოლო “გაერთიანებული ოპოზიციის” კანდიდატმა სანდრა რულოვსმა 42,84% მიიღო. მერობის დანარჩენმა კანდიდატებმა ხმათა 1%-ზე ნაკლები მოიპოვა.

ცენტრალური საარჩევნო კომისიის მონაცემებით, მთაწმინდის ოლქში არჩევნების მეორე ტური გაიმართება. უბნის მონაცემების მიხედვით, ლადო კახაძემ ხმების 41 % მიიღო, რაც რაოდენობრივად არის 6 036 ხმა. „ევროპული საქართველო – თავისუფალი დემოკრატების” კანდიდატმა შალვა შავგულიძემ მიიღო ხმების 36,83%, რაც რაოდენობრივად 5 422 ხმაა. მთაწმინდის მაჟორიტარულ ოლქში სულ 31 უბანი იყო გახსნილი და უკვე დათვლილია ყველა უბნის მონაცემები. მთაწმინდის ოლქში მაჟორიტარი დეპუტატობის დანარჩენი კანდიდატები, რომლებმაც ხმათა 1%-ზე მეტი მიიღეს, არიან: გერმანე საბო 4,76%, ლევან იოსელიანი – 6,55%, კობა დავითაშვილი – 2,91%, სოფიო ხორგუანი – 2,64%, გრიგოლ გეგელია -3,14%.

საკრებულოს შუალედური არჩევნები საგარეჯოში, ახმეტაში, ადიგენში, ზესტაფონში, ჭიათურაში, ტყიბულში, წყალტუბოსა და ოზურგეთში ჩატარდა, ცესკოს მონაცემები უკვე დაითვალა. შედეგების მიხედვით, ყველა ოლქში „ქართული ოცნების“ კანდიდატმა გაიმარჯვა. საგარეჯოს მუნიციპალიტეტში, გამარჯვება „ქართული ოცნების“ კანდიდატმა ზურაბ შინდელაშვილმა 72,4%-ით მოიპოვა. მეორე ადგილს კი 26,71%-ით „ერთიანი ნაციონალური“ მოძრაობის კანდიდატი ირაკლი ჯინჭარაძე იკავებს. ახმეტის საარჩევნო ოლქში 2 უბნიდან 2-ვე უბნის მონაცემების მიხედვით, „ქართული ოცნება – დემოკრატიული საქართველოს“ კანდიდატმა როსტომ ალხანაშვილმა ხმების 96,49 % მიიღო. ადიგენში „ქართული ოცნების“ კანდიდატ გენადი ბოლქვაძეს 93,89 %-იანი მხარდაჭერა აქვს. ზესტაფონში, საკრებულოს შუალედურ არჩევნებში 2 უბანი იყო გახსნილი და ორივეს შედეგებით, „ქართული ოცნების“…