დღე: მაისი 6, 2019

საქართველოს პროკურატურის განცხადებით, პანკისის ხეობაში მოკლული თემირლან მაჩალიკაშვილის საქმეზე გამოძიება დასკვნით ეტაპზეა. როგორც „მედიაცენტრ მთავარს“ საქართველოს პროკურატურიდან აცნობეს, ჩატარებულია მთელი რიგი საგამოძიებო მოქმედებები და გამოკითხულია არაერთი პირი. „თბილისის პროკურატურის საგამოძიებო ნაწილში მიმდინარეობს გამოძიება 2017 წლის 26 დეკემბერს, ახმეტის რაიონში, სოფელ დუისში ჩატარებული სპეცოპერაციის დროს, სამსახურებრივი უფლებამოსილების, იარაღის გამოყენებით, შესაძლო გადამეტების ფაქტზე. ამ ეტაპზე, საქმეზე ჩატარებულია მთელი რიგი საგამოძიებო და საპროცესო მოქმედებები, მათ შორის: დათვალიერებულია შემთხვევის ადგილი და ამოღებულია გამოძიებისთვის მნიშვნელოვანი ნივთები, ჩატარებულია სასამართლო-სამედიცინო და კომპლექსური (გენეტიკური, ბალისტიკური,ტრასოლოგიური) ექსპერტიზები“ – ვკითხულობთ პროკურატურის მიერ მოწოდებულ ინფორმაციაში. როგორც პროკურატურაში აცხადებენ, გამოკითხულია სუს-ის თანამშრომლებიც,…

შინაგან საქმეთა სამინისტრო მძღოლების წინააღმდეგ სანქციებს ამკაცრებს. საუბარია სიჩქარის გადაჭარბებაზე, მანქანის არასწორად გაჩერებაზე, ვიდეოკამერებით დაფიქსირებულ დარღვევებზე ქულების ჩამოკლებასა და ნასვამ მძღოლებზე. როგორც შინაგან საქმეთა მინისტრის მოადგილემ გაეროს საგზაო უსაფრთხოების მე-5 გლობალური კვირეულზე განაცხადა, ცვლილებათა პაკეტს საქართველოს პარლამენტი საგაზაფხულო სესიაზე განიხილავს. “ჩვენთვის პრიორიტეტია, რომ ავტოსაგზაო შემთხვევების რაოდენობა შემცირდეს. ამისთვის ვამატებთ კამერებს. წლის ბოლომდე, ქვეყნის მასშტაბით, 5 ათასამდე კამერა გვექნება. საუბარია სხვადასხვა ტიპის კამერებზე – ნომრის ამომცნობი, სახის ამომცნობი, ზოგადი ხედვის და ა. შ . ვაპირებთ, საპატრულო ეკიპაჟების რაოდენობის გაზრდას, როგორც თბილისში, ასევე რეგიონებში. ასევე, ვგეგმავთ საკანონდებლო ცვლილებებს, რომელიც უკვე მომზადებულია და…

საქართველოში მცხოვრებ მუსლიმთა შეიხი მეუფე იობის ქადაგებას, დავით გარეჯთან დაკავშირებით, დაუფიქრებელს და ემოციურს უწოდებს. როგორც შეიხმა რამინ იგიდოვმა „მედიაცენტრ მთავარში“ გამართულ პრესკონფერენციაზე განაცხადა, დადებითია, რომ აზერბაიჯანულმა მედიამ რუის-ურბნისის მიტროპოლიტის ქადაგება აზერბაიჯანულმა მედიამ არ გააშუქა და ქართულ მედიასაც იგივეს მოუწოდებს. „ეს პრობლემა ისე უნდა იყოს მოგვარებული, როგორც ჩვენს მრავალწლიან მეგობრობას შეეფერება და შეშვენის. მეუფის განცხადებები იყო დაუფიქრებელ ფონზე გაკეთებული. მანამდეც იყო პოლიტიკოსების მხრიდან ემოციური განცხადებები, ხშირ შემთხვევაში შეურაცხმყოფელიც. თუმცა, ეს არ წარმოაჩენს ქართულ პოზიციას. ეს არის ემოციურ ფონზე, დაუფიქრებელი განცხადებები, რაც ავნებს, როგორც ქართულ მხარეს,ისე აზერბაიჯანელებს“, – განაცხადა შეიხმა „მედიაცენტრ მთავარში“.…

„ქვეყნებს, რომლის 20% ოკუპირებულია, მესამე ძალა ურთიერთობებს უფუჭებს. ერთმანეთის გადაკიდებას ცდილობენ,“ – აცხადებს შეიხი რამინ იდიგოვი „მედიაცენტრ მთავარში“ გამართულ პრესკონფერენციაზე. „საქართველო და აზერბაიჯანი მოკავშირე ქვეყნებია, ორივეს ერთი პრობლემა გააჩნია, ორივე ქვეყნის ტერიტორიის 20% ოკუპირებულია. ამ ფონზე, ხდება ისეთი პრობლემის წარმოჩენა, რომ ამ ორ მოკავშირე ქვეყანას ერთმანეთის წინააღმდეგ აყენებს. მხარეებმა ისეთი გადაწყვეტილება უნდა მიიღონ, რომ არცერთი ქვეყნის ინტერესი დაზიანდეს და მოსახლეობის ინტერესები არ შეიბღალოს. არ უნდა დარჩეს არცერთი მხარე უკმაყოფილო. ეს არის მესამე ძალის ჩარევის შედეგი, რათა გადაფაროს ის ძირითადი პრობლემა, რაც ორივე ქვეყანას აქვს და უფრო მეტიც ეს ორი ქვეყანა…

„კომპლექსის ნაწილი აზერბაიჯანის ტერიტორიაზეა, ნაწილი კი საქართველოს ტერიტორიაზე. ეს არის ორი ქვეყნის სადაო საკითხი, რაც ერთობლივმა კომისიამ უნდა გადაწყვიტოს. არცერთი მხარე არ უნდა დაზარალდეს,“ – აღნიშნული განცხადება შეიხმა რამინ იგიდოვმა „მედიაცენტრ მთავარში“ გააკეთა. როგორც შეიხმა რამინ იგიდოვმა აღნიშნა, პოლიტიკური განცხადებები, რომელიც ქართული მხარის წარმომადგენლებისგან კეთდება, 2 ქვეყნის ურთიერთობისთვის საზიანოა. „დავით გარეჯის სამონასტრო კომპლექსის ნაწილი საქართველოს ტერიტორიაზეა, ნაწილი აზერბაიჯანის. ეს საბჭოთა პერიოდიდან ორი ქვეყნის სადავო საკითხია, რომელიც დღემდე გრძელდება. ჩემი აზრით, აუცილებელია შედგეს ორმხრივი კომისია, რომელიც საკითხს გადაწყვეტს და შესაბამისად, დემილიტარიზაციისა და დემარკაციის პროცესით ორივე მხარე კმაყოფილი იქნება. საქართველოში მცხოვრებ აზერბაიჯანელებს…

ბოლო მონაცემებით, ისრაელსა და ღაზას სექტორს შორის მომხდარ შეიარაღებულ დაპირისპირებას 30-მდე ადამიანი ემსხვერპლა. გაეროსა და საერთაშორისო ორგანიზაციების ჩართულობისა და მოწოდებების მიუხედავად, დაპირისპირებული მხარეები შეტაკებებს არ წყვეტენ. ისრაელის მხარე არ ადასტურებს პალესტინელი მაღალჩინოსნების განცხადებას რომ თითქოს, ცეცხლის შეწყვეტაზე მოლაპარაკებები შედგა. შეტაკებებიდან გამომდინარე, ყველა სკოლა დაიხურა და მოსახლეობა ევაკუირებულია. რაც შეეხება საქართველოს მოქალაქეებს, ისრაელში საქართველოს საელჩომ, განგაშის სიგნალის ამოქმედების შემთხვევაში, მოქმედების ინსტრუქცია გამოაქვეყნა. „სირენის/განგაშის სიგნალის ან აფეთქების ხმის გაგონებისთანავე უნდა განხორციელდეს შემდეგი ქმედებები, რაც დამოკიდებულია თქვენ ადგილმდებარეობაზე, კერძოდ: შენობაში – უნდა შეხვიდეთ დაცულ სივრცეში, თავშესაფარში ან სპეციალურ დაცულ ოთახში, დაკეტოთ კარები და…