დღე: მაისი 4, 2019

ლარსის სასაზღვრო-გამშვები პუნქტი მუშაობის გაძლიერებულ რეჟიმზე გადავიდა, რაც, შსს-ს ინფორმაციით, რუსეთიდან საქართველოში შემომსვლელ მგზავრთა ნაკადის მომატებამ განაპირობა. შსს-ს ინფორმაციით, სასაზღვრო პუნქტი გაძლიერებული რეჟიმით მუშაობს და მგზავრებს საზღვრის კვეთისას პრობლემა არ ექმნებათ. „რუსეთის ფედერაციიდან საქართველოში შემომსვლელ მგზავრთა მომატებული ნაკადის გამო, საქართველოს სახელმწიფო საზღვარი მუშაობის გაძლიერებულ რეჟიმზე გადავიდა. ლარსის გამშვები პუნქტი სრული დატვირთვით მუშაობს და ყოველი მოქალაქე ჩვეული სასაზღვრო პროცედურის გავლის შემდგომ, დაბრკოლების გარეშე კვეთს სახელმწიფო საზღვარს,” – ნათქვამია შსს-ს ინფორმაციაში

მეტი...

პარლამენტმა „სექსუალური შევიწროების შესახებ კანონი“ დაამტკიცა. კანონის მიხედვით, სექსუალური შევიწროება 300-დან 1000 ლარიანი ჯარიმით და უფრო მეტიც, პატიმრობითაც დაისჯება. საკანონმდებლო ცვლილებები შეეხო შრომის კოდექსს, სახალხო დამცველის შესახებ კანონს, სამოქალაქო საპროცესოსა და ადმინისტრაციულ სამართალდარღვევათა კოდექსებს. შევიწროება საზოგადოებრივ ადგილებში პატრულის რეაგირებას დაექვემდებარება და დადასტურების შემთხვევაში, 300 ლარის ოდენობით დაჯარიმებას დამოიწვევს. განმეორებით შემთხვევაში ანალოგიური ქმედების გამო პირი დაჯარიმდება 500 ლარით ან გამასწორებელი სამუშაოებით ერთ თვემდე ვადით. მსგავსი ქმედება ჩადენილი წინასწარი შეცნობით არასრულწლოვნის, ორსულის, უმწეო მდგომარეობაში მყოფის, შეზღუდული შესაძლებლობების მქონე პირის მიმართ ან არასრულწლოვნის თანდასწრებით გამოიწვევს დაჯარიმებას 500-დან 800 ლარამდე ოდენობით. 1000 ლარამდე დაჯარიმებას,…

მეტი...

„მედიაცენტრი მთავარის“ ინფორმაციით, სამეფო ოჯახის წარმომადგენელი, დავით ბაგრატიონ-მუხრანელი თბილისშია. ის საქართველოში წუხელ ჩამოფრინდა. მისი ადვოკატი „მთავარს“ ამ ინფორმაციას უდასტურებს. როგორც დავით მუხრანელის სამოქალაქო საქმის ადვოკატმა ლევან ჩხეიძე „მედიაცენტრ მთავარს“ განუცხადა, მისი დაცვის ქვეშ მყოფი თბილისშია და მასთან შეხვედრას ორშაბათს გეგმავს. რაც შეეხება დავით ბაგრატიონ-მუხრანელის სს საქმე, ამ ნაწილში მისი ადვოკატის, ლევან მახარაშვილის განცხადებით, მისი დაცვის ქვეშ მყოფი შესაბამის უწყებაში გამოკითხვაზე მომავალ კვირას მივა. შეგახსენებთ, რომ ანა ბაგრატიონ-გრუზინსკიზე, მისი ყოფილი მეუღლის მხრიდან ფიზიკური ძალადობის მუხლით სს საქმეა აღძრული. დავით ბაგრატიონი, თავდაპირველად, საგამოძიებო უწყებაში გამოცხადებაზე უარს აცხადებდა, ამჯერად კი თანახმაა, გამოძიებასთან ითანამშრომლოს.

მეტი...

ყველაზე ძვირადღირებული ცხოველი, რომელიც ერთი ქვეყნის საკუთრებაა და არც იყიდება, მილიონი დოლარი ღირს. ზოოპარკებს ამ ცხოველის გამრავლება შეუძლიათ, თუმცა, მისი წარმოშობის ქვეყანას ყოველ წელს მილიონი დოლარი უნდა უხადოს. როგორც თბილისის ზოოპარკის დირექტორმა ზურაბ გურიელიძემ „მედიაცენტრ მთავართან“ ექსკლუზიური საუბრისას აღნიშნა, მსოფლიოში ყველაზე ძვირადღირებული ცხოველი ერთ ქვეყანას – ჩინეთს ეკუთნის. „მარტორქისა და სპილოს ფასი 100 000 ევროა, თუმცა, ზოოპარკები არ ყიდიან და ძირითადად კერძო პირები ვაჭრობენ ცხოველებით. რაც შეეხება ყველაზე ძვირადღირებულ ცხოველს, ეს არის პანდა, თუმცა, არ იყიდება. პანდა ჩინელების საკუთრებაა და იმ ქვეყნის ზოოპარკები, ვისაც პანდა ჰყავს, ჩინეთს ყოველ წელს მილიონ…

მეტი...