დღე: მაისი 3, 2019

სახელმწიფო უსაფრთხოების სამსახურის უფროსი ვახტანგ გომელაური ოკუპირებულ ტერიტორიებზე გარდაცვლილ საქართველოს მოქალაქეებზე საუბრობს და აცხადებს, რომ საოკუპაციო ძალის მხრიდან, დამნაშავეების დასასჯელად არაფერი გაკეთებულა. აღნიშნული განცხადება ვახტანგ გომელაურმა პარლამენტში გააკეთა. „გასულ წელს, არჩილ ტატუნაშვილის, გიგა ოთხოზორიას და დავით ბაშარულის უაღრესად მნიშვნელოვან საქმეებთან დაკავშირებით, საოკუპაციო ძალისა და დე ფაქტო რეჟიმების მხრიდან სიმართლის დადგენისა და დამნაშავეების დასჯის მიმართულებით ნაბიჯი კვლავ არ გადადგმულა. ოკუპაციის მძიმე შედეგს წარმოადგენს 2019 წლის 10 მარტს რუსეთის საოკუპაციო ძალების მიერ უკანონოდ დაკავებული და მოგვიანებით, გაურკვეველ ვითარებაში გარდაცვლილი ირაკლი კვარაცხელიას საქმე. უსაფრთხოების სამსახური იყენებს ყველა არსებულ მექანიზმს, რათა მოხდეს კვარაცხელიას დაღუპვის…

სუს-ის უფროსის ვახტანგ გომელაურის განცხადებით, ოკუპირებულ რეგიონებში წარმოდგენილი რუსული სამხედრო კონტინგენტისა და სპეცსამსახურების აქტივობები, როგორც საქართველოსთვის ისე კავკასიისა და ევროპისთვის, მნიშვნელოვანი გამოწვევაა. როგორც ვახტანგ გომელაურმა პარლამენტის პლენარულ სხდომაზე წლიური ანგარიშის წარდგენისას განაცხადა, 2018 წელს საქართველოს ოკუპირებული ტერიტორიების მიმართ რუსეთის ფედერაციის მიდგომები არ შეცვლილა და კვლავ არაფორმალური ანექსიის პოლიტიკის გატარებაში გამოიხატება.   “ოკუპირებული ტერიტორიები საქართველოსთვის უპირველეს გამოწვევად რჩება. საანგარიშო პერიოდში კვლავ გრძელდებოდა აფხაზეთისა და ცხინვალის რეგიონის მზარდი მილიტარიზაცია, ქართული მოსახლეობის ეთნიკური ნიშნით დისკრიმინაცია და თავისუფლად გადაადგილების უფლების შეზღუდვა. აფხაზეთსა და ცხინვალის რეგიონში მიმდინარე ე.წ. პოლიტიკური და სოციალურ-ეკონომიკური პროცესები სრულად კონტროლდებოდა და მართული იყო საოკუპაციო…

თბილისში,მეტროსადგურ “სარაჯიშვილზე”  ტრაგიკული შემთხვევა მოხდა. ახალგაზრდა მამაკაცს მატარებელი დაეჯახა.  თბილისის სატრანსპორტო კომპანია მეტროსადგურ „სარაჯიშვილზე“ მომხდარი ტრაგიკული შემთხვევის გამო, მეტროს მატარებლების გადაადგილებასთან დაკავშირებით განცხადებას ავრცელებს. როგორც განცხადებაშია აღნიშნული, ამ ეტაპზე მატარებლები მოძრაობენ ზონალურ რეჟიმში, მეტროსადგურ „დიდუბედან“ „ვარკეთილის“ მიმართულებით და პირიქით. ამასთან, „ახმეტელის თეატრიდან“ მეტროსადგურ „დიდუბემდე“  მოძრაობა შეჩერებულია. “თბილისის სატრანსპორტო კომპანია გაცნობებთ, რომ მეტროსადგურ „სარაჯიშვილზე“ მომხდარი უბედური შემთხვევის გამო, მეტროს პირველი ხაზი მგზავრებს შეფერხებით ემსახურება. მატარებლები მოძრაობენ ზონალურ რეჟიმში, მეტროსადგურ „დიდუბედან“ „ვარკეთილის“ მიმართულებით და პირიქით.“, – ნათქვამია განცხადებაში. ამ დროისთვის, მიმდინარეობს საგამოძიებო მოქმედებები, რომლის დასრულების შემდეგ, თბილისის მეტროს პირველ ხაზზე მატარებლების მოძრაობა…

რუის-ურბნისის მიტროპოლიტი, მეუფე იობი ქართველი მესაზღვრეების ქმედებით გაოცებულია და უკვირს, რატომ ვერ შეძლეს დავით გარეჯი დაეცვათ. მიტროპოლიტმა ქადაგებისას ხმაურიანი განცხადებები გააკეთა და აღნიშნა, რომ აზერბაიჯანს სადაო სიმაღლეები საქართველოს გასაკონტროლებლად სჭირდება. „გაოცებული ვარ, რატომ ვერ შეძლეს ჩვენმა მესაზღვრეებმა იქით გადასულიყვნენ და დაეცვათ ეს ტერიტორია. პირიქით, ისინი ზემოთ ამოდიან და უკვე მათთვის ეს ადგილი ყოფილა სამხედრო თვალსაზრისით, სტრატეგიული დანიშნულების ადგილი. სიმაღლეები არის და ფაქტობრივად, ეს რისთვის სჭირდება ამ მესაზღვრეებს, აზერბაიჯანის მხარეს? სჭირდება იმისთვის, რომ ჩვენ გაგვაკონტროლონ იქით. თვალში ნაცარს გვაყრიან და გვეუბნებიან, მუსულმან ქვეყნებზე, რომ ჩვენი მეგობრები და ჩვენი ძმები არიან. ეს…

რუის-ურბნისის მიტროპოლიტი, მეუფე იობი სკანდალურ განცხადებებს აკეთებს და ამბობს, რომ თუ მეზობელი ქვეყანა არასწორი პოლიტიკის გამტარებელი იქნება, კონფლიქტი რელიგიურ ჭრილში გადაიზრდება. მეუფეს თქმით, ეს არ იქნება ხანმოკლე და ის იქნება მუდმივი კონფლიქტი. მან სასულიერო პირებს კონკრეტული ქმედებების გადადგმისკენ მოუწოდა. დავით გარეჯის სამონასტრო კომპლექსის 18-ვე ტაძარში საჩვენებელი წირვა-ლოცვა ერთდროულად აღავლინეს. სასულიერო პირების მრავალრიცხოვანი დელეგაცია იქ, სწორედ, რუის-ურბნისის მიტროპოლიტის, მეუფე იობის თაოსნობით ჩავიდა. გადაწყვეტილება კი სამღვდელოებამ მას შემდეგ მიიღო, რაც ისტორიული კომპლექსის ერთი ნაწილი აზერბაიჯანელმა მესაზღვრეებმა თვითნებურად დაიკავეს. სასულიერო პირების მისვლისთანავე აზერბაიჯანულ მხარეს ვერტმფრენები გამოჩნდა. „დღეს ისეთი გამოწვევის წინაშე ვდგავართ, რომ ამ…

აზერბაიჯანის ხელისუფლება საქართველოსთან საზღვრის სწრაფი დემილიტარიზაციის მომხრეა, რაც ტერიტორიული დავის შეჩერებას გულისხმობს. აღნიშნული განცხადება აზერბაიჯანის საგარეო საქმეთა სამინისტროს პრესსამსახურის ხელმძღვანელმა ლეილა აბდულაევამ გააკეთა. „ვიმედოვნებთ, რომ ეს პროცესი უახლოეს მომავალში დასრულდება. თავის მხრივ აზერბაიჯანი ამისთვის მზად არის. აზერბაიჯანსა და საქართველოს შორის სახელმწიფო საზღვრის დელიმიტაციის საკითხი წყდება საერთაშორისო გამოცდილების საფუძველზე, ასევე ურთიერთ კოორდინაციის ფარგლებში ორმხრივ ფორმატში. ტარდება სახელმწიფო კომისიის სხდომები. ამ დროისთვის ჩატარებულია 11 ამგვარი სხდომა. საერთო ჯამში, სახელმწიფო საზღვრის 480 კილომეტრიდან 314 შეთანხმებულია სახელმწიფო კომისიის ფარგლებში. საზღვრის 166 კილომეტრს კი ექსპერტების დონეზე სწავლობენ“, – განაცხადა აბდულაევამ. აზერბაიჯანის საგარეო საქმეთა სამინისტროს წარმომადგენლის…