„ჩვენი ყველაზე დიდი შეცდომა იყო ე.წ. კოჰაბიტაცია, მე არ მოვერიდები ამის თქმას“ – ირაკლი ღარიბაშვილი

„ქართული ოცნება-დემოკრატიული საქართველოს“ პოლიტიკური მდივნის, ირაკლი ღარიბაშვილის განცხადებით, ხელისუფლების ერთ-ერთი ყველაზე დიდი შეცდომა კოჰაბიტაცია. ეს გზავნილი მან ზესტაფონში, მოსახლეობასთან შეხვედრისას გააკეთა. ყოფილმა პრემიერ-მინისტრმა ქვეყნის მთავარ გამოწვევად კი სიღარიბე და უმუშევრობა დაასახელა. „ჩვენ კარგად გვესმის, რომ მთავარი პრობლემა, მთავარი გამოწვევა ჩვენი ხალხის წინაშე – ეს არის სიღარიბე, უმუშევრობა, მძიმე სოციალური ფონი და ჩვენი ეკონომიური ვითარება, რომელიც წლების განმავლობაში დაგროვდა. ეს, რა თქმა უნდა, არ დაწყებულა არც 2012 წელს და არც 2016 წელს. მე შემთხვევით არ მიხსენებია ეს წლები. 2012 წელს ჩვენ თქვენთან ერთად, სწორედ შეუპოვარი ხალხის მხარდაჭერით შევძელით შეუძლებელი, ჩვენი პარტიის…

მეტი...

აფხაზური მედიის ინფორმაციით, აფხაზეთში ყოფილი მაღალჩინოსნები, ძებნილი ახალაია და უდესიანი იმყოფება

გენერალი და ექსპერტი უსაფრთხოების საკითხებში ლევან ნიკოლეიშვილი სახელმწიფოს მიმართავს, ზუგდიდის არჩევნებში რუსული სცენარის განვითარების თავიდან ასაცილებლად, ყველაფერი გააკეთოს. საუბარია, აფხაზურ მედიაში გავრცელებულ ინფორმაციაზე, რომლის მიხედვითაც, საქართველოს ყოფილი მაღალჩინოსნები, რომლებიც ძებნილები არიან, ამჟამად აფხაზეთში იმყოფებიან, საიდანაც ზუგდიდის მერობის არჩევნებში ჩართვას გეგმავენ. გია უდესიანი და დათა ახალაია – ეს გვარები ლევან ნიკოლეიშვილმა აფხაზური მედიის მიერ გავრცელებულ ინფორმაციაში ამოიკითხა და შესაძლო პროვოკაციაზე „მედიაცენტრ მთავარში“ ისაუბრა. „სახელმწიფოს და შესაბამის ორგანოებს სრული საშუალება აქვს, შესაძლო რუსული სცენარების პრევენცია მაქსიმალურად მოახდინონ. საუბარია სახელმწიფო ინტერესების დაცვაზე. ეს არ არის რომელიმე პოლიტიკური პარტიის ინტერესები, ეს არის სახელმწიფო ინტერესების…

მეტი...

გენერალ ნიკოლეიშვილის ინფორმაციით, ახალაია-უდესიანის ორგანიზებით, ზუგდიდში დესტრუქციული ჯგუფების შემოყვანა იგეგმება

„სახელმწიფოს ქმედება არ მომწონს, მოახდინონ რეაგირება“ – ექსპერტი უსაფრთხოების საკითხებში ლევან ნიკოლეიშვილი აფხაზეთიდან დესტრუქციული ჯგუფების შესაძლო შემოყვანაზე საუბრობს და ხელისუფლებას სასწრაფო რეაგირებისკენ მოუწოდებს. მისი ინფორმაციით, ოკუპირებული აფხაზეთის ტერიტორიაზე საქართველოს ყოფილი მაღალჩინოსნები დათა ახალაია და გია უდესიანი იმყოფებიან, რომლებიც ზუგდიდში, არჩევნებისთვის დესტრუქციული ჯგუფების შემოყვანას გეგმავენ. „აფხაზ ინფომ” გაავრცელა ინფორმაცია, რომ აფხაზეთის ტერიტორიაზე იმყოფებიან ყოფილი ხელისუფლების მაღალჩინოსნები, ადამიანები, რომლებიც ძებნილები არიან – გია უდესიანი და დათა ახალაია. მათი მცდელობაა, გარკვეული გავლენა მოახდინონ ზუგდიდში მიმდინარე არჩევნებზე. ერთია, რომ გადმოიყვანონ გარკვეული ადამიანთა ჯგუფები და მათ მიაცემინონ ხმა მათი კანდიდატის სასარგებლოდ და მეორე – მოახდინონ…

მეტი...

დათა ახალაია და გია უდესიანი აფხაზეთში იმყოფებიან

ექსპერტ ლევან ნიკოლეიშვილის ინფორმაციით, დათა ახალაია და გია უდესიანი ოკუპირებული აფხაზეთის ტერიტორიაზე იმყოფებიან. მისივე ინფორმაციით, ისინი, ზუგდიდის მერის არჩევნებში ჩართვას სწორედ ოკუპირებული ტერიტორიიდან გეგმავენ. სავარაუდოდ, საუბარია გარკვეული ე.წ. საზღვარზე დესტრუქციული ძალების გადმოყვანასა და პროვოკაციების მოწყობაზე. ამ თემაზე ლევან ნიკოლეიშვილი ამ წუთებში “მედიაცენტრ მთავარში” პრესკონფერენციას მართავს.

მეტი...

„ჰესების მშენებლობას აუცილებლად გავაგრძელებთ“ – მამუკა ბახტაძე

საქართველოს პრემიერ მინისტრი მამუკა ბახტაძე აცხადებს, რომ საქართველოში ჰესების მშენებლობა გაგრძელდება, თუმცა ერთი პირობით: „აუცილებლად გავაგრძელებთ ჰესების მშენებლობას ისე, რომ ადგილობრივი მოსახლეობის ინტერესები ყოველთვის იყოს დაცული და ნებისმიერი პროექტი უმაღლეს ეკოლოგიურ სტანდარტებს შეესაბამებოდეს“, – ეს განცხადება საქართველოს პრემიერ-მინისტრმა “კურორტ გოდერძიზე”, ჰესების მშენებლობასთან დაკავშირებით ჟურნალისტების მიერ დასმული კითხვის საპასუხოდ გააკეთა. მისივე შეფასებით, ქვეყანას სჭირდება ეკონომიკის განვითარება, რისთვისაც საჭიროა მეტი ელექტროენერგია. „ჩვენ გვჭირდება ეკონომიკის განვითარება, ეკონომიკის განვითარებას სჭირდება მეტი ელექტროენერგია. ეს არის ძალიან მარტივი პრინციპი, როგორ ხდება ეკონომიკის განვითარება. ამავე დროს, ყველას უნდა გვახსოვდეს, რომ ადგილობრივი მოსახლეობის ინტერესი და უმაღლესი ეკოლოგიური სტანდარტის…

მეტი...

საკრებულოს წევრი პროკურატურაში ისევ დაიბარეს

ამომრჩევლის შესაძლო მოსყიდვის ფაქტთან დაკავშირებით, ზუგდიდის საოლქო პროკურატურაში, საკრებულოს წევრის – გია დანელიას ხელმეორედ გამოკითხვა მიმდინარეობს. დანელია ფარულ ჩანაწერში არსებულ დავალებებს ფაბრიკაციას უწოდებს “ჩანაწერი ფაბრიკაცია, მონტაჟია და არ შეესაბამება რეალობას. 2017 წელს, ანუ 2 წლის წინ, საუბარი მქონდა ერთ-ერთ პიროვნებასთან, კონკრეტულად ბაადურ რაფავასთან. ვფიქრობ, რომ ჩვენი ჩანაწერი, სავარაუდოდ, მის მიერაა გაკეთებული. მას მოვუწოდებ, თქვას სიმართლე, რაზე იყო საუბარი”, – განაცხადა დანელიამ პროკურატურაში შესვლამდე. შეგახსენებთ, რომ სამეგრელო-ზემო სვანეთის საოლქო პროკურატურამ გამოძიება ამომრჩევლის სავარაუდო მოსყიდვის ფაქტზე დაიწყო. საქმე ეხება ფარულ ჩანაწერს, სადაც სავარაუდოდ, გია დანელია მეორე ადამიანს არჩევნების ყველა შესაძლო მეთოდებით მოგებაზე…

მეტი...

„საქართველოში ოჯახს ყოველთვის ჰქონდა მნიშვნელოვანი როლი და მომავალშიც ასე იქნება“ – პრემიერი

საქართველოს პრემიერ-მინისტრის, მამუკა ბახტაძის განცხადებით, ოჯახი და შესაბამისად, ოჯახის სიწმინდის დღე საქართველოში მნიშვნელოვანი ფასეულობაა და ყოველთვის ასე დარჩება. „საქართველოში ოჯახს და ოჯახურ ფასეულობებს ყოველთვის ჰქონდა ყველაზე მნიშვნელოვანი როლი, ეს ასე იყო, არის და მომავალშიც ასე იქნება“, – ასე უპასუხა საქართველოს პრემიერ-მინისტრმა მამუკა ბახტაძემ ბათუმში, ჟურნალისტების მიერ 17 მაისთან დაკავშირებით დასმულ კითხვას. როგორც მთავრობის მეთაურმა აღნიშნა, საქართველოში ნებისმიერი მოქალაქის უფლება კანონით დაცულია: „ჩვენს ქვეყანაში, ნებისმიერი მოქალაქის უფლება არის დაცული კანონით. საქართველოში ოჯახს და ოჯახურ ფასეულობებს ყოველთვის ჰქონდა ყველაზე მნიშვნელოვანი როლი. ეს ასე იყო, არის და მომავალშიც ასე იქნება“. შეგახსენებთ, რომ დღეს,…

მეტი...

არჩილ თალაკვაძის ინფორმაცით, ნაციონალები ზუგდიდში ზონდერების მობილიზაციას ახდენენ

საპარლამენტო უმრავლესობის წარმომადგენლის არჩილ თალაკვაძეს განცხადებით, ზუგდიდში წინასწარი მონაცემებით მმართველი გუნდის კანდიდატი გიორგი შენგელია ლიდერობს, რის გამოც “ნაციონალური მოძრაობის” საარჩევნო კამპანიაში დაძაბულობამ იმატა. როგორც ზუგდიდში გამართულ ბრიფინგზე საპარლამენტო უმრავლესობის ლიდერმა არჩილ თალაკვაძემ განაცხადა, ზუგდიდში, “ნაციონალურ მოძრაობას” პროვოკაციის მოსაწყობად ზონდერები ჰყავს ჩამოყვანილი. „არჩევნებამდე დარჩა 2 დღე და ხედავთ, რომ ოპოზიციის მთავარ სამიზნედ ამ შუალედურ არჩევნებზე არის შერჩეული ზუგდიდი. ჩვენ ხელთ არსებული ყველა მონაცემით, რომელიც ჩვენ გვაქვს საზოგადოებასთან შეხვედრებისა და კარდაკარის მიხედვით, ჩვენს კანდიდატს გეგა შენგელიას, მაღალი აქტივობის შემთხვევაში, აქვს პირველივე ტურში გამარჯვების შესაძლებლობა.”ნაციონალურ მოძრაობას” ჰყავს მობილიზებული ბევრი აქტივისტი ზუგდიდში და ჩვენი ინფორმაციით, ისინი…

მეტი...

„სალომემ და სანდრამ, ზვიად გამსახურდიაზე წარმოდგენა გულწრფელად შეიცვალეს“ – კონსტანტინე გამსახურდია

კონსტანტინე გამსახურდიას შეფასებით, საქართველოს პრეზიდენტის და ზუგდიდის მერობის კანდიდატის – სანდრა რულოვსის შეხედულებები ზვიად გამსახურდიაზე ნამდვილად შეიცვალა. კონსტანტინე გამსახურდიას სჯერა, რომ დასახელებული ქალბატონების აღიარება გულწრფელია. აღნიშნული განცხადება კონსტანტინე გამსახურდიამ „მედიაცენტრ მთავართან“ გააკეთა. „დარწმუნებული ვარ, სანდრა რულოვსმა გულწრფელად შეიცვალა პოზიცია და ის იმას არ ფიქრობს, რასაც ზვიად გამსახურდიაზე ადრე ფიქრობდა. მეტსაც გეტყვით, სალომე ზურაბიშვილზეც ასე ვფიქრობ. სალომე ზურაბიშვილიც, 1992 წელში ფიქრობდა სხვანაირად, თუმცა, პოზიცია მანაც შეიცვალა. მე არ მინდა ეჭვი შევიტანო სანდრა რულოვსში და სალომე ზურაბიშვილის გულწრფელობაში. ამ შემთხვევაში ორივე ქალბატონი არის გულწრფელი. მე სიცრუის დეტექტორი არ დამიყენებია, მაგრამ ვენდობი ამ…

მეტი...

„შეწყვიტეთ ზვიად გამსახურდიას სახელის პოლიტიკური ინტერესებისთვის გამოყენება“ – კონსტანტინე გამსახურდია

დამოუკიდებელი საქართველოს პირველი პრეზიდენტის – ზვიად გამსახურდიას შვილი კონსტანტინე გამსახურდია, პოლიტიკური პარტიების მხრიდან, ზვიადის სახელის გამოყენებას ამორალურს უწოდებს და ყველას მიმართავს, პოლიტიკურმა ბანაკებმა ზვიადის სახელის ხსენება შეწყვიტონ. ზუგდიდის მერის არჩევნებსა და ზვიად გამსახურდიას სახლის გამოყენებაზე, კონსტანტინე გამსახურდიამ „მედიაცენტრ მთავარში“ გამართულ პრესკონფერენციაზე ისაუბრა. „ზვიად გამსახურდიას სახელს, უკანასკნელ ხანებში, საკმაოდ ხშირად ახსენებენ. ვგულისხმობ საარჩევნო ბატალიებსა და დაპირისპირებას, როცა მხარეები ერთმანეთს ზვიადის სიყვარულში ეჯიბრებიან. ზვიად გამსახურდიას სახელი ვიწრო პოლიტიკური ინტერესებისთვის არც ერთმა მხარემ უნდა გამოიყენოს. არც დაჯგუფებამ და არც ინტერესთა ჯგუფმა. ზვიად გამსახურდიას სახელს მის მიერ აღსრულებული საქმეები იცავს, მას საქართველოს ერთიანობის საერთო…

მეტი...

ტყეში ხანძრის დანთება პატიმრობას ითვალისწინებს – გაფრთხილება მოსახლეობას

გარემოს დაცვისა და სოფლის მეურნეობის სამინისტრო, ტურისტული სეზონის გააქტიურებასთან დაკავშირებით, მოუწოდებს მოსახლეობას  დაიცვან ტყეში უსაფრთხოების წესები და დაემორჩილონ იმ აკრძალვებს, რომელიც  ტერიტორიაზე საპიკნიკე ადგილების მოწყობისას და კოცონის დანთებისას ვრცელდება. საქართველოს ადმინისტრაციულ სამართალდარღვევათა კოდექსის თანახმად, ტყეებში სახანძრო უსაფრთხოების მოთხოვნათა დარღვევა, რასაც მოჰყვა ტყეში ხანძრის გაჩენა ან მისი გავრცელება გარკვეულ ფართობზე, აგრეთვე, ტყის მოსპობა ან დაზიანება ცეცხლის წაკიდების ან ცეცხლისადმი დაუდევრად მოპყრობის შედეგად  გამოიწვევს დაჯარიმებას ასიდან ორას ლარამდე, ხოლო ტყეში დაუდევრობით გამოწვეული ხანძრის შემთხვევაში,  კანონი ითვალისწინებს თავისუფლების აღკვეთას ოთხიდან რვა წლამდე. როგორც ეროვნულ სატყეო სააგენტოში “მედიაცენტრ მთავარს” განუცხადეს,  საქართველოს მასშტაბით, ხანძარსაშიში უბნებსა…

მეტი...

ექსკლუზივი: საბერძნეთში 29 წლის გოგო ტყავის ქამრით გაგუდეს – მკვლელობის ახალი დეტალები

საბერძნეთში მომხდარი საშინელი მკვლელობის ისტორიის შესახებ „მედიაცენტრმა მთავარმა“ ახალი დეტალები გაარკვია. როგორც მოკლული ახალგაზრდა ქალის – ქეთი სუთიძის ახლობლები აცხადებენ, ის ტყავის ქამრით არის გაგუდული, ქამარი კი საწოლის ქვეშ შეგდებული იპოვეს. მკვლელობის ბრალდებით დაკავებულია მისივე ყოფილი მეუღლე. „ჩემი ქეთუსია აღარ მყავს, ჩემო საცოდავო, ტანჯულო მე შენზე წარსულში ვერასოდეს ვილაპარაკებ ჩემო ბავშობავ ..ჩემო ხალისიანო მხიარულო და კეთილო, შენ ასეთი წამებით სიკვდილის ღირსი არ იყავი არააა….. რა ვუყოთ კესოს, როდესაც ერთ წუთსაც არ იშორებდი გვერდიდან ბავშვებზე სიგიჟემდე შეყვარებული დედა იყავი. ყველა პასუხს აგებს შენს და შენი ორი ანგელოზის წინაშე, ღმერთი დიდია და…

მეტი...

„სამხედრო შენაერთებიც რომ ჩამოიყვანონ, ლგბტ აღლუმი არ ჩატარდება“

სამოქალაქო აქტივისტები, ორგანიზაციები და საქართველოს რიგითი მოქალაქეები, ამჯერად, მობილიზაციას 18 ივნისისთვის აცხადებენ. როგორც „ქართული მარშის“ ერთ-ერთმა ლიდერმა „მედიაცენტრ მთავარში“ განაცხადა, რომელი დიპლომატიც არ უნდა ჩამოვიდეს საქართველოში, არანაირი „გეი პრაიდი“ არ ჩატარდება. „რაც არ უნდა მოხდეს, ვინც არ უნდა იყოს და რა ძალაც არ უნდა წამოვიდეს ჩვენს წინააღმდეგ, სამხედრო შენაერთებიც რომ ჩამოიყვანონ უცხოეთიდან,  ლგბტ გეი აღლუმი საქართველოში ვერ და არ ჩატარდება. ეს უნდა გაითავისოს ყველმა. მე მინდა თავად ლგბტ ადამიანებს მივმართო, მათ ინტერესებშიც არ შედის ესეთი პროვოკაციები. ეს ადამიანები, რომლებიც ამ ლგბტ პრაიდს გეგმავენ არანაირად არ არიან დაინტერესებული მათი დაცვით. ისინი…

მეტი...

„არ ღირს ამ ზეიმის დემორალიზება, ეკლესია ძალადობას ემიჯნება“ – დეკანოზი 17 მაისზე

17 მაისს საქართველოში ოჯახის სიწმინდის დღეს აღნიშნავენ. საპატრიარქოს მიერ ორგანიზებული ღონისძიებები 17:00 საათზე დაიწყება. საქართველოს საპატრიარქო შესაძლო ექსცესებზე საუბრობს და ყველას შეახსენებს, რომ ძალადობა ყველაზე დიდი ცოდვაა. როგორც დეკანოზმა გიორგიმ „მედიაცენტრ მთავარს“ განუცხადა, პროვოკაციებისგან არავინაა დაცული. „ეკლესია ყოველგვარ ძალადობას ემიჯნება . ძალადობა არის ძალიან მძიმე ცოდვა, ეს იქნება სიტყვიერი თუ ფიზიკური ძალადობა. რაც შეეხება ექსცესებს, რომელიც შესაძლოა განვითარდეს, ღმერთმა არ ქნას, მაგრამ, რა თქმა უნდა, ამისაგან ვერავინ ვიქნებით დაზღვეულნი. ჩვენ ხშირად ეკლესიისგან ვითხოვთ იმას, რაც აბსოლუტურად სცილდება მის კომპეტენციას. ეკლესიის მისია დედამიწაზე არის ერთადერთი – ღვთის სიტყვის ქადაგება და მასთან…

მეტი...

საქართველოს მოქალაქეებმა, თანამზრახველებთან ერთად, 100 მილიონი დოლარი მოიპარეს

კიბერდანაშაულის უპრეცენდენტო შემთხვევა გახსნილია. ტრანსნაციონალური ორგანიზებული კიბერდანაშაულის ქსელის ლიდერს და მის ასისტენტს საქართველოს პროკურატურის შუამდგომლობით პატიმრობა შეეუფარდეს. კიბერდანაშაულებრივმა დაჯგუფებამ მილიონობით დოლარი მოხსნა ევროპული და ამერიკულ ბანკებიდან, გაძარცვულია 41 000 საბანკო ანგარიში. ათიათასობით მოქალაქის ძარცვა საქართველოდან ხდებოდა. ჯგუფს, საქართველოს მოქალაქე ალექსანდრ კონოვოლოვი ხელმძღვანელობდა. მას დახმარებას ასევე საქართველოს მოქალაქე მარატ კაზაჯიანი უწევდა. დანაშაულში ასევე ჩართულები იყვნენ ბულგარეთის, მოლდოვის, უკრაინის და რუსეთის მოქალაქეები. ტრანსნაციონალურ ორგანიზებულ კიბერდანაშაულთან დაკავშირებით, საქართველოს გენერალურ პროკურატურაში საგანგებო განცხადება გაკეთდა, რომელსაც მედიაცენტრი მთავარი“ უცვლელად გთავაზობთ: „კომპლექსური ტრანსნაციონალური ორგანიზებული კიბერდანაშაულებრივი ქსელი, რომელიც აშშ-სა და მსოფლიოს სხვადასხვა ქვეყანაში მცხოვრებ დაზარალებულთაგან 100 მილიონი…

მეტი...

ათენში, 29 წლის ქალის მკვლელობისთვის, ყოფილი მეუღლე დააკავეს

ათენში საქართველოს მოქალაქის ქ.ს.-ს მკვლელობის ფაქტთან დაკავშირებით, ათენის პოლიციამ მოკლული, 29 წლის ქალის ყოფილი ქმარი დააკავა. დაკავებულს ბრალად ედება განზრახ მკვლელობის მოტივით ჩადენილი დანაშაული. დაკავებული ბრალდებას უარყოფს და აცხადებს, რომ ყოფილი მეუღლის საცხოვრებლის შესახებ მან არაფერი იცოდა. დაკავებულიც საქართველოს მოქალაქეა. მოკლულსა და დაკავებულს 2 შვილი ჰყავთ.

მეტი...

„შსს თითოეული ადამიანის გამოხატვის თავისუფლებას დაიცავს“ – შსს-ს განცხადება 17 მაისზე

17 მაისს, ოჯახის სიწმინდის დღეს დაგეგმილ მსვლელობასა და ღონისძიებებთან დაკავშირებით, შინაგან საქმეთა სამინისტრო უსაფრთხოების ზომებს ამკაცრებს. უწყების განცხადებით, დაცული იქნება თითოეული ადამიანის გამოხატვის თავისუფლება, რომელიც კანონს არ გასცდება. „ადამიანის უფლებების დაცვა შინაგან საქმეთა სამინისტროს ერთ-ერთი უმთავრესი პრიორიტეტია. სამინისტრო იცავს გამოხატვის თავისუფლებას ადამიანის პოლიტიკური და სხვა შეხედულების, სქესის, რელიგიური კუთვნილების, სექსუალური ორიენტაციის, გენდერული იდენტობის და სხვა ნიშნის მიუხედავად. ჩვენს ხელთ არსებული ინფორმაციით, 2019 წლის 17 მაისს თბილისში, სხვადასხვა ადგილზე გაიმართება ღონისძიებები. პოლიცია უზრუნველყოფს როგორც საზოგადოებრივი უსაფრთხოებისა და წესრიგის დაცვას, ისე თითოეული ადამიანის გამოხატვის თავისუფლებას, რომელიც არ გასცდება კანონით დასაშვებ ფარგლებს. სამინისტრო…

მეტი...

სასტიკი ტრაგედი საბარძნეთში, მოკლულია ახალგაზრდა ქალი

საბერძნეთში ახალგაზრდა ქალი მოკლეს. „მედიაცენტრ მთავარის“ ინფორმაციით, ქართველი ქალბატონი, რომელიც საბერძნეთში მოკლეს 30 წლამდეა და ის ნაწამებია. ახალგაზრდა ქალი საქართველოს მოქალაქეა, ის, წლების წინ საბერძნეთში სამუშაოდ წავიდა. მოკლული წარმოშობით ქუთაისელია, მისი მშობლები იმერეთში ცხოვრობენ. გარდაცვლილის ახლობლებმა და ოჯახის წევრებმა, ტრაგედიის შესახებ, ამ ეტაპისთვის არაფერი იციან. მოკლულს, დაზიანებები ყელის არეში აქვს მიყენებული. მას 2 მცირეწლოვანი შვილი ჰყავს, რომლებიც საბერძნეთში მამასთან იმყოფებიან. ცოლ-ქმარი გაცილებულები იყვნენ. „ის, რაც ათენში ამ დღეებში მოხდა და რაც ჩვენი თანამემამულის სიცოცხლის ხელყოფით დასრულდა, არის ტრაგედია – ეს ფაქტი არის შემაძრწუნებელი ტრაგედია … პირადად მე უამრავი სამწუხარო ემიგრაციული…

მეტი...

ზუგდიდის საოლქო კომისიის თავმჯდომარე თამარ ჟვანიასთან ნათესაობას ადასტურებს

ზუგდიდის #67 საოლქო საარჩევნო კომისიის თავმჯდომარე მირანდა მესხი არ უარყოფს, რომ ის ცენტრალური საარჩევნო კომისიის თავმჯდომარე თამარ ჟვანიას ნათესავია. „ყველა ერთმანეთის ნათესავია, ბატონებო და ქალბატონებო,“ – ამბობს ის და ნათესაობაში პრობლემას ვერ ხედავს. მირანდა მესხის განმარტებით, ის საარჩევნო კომისიაში მანამდე მუშაობდა, სანამ თამარ ჟვანია ცესკოს თავმჯდომარე გახდებოდა. შესაბამისად, უარყოფს ინფორმაციას, რომ თამარ ჟვანიამ ის ნათესაური კავშირების გამოყენებით და დავალებების შესასრულებლად დაასაქმეა. შეგახსევენთ, რომ მირანდა მესხის გვარ-სახელი 2 დღეა აქტუალურია. ეს კი ზუგდიდში განვითარებულ მოვლენებს უკავშირდება. კერძოდ იმას, რომ საუბნო საარჩევნო კომისიებისთვის, სამაგიდო სიებისა და ბეჭდები 5 დღით ადრე გაიცა. ოპოზიციის…

მეტი...

ცესკოს თავმჯდომარეს კითხვებზე პასუხის გაცემა პარლამენტში მოუწევს – ის დაბარებულია

ზუგდიდის საოლქო-საარჩევნო კომისიაში განვითარებული დაპირისპირების გამო, „ნაციონალური მოძრაობა“ პარლამენტში, ცენტრალური საარჩევნო კომისიის თავმჯდომარის მისვლას ითხოვს. პარლამენტის თავმჯდომარე კი აცხადებს, რომ თამარ ჟვანიას პარლამენტში მისვლის პრობლემა არ ექნება. ფრაქცია „ნაციონალური მოძრაობის“ თავმჯდომარის, რომან გოცირიძის განცხადებით, ცესკო-ს თავმჯდომარე საკანონმდებლო ორგანოში ინტერპელაციის ფორმატში უნდა მიბრძანდეს და პასუხი გასცეს მთავარ კითხვას – რა რეაგირებას ახდენს საარჩევნო ადმინისტრაცია საარჩევნო კამპანიის დროს მომხდარ დარღვევებზე. რაც შეეხება ინტერპელაციის ფორმატს, ეს იმას ნიშნავს, რომ ადრესატს წინასწარ უგზავნიან კითხვას, რის გამოც მას პარლამენტში იბარებენ. ამ კითხვას პასუხი, მოწვეულმა პირმა პარლამენტის პლენარული სხდომიდან უნდა უპასუხოს. პარლამენტის თავმჯდომარის განცხადებით, თამარ ჟვანიას…

მეტი...

ოპოზიცია პრემიერს პარლამენტში იბარებს, უმრავლესობა ამაში პრობლემას ვერ ხედავს

საქართველოს პრემიერ-მინისტრს, მამუკა ბახტაძეს, “ევროპული საქართველო” პარლამენტში ინტერპელაციის წესით იბარებს. ოპოზიციას კითხვები საბანკო რეგულაციების საკითხზე აქვს გადაგზავნილი. როგორც  პარლამენტის საპროცედურო საკითხთა კომიტეტის თავმჯდომარემ გიორგი კახიანმა “მედიაცენტრ მთავარს” განუცხადა, პრემიერი ოპოზიციის კითხვებს პარლამენტის წინაშე უპასუხებს. “პრემიერ-მინისტრი დაბარებულია ინტერპელაციის წესით. რაც  იმას გულისხმობს, რომ, კითხვები წინასწარ ეგზავნება, პრემიერი კი ვალდებულია, ამ კითხვებს პარლამენტის პლენარულ სხდომაზე უპასუხოს. პარლამენტის რეგლამენტით, განსაზღვრულია ინტერპელაციის კონკრეტული დღეები. ეს წელიწადში 4-ჯერ ხდება. რაც შეეხება ფორმატს, პარლამენტის სხდომაზე, პრემიერის მომწვევი სვამს კითხვებს, რომელსაც შემდეგ პრემიერი პასუხობს. ამის შემდეგ იწყება დებატები, რომლის დრო რეგლამენტით მკაცრად არის განსაზღვრული,”- განუცხადა გიორგი კახიანმა “მედიაცენტრ მთავარს”. 

მეტი...

„საარჩევნო კომისიაზე თავდასხმა“ – თამარ ჩუგოშვილი განცხადებას ავრცელებს

პოლიტიკური გაერთიანება “ქართული ოცნება – დემოკრატიული საქართველოს” საერთაშორისო მდივნის თამარ ჩუგოშვილი ზუგდიდში განვითარებულ მოვლენებზე საუბრობს და ოპონენტებს საარჩევნო კომისიაზე თავდასხმაში ადანაშაულებს. “საარჩევნო დღის მოახლოებასთან ერთად, ნაციონალური მოძრაობა დესტრუქციული ქმედებებით უფრო და უფრო მეტად ცდილობს საარჩევნო პროცესისთვის ხელის შეშლას და მის დისკრედიტაციას.ბოლო დღეების განმავლობაში, საზოგადოებამ ოპონენტების მხრიდან საარჩევნო კომისიასთან აჟიოტაჟი და ზუგდიდის საკრებულოს შენობაში არეულობის მოწყობის მცდელობა იხილა, დღეს კი ნაციონალური მოძრაობის წევრები უკვე ზუგდიდის საოლქო კომისიის შენობაში შეიჭრნენ ძალადობრივად და ცდილობდნენ კომისიის მუშაობის ჩაშლას“ – აცხადებს ჩუგოშვილი. მისივე შეფასებით, ოპონენტების ინტერესი ცესკო-ს დისკრედიტაციაა: „ყოვლად მიუღებელია თავდასხმა საარჩევნო კომისიაზე, რომელიც უკვე…

მეტი...

​ქართველი სამხედრო მოკლული იპოვეს

თავდაცვის სამინისტროს განცხადებით, 15 მაისს არასამსახურეობრივ ვითარებაში საცხოვრებელ ბინაში გარდაცვლილი იპოვეს ეროვნული გვარდიის მე-10 კადრირებული ბრიგადის საკონტრაქტო სამხედრო მოსამსახურე პაატა ჩხაიძე . შემთხვევის ადგილზე, საცხოვრებელ სახლში ნაპოვნია ცეცხლსასროლი იარაღი (სანადირო თოფი). გამოძიება დაწყებულია 115-ე მუხლის პირველი ნაწილით, რაც თვითმკვლელობამდე მიყვანას გულისხმობს. საქართველოს თავდაცვის სამინისტრო ღრმა მწუხარებას გამოთქვამს მომხდარის გამო და უსამძიმრებს გარდაცვლილის ოჯახის წევრებსა და ახლობლებს.

მეტი...

“ეკლესია ადამიანს ფიზიკურად ვერ დაიცავს, ეს სახელმწიფოს კომპეტენციაა” – მამაო 17 მაისზე – სათაური შენი ნიუსის

„17 მაისს, ოჯახის სიწმინდის დღე აღინიშნება. საზოგადოება 17:00 საათზე რესპუბლიკის მოედანზე შეიკრიბება და მსვლელობით სამების საპატრიარქოს ტაძრისკენ გაემართება. პატრიარქი, ილია მეორე იქ მისულ მრევლს დალოცავს და გადაიხდის პარაკლისს. ყოველივე ეს დასრულდება კონცერტით, რომელიც ტაძრის გალავანთან გაიმართება“ – აღნიშნა მამა გიორგი კიკვიძემ „მედიაცენტრ მთავარში“ გამართულ პრესკონფერენციაზე. დეკანოზმა გარკვეული პირების თუ ორგანიზაციების მრხიდან ექსცესებიც არ გამორიცხა, თუმცა, აღნიშნა, რომ სახელმწიფო ყველა მოქალაქეს თანაბრად დაიცავს. “ეკლესიას არც ბერკეტი გააჩნია და არც რაიმე საშუალებას ფლობს, რომ ადამიანების ფიზიკური დაცვა უზრუნველყოს. ეს სახელმწიფოს კომპეტენციაა და ღრმად ვართ დარწმუნებულნი, რომ სახელმწიფო დაიცავს თავისი ქვეყნის მოქალაქეების ინტერესებს…

მეტი...

„საპატრიარქოს დაგეგმილ კონცერტში მომღერალთა ნაწილმა თავი შეიკავა“ – დეკანოზი

17 მაისს, ოჯახის სიწმინდის დღის აღსანიშნავად, საპატრიარქოს მიერ ორგანიზებულ კონცერტთან დაკავშირებით „მედიაცენტრ მთავარში“ დეკანოზმა გიორგიმ ისაუბრა. დეკანოზმა დაადასტურა ინფორმაცია, რომ კონცერტში მონაწილეობაზე მომღერალთა ნაწილმა უარი თქვა, თუმცა, ამაში შეურაცხმყოფელს და სალანძღავს ვერაფერს ხედავს. „კონცერტის მონაწილეებთან დაკავშირებით იყო გარკვეული ორაზროვნება. ნაწილი იღებს მონაწილეობას ამ კონცერტში, ნაწილმა გარკვეული მიზეზების გამო თავი შეიკავა მონაწილეობისგან. მათ თავიანთი მიზეზები აქვთ. ვინც კონცერტში მონაწილეობაზე, თავიანთი პირადი მოსაზრებების გამო თავი შეიკავა, საზოგადოების გარკვეული ნაწილის მხრიდან შეურაცხმყოფელი შეფასებები გაისმა, რაც მორწმუნე ქრისტიანს არ შეეფერება.” დეკანოზის განცხადებით, თუ ჩვენ ადამიანები არ გვიყვარს, ჩვენი ქრისტიანობა კითხვის ნიშნის ქვეშ დადგება: „ეკლესია…

მეტი...

აფხაზეთის ავტონომიური რესპუბლიკის მთავრობა დამტკიცდა

ააფხაზეთის ავტონომიური რესპუბლიკის უმაღლეს საბჭოს პლენარულ სხდომაზე, აფხაზეთის ავტონომიური რესპუბლიკის სამთავრობო პროგრამა და აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელის რუსლან აბაშიძის მიერ წარმოდგენილი, ავტონომირუი რესპუბლიკის მთავრობის შემადგენლობა დამტკიცდა. აფხაზეთის ავტონომიური რესპუბლიკის მთავრობის თავმჯდომარის მოადგილედ ანზორ მარგიანი დაინიშნა; აფხაზეთის ავტონომიური რესპუბლიკის ფინანსთა და ეკონომიკის მინისტრის მოვალეობის შემსრულებლად ივანე დოლიძე დაინიშნა; აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრის მოვალეობას ქეთევან ბაკარაძე შეასრულებს; აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე იქნება; ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის მოვალობას დავით გვაძაბია შეასრულებს; აფხაზეთის ავტონომიური რესპუბლიკის დევნილთა საქმეების…

მეტი...

მთავარი სიმძიმის ცენტრი 18-25 ივნისი იქნება – „გეი პრაიდი“ თბილისში

„15:00 საათიდან შევიკრიბებით რუსთაველის პირველ ნომერთან, 17:00 საათზე კი საპატრიარქოს მიერ დაგეგმილ მსვლელობას შევუერთდებით, რომელიც რესპუბლიკის მოედნიდან დაიწყება“ – 17 მაისს, ოჯახის სიწმინდის დღესთან დაკავშირებულ ღონისძიებებთან დაკავშირებით „ქართული მარშის“ გეგმებზე „მედიაცენტრ მთავარში“ სანდრო ბრეგაძემ ისაუბრა. როგორც „ქართული მარშის“ ერთ-ერთმა დამფუძნებელმა და ლიდერმა აღნიშნა, რადგანაც ლგბტ აქტივისტებმა თავიანთი ღონისძიებები ივნისში გადაიტანეს, მთავარი სიმძიმის ცენტრი სწორედ 18-25 ივნისს გაიხსნება. „რამდენადაც ვიცით, ლგბტ ორგანიზაციამ თავად განაცხადეს უარი 17 მაისს რაიმე ტიპის აქციის ჩატარებაზე და ამას მივესალმები. ვფიქრობ, რომ იგივეს გააკეთებენ 18 ივნისს, როდესაც ლგბტ პრაიდია დაგეგმილი და თავადვე იტყვიან უარს ამ ღონისძიების ჩატარებაზე.…

მეტი...

საფრანგეთის ელჩი საქართველოს ხელისუფლებას მოუწოდებს, სექსულური უმცირესობების უფლებებიც დაიცვას

17 მაისს, ოჯახის სიწმინდის დღესთან დაკავშირებით და ამავე დღეს, ჰომოფობიასთან და ქსენოფობიასთან საერთაშორისო დღესთან დაკავშირებით, შეფასებას საფრანგეთის ელჩი აკეთებს და საქართველოს ხელისუფლებას მიმართავს. როგორც პასკალ მენიე აცხადებს, საქართველოს ხელისუფლებამ ყველას უფლება უნდა დაიცვას. „ყოველ ქვეყანას აქვს თავისი ტრადიციები და რა საკვირველია, ოჯახისადმი მიძღვნილი ტრადიცია. ეს დღესასწაული ჩემთვის შოკისმომგვრელი არ არის. არსებობს დედების დღე, მამების დღე სხვადასხვა ქვეყნებში. ვინაიდან, საქართველო უახლოვდება ევროპულ ღირებულებებს, რა თქმა უნდა, დაცული უნდა იყოს თითოეული ადამიანის გამოხატვის თავისუფლებები და მათი ღირებულება. ამიტომ, საქართველოს ხელისუფლებამ უნდა უზრუნველყოს ვალდებულება, რომ დაიცვას ყველას უფლება. საფრანგეთი, როგორც მოგეხსენებათ უკვე მრავალი…

მეტი...

„საფრანგეთის ელჩს მარი ლეპენი მიხედავს, ეს „ნარჩენები“ მალე დაამთავრებენ“

„ქართული მარშის“ ერთ-ერთი ლიდერი ფრანგი დიპლომატის განცხადებას ეხმიანება და ამბობს, რომ მისი დღეები დათვლილია. როგორც სანდრო ბრეგაძემ „მედიაცენტრ მთავარში“, 17 მაისის ღონისძიებებთან დაკავშირებით საუბრისას აღნიშნა, საფრანგეთს და მის ელჩს არავინ ეკითხება, საქართველოში, ვისი მსვლელობა და როგორ გაიმართება. „საფრანგეთის ელჩს მალე მარი ლეპენი მიხედავს. ერთ კვირაში, საფრანგეთში ევრო პარლამენტის არჩევნები იმართება და უდიდესი უპირატესობით ეროვნული ფრონტი იმარჯვებს. მაკრონის ლიბერალური ხელისუფლება სრულ კრახს განიცდის. ევროპაში დაწყებულია ნაციონალისტური გადატრიალება. ევროპაში ხდება ნაციონალისტების გამოღვიძება და ეს ნარჩენები, რომლებიც დიპლომატიურ კორპუსს წარმოადგენენ და ნარჩენები არიან ძველი ლიბერალების რეჟიმისა, ძალიან მალე დასრულდება. მინდა, ყველა ქვეყნის დიპლომატიური…

მეტი...

ბორჯომის ხეობაში ხანძარს ისევ ებრძვიან, განადგურებულია ტყის მასივები

ბორჯომის ხეობაში, სოფელ საკირეს მიმდებარედ, მთის ფერდობზე არსებულ ტყის მასივში გაჩენილი ხანძრის კერების სალიკვიდაციო სამუშაოები უწყვეტ რეჟიმში მიმდინარეობს. პირველადი ინფორმაციით, ერთ ლოკაციაზე დამწვარია 1 ჰექტარი ტყის მასივი, მეორეზე კი 1.5 ჰექტარი ტყის ფართობი. როგორც საგანგებო სიტუაციების მართვის სააგენტოში “მედიცენტრ მთავარს” განუცხადეს, ბორჯომში გაჩენილ ხანძარს მეტყევეები და მაშველები ამ დრომდე ებრძვიან. საჰაერო ხანძარსაწინააღმდეგო ტექნიკასთან ერთად, ცეცხლის სალიკვიდაციო სამუშაოებში ჩართულია 150-მდე მეხანძრე-მაშველი და 30-მდე მეტყევე. “გამთენიისას მუშაობა განაახლა შინაგან საქმეთა სამინისტროს სასაზღვრო პოლიციის ვერტმფრენმაც. მთელი ღამის განმავლობაში, ადგილზე მიმდინარეობდა ტერიტორიის მონიტორინგი და პრევენციული ღონისძიებები. ამ დროისათვის, ტყეში გაჩენილი ხანძრის ორივე კერა ლოკალიზებულია.…

მეტი...

„ტაქსისტმა“ ტურისტი შავი ზღვის ნაცვლად თბილისის ზღვაზე აიყვანა და 250$ გამოართვა”

თაღლითი „ტაქსისტები,“ უცხოელ მგზავრებს, აეროპორტიდან ქალაქამდე დიდ ფულს სძალავენ. საქართველოში ჩამოსული ტურისტები საქართველოში მომსახურების საფასურის კატასტროფულ სიძვირეს ხშირად აპროტესტებენ და აცხადებენ რომ ასეთი ფასები არცერთ საერთაშორისო აეროპორტში არსებობს. არაერთი შემთხვევა ყოფილა, როცა ტაქსის მძღოლმა უცხოელ მგზავრს აეროპორტიდან ქალაქის ცენტრამდე 300 – 400 ლარიც კი ააწაპნეს. ამჯერად, მსგავსი ისტორია ლატვიელ ტურისტს შეემთხვა, რომელსაც „ტაქსისტმა“ 250 ლარი მოსთხოვა. კონკრეტული ისტორიის შესახებ „პოსტს“ ოპერის მომღერალი თამარ ივერი აქვეყნებს. „გუშინ, საქართველოს სტუმარმა ლატვიელმა გოგომ მითხრა, აეროპორტიდან სასტუმრომდე ტაქსმა 250 ლარი(!!!) მომთხოვაო. საბედნიეროდ, უკვე გარკვეული ვიყავი მეგობრებისგან ფასებში და 40 ლარი მივეციო. ამაზე იმ არამზადა…

მეტი...

აზერბაიჯანი დავით გარეჯს ქართველებისგან იცავს – აზერბაიჯანელების ჯაჭვი ქართველების ჯაჭვის საპირწონედ

აზერბაიჯანის მხარემ, დავით გარეჯის მიმდებარედ, ქართველი მოხალისეების მიერ გაკეთებული ცოცხალი ჯაჭვის საპირწონედ, იმავე ტერიტორიაზე, ახალგაზრდები და დაწყებითი კლასის მოსწავლეები გამოიყვანა, რომელთაც, ანალოგიური ცოცხალი ჯაჭვი გააკეთეს. საქართველოს მოქალაქეების მსგავსად, ისინიც კონკრეტულად იმ ბილიკზე განთავსდნენ, სადაც დავით გარეჯის დასაცავად, საქართველოს მოქალაქეებს ცოცხალი ჯაჭვი ჰქონდათ შეკრული. ისინიც, ქართველების მსგავსად, აზერბაიჯანის სახელმწიფო დროშებით იყვნენ აღჭურვილები. ეს ყველაფერი კი იმ ფონზე ხდება, როცა ორ ქვეყანას შორის, დავით გარეჯის საკითხის დასარეგულირებლად ოფიციალური მოლაპარაკებები დაიწყო და სამუშაო ჯგუფიც შეიქმნა. არის თუ არა ეს პროვოკაცია და ქართული მხარის გამოწვევა, „მედიაცენტრმა მთავარმა“ კითხვა საქართველოში აზერბაიჯანის საელჩოს გაუგზავნა, რომელზეც ოფიციალურ…

მეტი...

სკანდალი – მეორე კლასელების წამება სპორტის გაკვეთილზე

თბილისის ერთ-ერთ საჯარო სკოლაში, სპორტის მასწავლებელმა, ბავშვების გასაჩუმებლად უცნაური მეთოდი მოიგონა. მთელ კლასს, სპორტის გაკვეთილის ნაცვლად, “სიჩუმობანას” გაკვეთილს უტარებს, რა დროსაც მთელი კლასი დადუმებულია. „სიჩუმობანას გაკვეთილზე“ მთელი კლასი გაჩუმებულია, მასწავლებელი კი ისვენებს. ეს უცნაურობა თბილისის N157- ე საჯარო სკოლაში ხდება. მის შესახებ „მედიაცენტრ მთავარს“ სკოლის ერთ-ერთი მოსწავლის მშობელმა უამბო. როგორც სკოლის მოსწავლის მშობელი “მთავარს” უყვება, თამაშის არსი მდგომარეობს იმაში, რომ მეორე კლასის მოსწავლეები 40 წუთის განმავლობაში ჩუმად უნდა იყვნენ, წინააღდეგ შემთხვევაში მოსწავლე ისჯება ფეხზე დგომით. მშობლის თქმით, ბავშვს იმ დღეს, როდესაც სპორტის გაკვეთილი უტარდება სკოლაში წასვლა არ სურს. “ასეთი რამე…

მეტი...

თბილისის 10 ქუჩას ცნობილი მსახიობების სახელს დაარქმევენ

ქართული კინოს 111 წლის იუბილესთან დაკავშირებით, თბილისის საკრებულოს სახელდებისა და სიმბოლიკის კომისიამ მიღება გამართა, რომელსაც ქართული კინოს მსახიობები, რეჟისორები, თბილისის საკრებულოს თავმჯდომარე გიორგი ტყემალაძე, საკრებულოს წევრები, დედაქალაქის მერი კახა კალაძე და ცენტრალური ხელისუფლების წარმომადგენლები ესწრებოდნენ. ღონისძიების ფარგლებში, სახელდებისა და სიმბოლიკის კომისიის თავმჯდომარემ თინათინ ნიბლოშვილმა თბილისის 10 ქუჩისთვის ქართული კინოს ცნობილი მსახიობებისა და რეჟისორების სახელების დარქმევასთან დაკავშირებული ინიციატივა გააჟღერა. მისი თქმით, საკრებულოს ინიციატივით, თბილისის ქუჩებს ბელა მირიანაშვილის, დოდო ჭიჭინაძის, ლეილა აბაშიძის, ლიანა ასათიანის, მარინე თბილელის, გიორგი დანელიას, მედეა ჯაფარიძის, ვახტანგ ტაბლიაშვილის, გივი ბერიკაშვილის და იაკობ ტრიპოლსკის სახელები მიენიჭებათ. როგორც თინათინ ნიბლოშვილმა…

მეტი...

ბორჯომს ისევ ცეცხლი უკიდია

ბორჯომის ხეობაში ხანძარია. ცეცხლი ტყის მასივებს გაუჩნდა. ხანძრის ჩაქრობის პროცესში შინაგან საქმეთა სამინისტროს სასაზღვრო პოლიციის ვერტმფრენიც ჩაერთო. როგორც „მედიაცენტრ მთავარს“ საგანგებო სიტუაციების მართვის სამსახურში განუცხადეს, ხანძარი სოფელ საკირეს მიმდებარედ, ტყის მასივში გაჩნდა. თბილისის, ბორჯომის, ახალციხის, ასპინძისა და ადიგენის სახანძრო-სამაშველო განყოფილებების 100–ზე მეტი მეხანძრე-მაშველი ბორჯომის ხეობაში გადაისროლეს. ამ ეტაპზე ხანძრის ორი კერა არსებობს, რომელიც დასახლებულ მასივებთან მოშორებით მდებარეობს. შინაგან საქმეთა სამინისტრომ, გამოძიება საქართველოს სსკ-ს 187-ე მუხლის მე-2 ნაწილის „ა“ ქვეპუნქტით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს.

მეტი...

პროკურატურამ საკრებულოს წევრის ფარულ ჩანაწერზე გამოძიება დაიწყო

საქართველოს გენერალური პროკურატურა, ზუგდიდის საკრებულოს წევრის გია დანელიას საუბრის ფარულ ჩანაწერთან დაკავშირებით გამოძიება დაიწყო. როგორც პროკურატურის მიერ „მედიაცენტრი მთავარისთვის“ მოწოდებულ ინფორმაციაში ვკითხულობთ, გამოძიება სს კანონმდებლობის 164-ე პრიმა მუხლით. „2019 წლის 14 მაისს სამეგრელო-ზემო სვანეთის საოლქო პროკურატურაში გამოძიება დაიწყო სამაუწყებლო კომპანია რუსთავი 2-ის ეთერში გასულ, სავარაუდოდ ზუგდიდის მუნიციპალიტეტის საკრებულოს წევრის ფარულ ჩანაწერთან დაკავშირებით ამომრჩევლის სავარაუდო მოსყიდვის ფაქტზე, საქართველოს სსკ-ის 164-ე პრიმა მუხლით. ასევე, ამავე მუხლით დაიწყო გამოძიება ამომრჩევლის სავარაუდო მოსყიდვის ფაქტზე, ლევან ხაბეიშვილის მიერ მასობრივი საინფორმაციო საშუალებებით გავრცელებულ ინფორმაციასთან დაკავშირებით“. შეგახსენებთ, რომ გუშინ გავრცელდა ფარული ჩანაწერი, სადაც კადრი ჩანს ზუგდიდის საკრებულოს…

მეტი...