“როცა ქორწილი ტარდება, უნდა მიხვიდე და დააჯარიმო” – ზაზა წერეთელი

ნორვეგიის სამეფოს ჯანდაცვის სამინისტროს მრჩეველი ზაზა წერეთელი აცხადებს, რომ ლოქდაუნის არარსებობა არ ნიშნავს, რომ შეზღუდვები არ გქონდეს დაწესებული. ამის შესახებ მან bm.ge-ის განუცხადა.

„ლოქდაუნს აღარავინ აცხადებს და არც არავის უნდა, რადგან ძალიან რთული იქნება. თუმცა ლოქდაუნის არარსებობა არ ნიშნავს, რომ შეზღუდვები არ გქონდეს დაწესებული. ეს ასევე არ ნიშნავს, რომ შეზღუდვები გქონდეს დაწესებული და არ აკონტროლო. საჭიროა შეზღუდვები, მით უმეტეს როცა ხედავ, რომ შენი მოსახლეობა ბოლომდე არ იცავს კანონს და უყვარს მასობრივი თავშეყრები.

უნდა გააკეთო შეზღუდვა, რომ მასობრივი თავშეყრა არ იყოს. ეს უნდა გააკეთო არა მარტო სიტყვით, რომ მხოლოდ ფურცელზე ეწეროს, არამედ საქმითაც. როცა ქორწილი ტარდება უნდა მიხვიდე და დააჯარიმო“, – განაცხადა ზაზა წერეთელმა.

მსგავსი თემები