პოსტ პანდემიური გამოწვევები, ლარის კურსი და ბიუჯეტის შესრულება – ეს მცირეა ჩამონათვალი იმ თემების, რომელზეც დეპუტატები ფინანსთა მინისტრს კითხვებს დაუსვამენ. საქართველოს ფინანსთა მინისტრ ლაშა ხუციშვილს, საკანონმდებლო ორგანოში ელოდებიან.
მინისტრთა კაბინეტის ახალი წევრი იქნება პირველი, რომლის მოსმენასაც ოპოზიცია სრული შემადგენლობით დაესწრება.
რა აინტერესებთ პოლიტიკურ მხარეებს და რას შეეხება ძირითადად კითხვები, რომელსაც ისინი ფინანსთა მინისტრს დაუსვამენ – ოპოზიცია საკანონმდებლო ორგანოში მომზადებული მივიდა:
“მოვიტანე კალკულატორი და ბანერი, სადაც კონკრეტული რიცხვი წერია – მინდა დავუანგარიშო ფინანსთა მინისტრს, საქართველოში არსებული ყველაზე დიდი კორუფციული სქემა, რომელიც პირადად მის მიერ არის შექმნილი,” -აცხადებს პარლამენტის წევრი, პარტია “სტრატეგია აღმაშენებელის” თავმჯდომარე გიორგი ვაშაძე.
საფინანსო-საბიუჯეტო კომიტეტის თავმჯდომარე ირაკლი კოვზანაძემ კი ის სავარაუდო და მოსალოდნელი კითხვები დაასახელა, რომელსაც დღეს ფინანსთა მინისტრს პარლამენტში, როგორც ოპოზიციის, ასევე ხელისუფლების წარმომადგენლებიც დაუსვამენ.
