“ევროპული საქართველოს” ლიდერის გიგა ბოკერიას თქმით, გიორგი გახარია არ უნდა იქნეს განხილული, როგორც ბიძინა ივანიშვილის წინააღმდეგ მოთამაშე პოლიტიკური ძალა.
“ივანიშვილის განცხადებამ დაადასტურა ორი რამ, რაც მანამდეც ვიცოდით ყველამ, ვინც საზოგადოებრივ ცხოვრებას ვადევნებთ თვალყურს. ერთი, რომ ის მართავს ქვეყანას და აკონტროლებს მთავრობას. გზავნილებიც კი, კობახიძეს ბოდვა სიტყვასიტყვით იგივეა, რაც ივანიშვილმა გაგვიმეორა დღეს.
მეორე, რომ მას სურს გახარიას პოლიტიკური გუნდით საპროტესტო ელექტორატს გაუყოს ხმები, პოტენციურად მომავალში ძალიან ცუდ მდგომარეობაში ხედავს “ქართული ოცნების” პოლიტიკურ შანსებს.
ჩვენ არ უნდა განვიხილოთ გახარია როგორც ივანიშვილის წინააღმდეგ მოთამაშე პოლიტიკური ძალა,” – განაცხადა გიგა ბოკერიამ.
ენმ-ის წევრის ლევან ბეჟაშვილის განცხადებით კი, გახარია ქართული ოცნების” ელექტორატლურ ხმების მნიშვნელოვან ნაწილს წაიღებს.
“გახარია აზის “ქართული ოცნების” ელექტორალურ ხმებს და მნიშვნელოვან ნაწილს იღებს, ამიტომ ბიძინა ივანიშვილი გამოაგორეს ახლა და აკეთებენ იმ განცხადებას “ქართული ოცნების” ელექტორატის მობილიზებას შეეცდება,” – აღნიშნა ენმ-ის წევრმა ლევან ბეჟაშვილმა.
შეგახსენებთ, დღეს ბიძინა ივანიშვილმა ექს-პრემიერ გიორგი გახარიასთან დაკავშირებით ვრცელი წერილი გამოაქვეყნა, რომელშიც ნათქვამი, იყო რომ გიორგი გახარიამ თანამდებობიდან და “ქართული ოცნებიდან” წასვლით უღალატა, როგორც საკუთარ გუნდს, ასევე ქვეყანასაც. ბიძინა ივანიშვილი კატეგორიულად უარყოფს იმას, რომ გიორგი გახარიას ახალი პოლიტიკური ცხოვრება, რამენაირად მისი პროექტი შეიძლება იყოს.
