საქალაქო სასამართლო “რუსთავი 2-ის” საქმეზე მსჯელობს. საქმე ეხება ტელევიზიის დამფუძნებლების – დავით დვალისა და ჯარჯი აქიმიძის სარჩელს.
მოსარჩელე მხარე დღეს მტკიცებულებების გადაცემას და საკუთარი მოწმეების დამატებას მოითხოვს.
“რუსთავი 2-ის” ამჟამინდელი დირექტორი პაატა სალია საქმესთან დაკავშირებით საკუთარ პოზიციას სხდომის დასრულების შემდეგ დააფიქსირებს.
სასამართლომ ჯერ კიდევ 2019 წლის ოქტომბერში დავით დვალისა და ჯარჯი აქიმიძის მიმართვის საფუძველზე დააყადაღა “რუსთავი 2”-ის სამოც პროცენტიანი წილი. მას შემდეგ დღემდე, ამ საქმეზე სასამართლოს არც ერთი სხდომა არ გამართულა.
ცნობისთვის, რამდენიმე დღის წინ მოსარჩელეებმა “მედიაცენტრ მთავარში” კონფერენცია გაამრთეს, სადაც სარჩელის დეტალებზე ისაუბრეს.
