“გიორგი რურუას გათავისუფლება და რიგგარეშე არჩევნები კატეგორიულად მოსთხოვეს დანიელსონს და მიიღეს უარი” – შალვა პაპუაშვილი

  •  

პარლამენტის განათლებისა და მეცნიერების კომიტეტის თავმჯდომარის შალვა პაპუაშვილის განცხადებით, ოპოზიციამ მედიაციის დროს გიორგი რურუას გათავისუფლება და რიგგარეშე არჩევნების საკითხი კატეგორიულად მოსთხოვა დანიელსონს, რაზეც მიიღო უარი.

“მედიაციის დროს დაისვა შეკითხვა: იმ შემთხვევაში, თუკი რურუას გვარი იქნებოდა ასახული დანიელსონის დოკუმენტში, მოაწერდნენ თუ არა ხელს ოპონენტები, ალეკო ელისაშვილის და “გირჩის” გარდა, ყველამ განაცხადა, რომ არა. რაც შეეხება მეორე ნაწილს, ქალბატონი სამადაშვილსგან დაისვა საკითხი, რომ ამნისტია გამოცხადებულიყო.

ბატონი რურუა მსჯავრდებულია იარაღის უკანონო ტარებისთვის. ამნისტია ცხადდება მუხლზე და არა პიროვნებაზე, შესაბამისად, ის ეხება ყველა სხვა ადამიანს, ვინც არის ამ მუხლით გასამართლებული. ასეული ადამიანია ამ მუხლით მსჯავრდებული და ყველამ ვიცით, რას ნიშნავს ამ მუხლის ამნისტია, როდესაც 90-იანი წლები გვაქვს გამოვლილი და ამაზე პასუხი იყო უარი,”-განმარტა შალვა პაპუაშვილმა.

მსგავსი თემები