აფხაზეთის უმაღლეს საბჭოში სამეცნიერო-პრაქტიკული კონფერენცია – “9 აპრილი – 30“ გაიმართება

აფხაზეთის ავტონომიური რესპუბლიკის უმაღლესი საბჭო საქართველოს დამოუკიდებლობის აღდგენის რეფერენდუმისა და საქართველოს სახელმწიფოებრივი დამოუკიდებლობის აღდგენის აქტის 30 წლის თარიღთან დაკავშირებით, დღეს,  სამეცნიერო-პრაქტიკულ კონფერენციას, სახელწოდებით “9 აპრილი – 30” , –  უმასპინძლებს.

უმაღლესი საბჭოს მხრიდან გავრცელებული ინფორმაციით, კონფერენცია 6 აპრილს, 13.00 სთ-ზე,  აფხაზეთის ავტონომიური რესპუბლიკის უმაღლესი საბჭოს სხდომათა დარბაზში დაიწყებს მუშაობას და უპირატესად დისტანციურ (ვებინარი) რეჟიმში ჩატარდება. ღონისძიება სოხუმის სახელმწიფო უნივერსიტეტთან ერთად დაიგეგმა.

„კონფერენციაზე მნიშვნელოვანი ყურადღება დაეთმობა იმ პერიოდში საქართველოს ცენტრალურ და აფხაზეთის ავტონომიური რესპუბლიკის ხელისუფლებებს შორის არსებული ურთიერთობების მიმოხილვას და ანალიზს.

მოხსენებას თემაზე: „საქართველოს სახელმწიფოებრივი დამოუკიდებლობის აღდგენა და აფხაზეთის პრობლემა“ წარმოადგენს უმაღლესი საბჭოს თავმჯდომარე, ისტორიის დოქტორი ჯემალ გამახარია.

კონფერენციის მუშაობაში და დისკუსიაში მონაწილეობას მიიღებენ ცნობილი მეცნიერები, პოლიტიკოსები, საზოგადო მოღვაწეები, არასამთავრობო ორგანიზაციათა და დიასპორის წარმომადგენლები.

კონფერენციის მუშაობაში ჩართვის მსურველებმა უნდა მიმართონ კონფერენციის საორგანიზაციო კომიტეტს: ზურაბ მებონია ( 595307555);  ნანა კვარაცხელია (558112029);  ხვიჩა ქარდავა ( 591513651)“ – ვკითხულობთ გავრცელებულ ინფორმაციაში.

მსგავსი თემები