ირანის საგარეო საქმეთა მინისტრი მოჰამად ჯავად ზარიფი ბაქოში ჩავიდა. მისი განცხადებით, აზერბაიჯანში ვიზიტის დროს “ჩრდილოეთ-სამხრეთის” და “სამხრეთ-დასავლეთის” დერეფნების რეგიონულ საკითხებს განიხილავს.
ბაქოში ჩასვლის შემდეგ, ირანის საგარეო უწყების ხელმძღვანელი აპირებს რუსეთს, საქართველოს, სომხეთსა და თურქეთს ეწვიოს. როგორც ირანის საგარეო საქმეთა სამინისტრო იუწყება, ჯავად ზარიფის ვიზიტის მიზანი რეგიონის ქვეყნებთან თანამშრომლობის გაღრმავებაა.
