ოკუპირებულ აფხაზეთში კორონავირუსის 109 ახალი შემთხვევა დაფიქსირდა

  •  

გასული დღე-ღამის განმავლობაში ოკუპირებულ აფხაზეთში კორონავირუსზე ტესტირება 485 ადამიანს ჩაუტარდა და მათგან 109-ს „კოვიდ-19“ დაუდასტურდა. ამის შესახებ ინფორმაციას ადგილობრივი მედია ავრცელებს.

მათივე ცნობით, ოკუპირებული აფხაზეთის ექვს კოვიდცენტრში 251 პაციენტი მკურნალობს. მათგან 28-ს მდგომარეობა მძიმეა.

ბოლო 24 საათში გაგრის კოვიდცენტრში გარდაიცვალა ერთი პაციენტი, 83 წლის მამაკაცი. სულ ოკუპირებულ აფხაზეთში კორონავირუსით გარდაცვალების 108 შემთხვევაა დაფიქსირებული.

სულ პანდემიის პერიოდში ოკუპირებულ აფხაზეთში კორონავირუსით ინფიცირების 8 459 შემთხვევაა დაფიქსირებული, გამოჯანმრთელდა 6 726 ადამიანი.

მსგავსი თემები