საქართველოში ბოლო 24 საათში კორონავირუსით 37 პაციენტი გარდაიცვალა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ მთავრობის ადმინისტრაციაში გამართულ ბრიფინგზე განაცხადა.
ქვეყანაში პანდემიის დაწყებიდან დღემდე კორონავირუსით ჯამში 2 313 ადამიანი გარდაიცვალა.
ბოლო დღე-ღამეში საქართველოში „კოვიდ-19“-ის 1 881 ახალი შემთხვევა გამოვლინდა, 1 515 პირი გამოჯანმრთელდა.
