„პარტიის თავმჯდომარეს თავი და უნარი თუ არ გაქვს, იბრძოლო იმის წინააღმდეგ, რაც არ მიგაჩნია სწორად, აბა პოლიტიკური ბრძოლა, პოლიტიკური საქმიანობა რა არის?,“ – ამის შესახებ “ნაციონალური მოძრაობის” წევრმა, გიორგი ბარამიძემ გიორგი ვაშაძის პარტიიდან წასვლასთან დაკავშირებით საუბრისას განაცხადა.
როგორც ბარამიძემ განაცხადა, გიორგი ვაშაძის საქციელი “არ არის ის საქციელი, რომელიც მართებს ასეთ მწვავე ბრძოლაში მყოფი პარტიის თავმჯდომარეს”.
“ნაციონალური მოძრაობა“ არის ასობით ათასი ადამიანის პარტია, მხარდამჭერები გვყავს და წევრები გვყავს, უამრავი ადამიანი შეიძლება გამოჩნდეს, ვისაც მე არ მოვწონვარ, ან ვინც მე არ მომწონს, მერე რა? პარტიის თავმჯდომარეა, არ მოგწონს? გაატარე – შენ შენი ავტორიტეტი უნდა გქონდეს პარტიაში, რომ თუ ვინმე ოდიოზური გამოჩნდა და თვლი, რომ ვნებს პარტიას ეს ოდიოზური პიროვნება, ის დარჩეს უმცირესობაში და იმისმა აზრმა არ გაიმარჯვოს.
პარტიის თავმჯდომარეს თავი და უნარი თუ არ გაქვს, იბრძოლო იმის წინააღმდეგ, რაც არ მიგაჩნია სწორად, აბა პოლიტიკური ბრძოლა, პოლიტიკური საქმიანობა რა არის? ვიღაც არ მოეწონა პარტიაში, ამის გამო დავიხურო ქუდი და სადღაც გავიქცე, არ არის ის საქციელი, რომელიც მართებს ასეთ მწვავე ბრძოლაში მყოფი პარტიის თავმჯდომარეს. ჩვენ ბრძოლაში ვართ მთელი ეს წლებია, რაც ეს პარტია არსებობს.” – აღნიშნა ბარამიძემ.