აფრიკის დასახლებაში სახლების დემონტაჟთან დაკავშირებით თბილისის მუნიციპალური ინსპექცია განცხადებას ავრცელებს

თბილისის მუნიციპალური ინსპექცია აფრიკაში განვითარებული მოვლენების პარარელურად განცხადებას ავრცელებს.

განცხადებაში ნათქვამია, რომ დემონტაჟის პროცესი მერის დავალებით დაიწყო.

“თბილისის მუნიციპალურმა ინსპექციამ სამგორის რაიონში, აფრიკის დასახლებაში უკანონოდ აშენებული რამდენიმე შენობა-ნაგებობის დემონტაჟი დაიწყო. ჩატარებული ინსპექტირების შედეგად, სახელმწიფოს საკუთრებაში არსებულ მიწის ნაკვეთზე, სამშენებლო სამართალდარღვევის 12 ფაქტი გამოვლინდა, რომელზეც თბილისის მუნიციპალურმა ინსპექციამ მიმდინარე წელს მოკვლევა დაიწყო.

მოკვლევის შედეგად დადგინდა, რომ აღნიშნულ მისამართზე შენობა-ნაგებობები უნებართვოდ იყო განთავსებული. მუნიციპალურმა ინსპექციამ კანონის შესაბამისად, თბილისის მუნიციპალიტეტის მერის დავალებით, მათი დემონტაჟის პროცესი დაიწყო,”- ნათქვამია განცხადებაში.

მსგავსი თემები