„ბოკერიას პარტია დაკავებულია საბოტაჟით, რადგან პარლამენტში ვერ მოხვდა“ – ალეკო ელისაშვილი

ალეკო ელისაშვილი გიგა ბოკერიას სიტუაციის არევაში ადანაშაულებს და ამბობს, რომ მას მოლაპარაკებების ჩაშლა უნდა. ელისაშვილის გათვლით, ამ ყველაფერს ბოკერიას პარტია იმიტომ აკეთებს, რომ პარლამენტში ვერ მოხვდა.

„იმ დროს, როცა ჩვენ გვაქვს პირში წყალი ჩაგუბებული ელჩების ხათრით, ელჩები გვეუბნებიან, რომ მოდით, პროცესს ნუ დააზიანებთ, გარეთ თუ გავა, რაზეც აქ ვლაპარაკობთ, პროცესი დაზიანდება, მოლაპარაკებებით შეთანხმებამდე ვერ მივალთო. იქ რაღაც თანამდებობებსა და ფულს კი არ ვიყოფთ. მე რომ სიტყვას ვაძლევ, ამ სიტყვის ერთგული ვარ, განსხვავებით სხვა პარტიებისგან, ბოკერიას პარტია დადის იმ შეხვედრებზე მხოლოდ იმიტომ, რომ გარეთ გამოიტანოს დეტალები, ილაპარაკოს და აურიოს ყველაფერი, საბოტაჟით არიან დაკავებულები, რომ აურიონ და ჩაშალონ ყველაფერი. რატომ იცით? იმიტომ, რომ ვერ მოხვდნენ პარლამენტში. ბოკერია და უგულავა ვერ მოხვდნენ პარლამენტში და ამიტომ უნდათ, რომ ყველაფერი არიონ“ – აცხადებს ალეკო ელისაშვილი.

მსგავსი თემები