“უნდა ვისწავლოთ ერთმანეთთან მოლაპარაკება, უნდა ვისწავლოთ პასუხისმგებლობის აღება” – გიორგი გახარია

  •  

„დასრულდეს საარჩევნო პროცესი და პოლიტიკურმა პროცესმა გადაინაცვლოს პოლიტიკურ ფორმატებში, პარლამენტში’ – ეს განცხადება საქართველოს პრემიერ-მინისტრმა საკუთარი არჩევანის გაკეთების შემდეგ გააკეთა.

„მეორე ტურში, რა თქმა უნდა, არჩევანი გავაკეთე იმის სასარგებლოდ, რომ რაც შეიძლება სწრაფად დასრულდეს საარჩევნო პროცესი“ – აღნიშნა გახარიამ.

მთავრობის მეთაურის თქმით, ყველა პოლიტიკოსმა, რომელსაც ქართველმა ამომრჩეველმა გამოუცხადა ნდობა, დააკისრა უაღრესად დიდი პასუხისმგებლობა, უნდა იგრძნოს ეს პასუხისმგებლობა და პოლიტიკურმა პროცესმა გადაინაცვლოს პოლიტიკურ ფორმატებში, პარლამენტში.

„მეორე ტურში, რა თქმა უნდა, არჩევანი გავაკეთე იმის სასარგებლოდ, რომ რაც შეიძლება სწრაფად დასრულდეს საარჩევნო პროცესი, ყველა პოლიტიკოსს, რომელსაც ქართველმა ამომრჩეველმა პანდემიის დროს, როგორც პირველ, ასევე მეორე ტურში, გარდა იმისა, რომ გამოუცხადა ნდობა, დააკისრა უაღრესად დიდი პასუხისმგებლობა, ყველა ამ პოლიტიკოსმა უნდა იგრძნოს ეს პასუხისმგებლობა და რა თქმა უნდა, პოლიტიკურმა პროცესმა გადაინაცვლოს პოლიტიკურ ფორმატებში, პარლამენტში. ეს არის ყველაზე მთავარი. რაც არ უნდა დიდი განსხვავება იყოს ჩვენს შორის, უნდა ვისწავლოთ ერთმანეთთან მოლაპარაკება, უნდა ვისწავლოთ პასუხისმგებლობის აღება და უნდა ვისწავლოთ ერთად მუშაობა. ეს არის, როგორც ჩვენი მოქალაქის და ამომრჩევლის დაკვეთა, დავალება, გარდა ამისა, ასე შენდება დემოკრატიული და ევროპული სახელმწიფოები“, –  განაცხადა გიორგი გახარიამ.

მსგავსი თემები