გურიაში ბოლო 24 საათის განმავლობაში კორონავირუსის ექვსი შემთხვევა დაფიქსირდა. აღნიშნულ ინფორმაციას ადასტურებს ოზურგეთის საზოგადოებრივი ჯანდაცვის ცენტრის ხელმძღვანელი, მაია ქუთიძე.
„ხუთი შემთხვევა დაბა ლაითურშია დაფიქსირებული, ხოლო ერთი, სოფელ მერიაში. ლაითურელი ოთხი პირი ერთი ოჯახიდანაა. ერთი, ანუ მეექვსე ინფიცირებული კი სოფელ მერიას მკვიდრია. ამჟამად, მიმდინარეობს ეპიდკვლევა და კონტაქტების დადგენა“, – განაცხადა ოზურგეთის საზოგადოებრივი ჯანდაცვის ცენტრის ხელმძღვანელმა, მაია ქუთიძემ.
