გორში კორონავირუსის 5 ახალი შემთხვევიდან 3 არასრულწლოვანია

შიდა ქართლში კოვიდინფიცირებულთა რიცხვი გაიზარდა, კორონავირუსი გორის მუნიციპალიტეტში მცხოვრებ 5 ადამიანს დაუდასტურდა, აქედან 3 არასრულწლოვანია.

2 შემთხვევა ნადარბაზევის კლასტერს უკავშირდება, სადაც მთლიანობაში ვირუსი ერთი ოჯახის 5 წევრს დაუდასტურდა, 2 შემთხვევა კი ტირძნისის კლასტერიდანაა. ყველა მათგანი თვითიზოლაციაში იმყოფებოდა.

კიდევ 1 ახალი შემთხვევის წყარო უცნობია. ის GPC-აფთიაქის თანამშრომელია. უკვე გამოვლენილია მისი 16 კონტაქტი.

ახალი 5 შემთხვევა 29 სექტემბერს გაგზავნილი 185 ნიმუშიდანაა, მათი პასუხი გვიან ღამით გახდა ცნობილი, ხოლო გუშინ ლუგარის ლაბორატორიაში 231 ნიმუში გაიგზავნა, მათი პასუხები ჯერ უცნობია. სულ რეგიონში თვითიზოლაციაში 213 პირი იმყოფება.

მსგავსი თემები