ქუთაისში დაჭრილი ოცი წლის მამაკაცის მდგომარეობა სტაბილურად მძიმეა. მას ქუთაისის რეგიონალურ კლინიკურ საავადმყოფოში ორი ოპერაცია ჩაუტარდა.
„გუშინ, გვიან ღამით ახალგაზრდა მამაკაცი შემოიყვანეს ტრავმული შოკით, შინაგანი სისხლდენით. მრავლობითი ჭრილობით გულ-მკერდის არეში. ჩაუტარდა ორი ოპერაცია, მდგომარეობა სტაბილურად მძიმეა, იმყოფება რეანიმაციულ განყოფილებაში“, – ამის შესახებ კლინიკის დირექტორმა ირაკლი გოგინავამ განაცხადა.
ქუთაისში, რესტორან „პალადიუმის“ მიმდებარედ ახალაზრდა მამაკაცი დაჭრეს. ფაქტთან დაკავშირებით გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.
