ატენის ხეობაში, მთის კლდოვან ნაწილში გაჩენილი ხანძარი სრულად ლიკვიდირებულია.
საგანგებო სიტუაციების სამსახურის ინფორმაციით, დაიწვა ორი ჰექტარი ეკალბარდი, ბალახი და ბუჩქნარი.
რთული რელიეფის გამო მეხანძრე-მაშველებს სახანძრო ტექნიკის გარეშე, ინდივიდუალური აღჭურვილობით უხდებოდათ ცეცხლის ქრობა.
ხეობაში ხანძარი რამდენიმე დღის წინ, სავარაუდოდ გაშვებული ფოიერვერკის ნაპერწკლებისგან გაჩნდა.