რამდენიმე საათში ცნობილი გახდება მიკროავტობუსის დაღუპული მძღოლის ოჯახის წევრების PCR ტესტის პასუხები.
ისინი საქართველოს ხელისუფლების დახმარებით ისრაელიდან საქართველოში დაბრუნდნენ და ამჟამად ბათუმის ერთ-ერთ კლინიკაში რჩებიან.
ლაბორატორიის დასკვნაზეა დამოკიდებული, შეძლებს თუ არა ოჯახი დაკრძალვის ცერემონიაში მონაწილეობას.
პარალელურად, ოჯახის წევრები Traveler.ge-ს წარმომადგენლების მხრიდან განცხადებებს ეხმიანებიან.
ისინი კატეგორიულად უარყოფენ ბრალდებას, თითქოს მძღოლი გამოუცდელი იყო, რაც ავარიის ერთ-ერთ მიზეზად დასახელდა და თვლიან, რომ ამ განცხადებით კომპანია პასუხისმგებლობის თავიდან აცილებას ცდილობს.
23 აგვისტოს, შატილის გზაზე მომხდარ ავტოავარიას 17 ადამიანი ემსხვერპლა, 3 კი მძიმედ დაშავდა. ტრაგიკულ შემთხვევის გამო 25 აგვისტო გლოვის დღედ გამოცხადდა.
