ოკუპირებულ აფხაზეთში მოსახლეობის კორონავირუსისგან დაცვის მიზნით შექმნილი ოპერატიული შტაბის ინფორმაციით, გრძელდება მოსახლეობის ბიოლოგიური მასალების კვლევები, რათა დროულად მოხდეს ინფიცირების შემთხვევების გამოვლენა.
პანდემიის დაწყებიდან დღემდე, აფხაზეთში კორონავირუსით ინფიცირების სულ 182 შემთხვევა დაფიქსირდა, მათგან 66 ადამიანი გამოჯანმრთელდა, სამი პაციენტი კი გარდაიცვალა.
