პარლამენტის წევრს ფიზიკური განადგურებით ემუქრებიან და 5 მილიონს სთხოვენ – განცხადება „მედიაცენტრ მთავარში“ (ვიდეო)

“პირველი ფაქტი იყო სატელეფონი მუქარა, 20 ივლისს 6 საათზე განხორციელდა, როცა ბატონ ენზელს დაურეკეს მისსავე მობილურზე, პიროვნება ესაუბრებოდა რუსულ ენაზე კავკასიური აქცენტით,“ – ამის შესახებ „მედიაცენტრ მთავარში“ პარლამენტის წევრის ენზელ მკოიანის ადვოკატმა ტარიელ მურმანიშვილმა განაცხადა.

ადვოკატი ამბობს, რომ დეპუტატს ემუქრებიან, როგორც მუტმანიშვილი ამბობს ენზელ მკოიანისგან მოითხოვენ პოლიტიკას ჩამოშორდეს და მას თანხას სძალავენ:

„უთხრეს, რომ ჩამოსცილებოდა პოლიტიკას, არავის შეხებოდა, თორემ წაართმევდნენ მისთვის საყვარელ ადამიანს, 4 დღის შუალედის შემდეგ განმეორდა ზარი, ზარის ინდექსი მას მიაჩნია, რომ იყო მოსკოვის ინტექსი, საიდანაც ადამიანი ესაუბრებოდა ისევ რუსულ ენაზე მიმართვა ასეთი იყო: „ოლიგარქ როგორ ხარ, ბიზნესში რომ ხარ და არ იხდი ფულს, უნდა გადაიხადო 5000 მილიონი დოლარი, 15 წელი ციხეში ვიყავი, ახალი გამოსული ვარ თუ თანხას არ გადაიხდი მოგკლავთ და ისევ წავალთ ციხეში“ – ეს იყო საუბრის შინაარსი, პირი ეუბნებოდა , რომ ბატონი ენზელის ყველა კოორდინატი იცოდა.

რამოდენიმე თვის უკან მის მიმართ ყველამ კარგად იცის, რომ განხორციელდა თავდასხმა მოკვლის მიზნით, ეს იყო 26 მარტს ადამიანმა თავის თვალით შეხედა სიკვდილს და ოპოზიციური პარტიები მას ადანაშაულებდნენ.

ადამიანი დაისტრესა, დასტრესილია მისი ოჯახიც, ამდენი ხნის განმავლობაში მასზე ზეწოლა მიმდინარეობს, ემუქრებიან ოჯახის წევრების სიცოცხლის წართმევით,“ – განაცხადა ადვოკატმა „მედიაცენტრ მთავარში.“

უფლებადამცველისთვის გაუგებარია ძიებისთის საქმე რატომ გადაეცა რეგიონულ პოლიციას.

„რატომღაც ეს საქმე ნაცვლად გენპროკურატურისა აღმოჩნდა რეგიონალურ პოლიციის განყოფილებაში, ესაა პარლამენატრზე მუქარა და ამას არ უნდა იძიებდეს რეგიონალური პოლიციის განყოფილება.

ადამიანი არის ძალიან შეშინებული, მეუღლემ ნახა კადრები, როგორ ესროდნენ მის მეუღლეს, მარტო ბატონ ენზელს აღარსად უშვებენ.“ – აღნიშნა ტარიელ მურმანიშვილმა „მედიაცენტრ მთავარში.“

“მედიაცენტრი მთავარის” მასალის გამოყენების შემტხვევაში აუცილებელია წყაროს და ბმულის მითითება.

მსგავსი თემები