„დღეს მოვედით მობილური ტელეფონის ექსპერტიზის დასაწყებად. თურმე, მობილური ტელეფონის ექსპერტიზა 24 ივლისს დაწყებულა.“, – ამის შესახებ, თამარ ბაჩალიაშვილის ოჯახის ადვოკატმა, მიხეილ რამიშვილმა განცხადა.
მისივე თქმით, კლონირება დასრულებულია და ხელმეორედ დაალუქინეს ტელეფონი.
„დღეს მოვედით მობილური ტელეფონის ექსპერტიზის დასაწყებად. თურმე, მობილური ტელეფონის ექსპერტიზა 24 ივლისს დაწყებულა. შუამდგომლობა დაყენებული მაქვს, ლუქზე ხელი მაქვს მოწერილი, რომ არ უნდა გახსნილიყო. მაინც გახსნილა. დღეისთვის, კლონირება დასრულებულია. ხელმეორედ დავალუქინეთ მობილური ტელეფონი. რატომ უნდა დამიმალო, რატომ არ უნდა გადმომცე ოფიციალურად მოთხოვნილი, ჩემი შუამდგომლობის საფუძველზე?.. ეს ძალიან ბევრ კითხვებს აჩენს და უკვე აღარაა ამ კითხვების დრო, საქმე გავაკეთოთ“ – განაცხადა ადვოკატმა მიხეილ რამიშვილმა.
