საჯაროვდება გამომძიებლის ოქმი, სადაც იაკობ ბრეგვაძესან დაკავშირებით სამართალდამცავი მოსაზრებებს გამოთქვამს, ოქმში, რომელიც 4 ივლისით თარიღდება გამომძიებელი აღწერს, რომ იაკობ ბრეგვაძე, იგივე ფოტოგრაფი, გამოძიებასთან არ თანამშრომლობს და მომხდარის დეტალებს, რომელსაც უშუალოდ შეესწრო, არ ჰყვება.
გამომძიებელი გამოთქვამს ვარაუდს, იმის შესახებ, რომ იაკობ ბრეგვაძემ კუთვნილი ფოტოაპარატით დაბადების დღისა და დაპირისპირების კადრები გადაიღო, თუმცა შესაძლოა ფოტო მასალები უკვე გაანადგურა.
გამომძიებელი ამბობს, რომ მასალის აღდგენა ექსპერტიზის ჩატარების გზით შესაძლებელია.
“იაკობ ბრეგვაძის გამოკითხვის ოქმის ანალიზის შედეგად შეგვიძლია ვთქვათ, რომ იგი არ თანამშრომლობს გამოძიებასთან და მოვლენათა ნაწილის შესახებ, რომელთა უშუალო შემსწრეც გახდა, ინფორმაციას არ გვაწვდის. აქედან გამომდინარე, არსებობს იმის ვარაუდი, რომ მან მომხდარი ფაქტების ამსახველი ფოტოებიც გადაიღო, რომელიც, შესაძლებელია, გაანადგურა, წაშალა, რისი აღდგენაც შესაძლებელია ექსპერტიზის ჩატარების გზით.
24 ივნისს, ამოღების შემდეგ, აღდგენილი იქნა გრაფიკული და ვიდეო ფაილები, ხოლო სხვა სახის მასალის ამოღება-აღდგენა წარდგენილი მეხსიერების ბარათიდან შინაგან საქმეთა სამინსიტროს საექსპერტო კრიმინალისტიკური დეპარტამენტის ხელთ არსებული, აპარატურულ-პროგრამული საშუალებებით ვერ მოხდა. 4 ივლისს ხელახლა დაინიშნა საინფორმაციო ტექნოლოგიური ექსპერტიზა, ხოლო ექსპერტიზის ჩატარება დაევალა სამხარაულის სახელობის ექსპერტიზის ეროვნულ ბიუროს,“ – აღნიშნულია ოქმში.
