რესპუბლიკური საავადმყოფოს დირექტორის, ლევა გოფოძის განცხადებით, ექიმების დაინფიცირება მხოლოდ საქართველოს პრობლემა არ არის.
გოფოძე ამბობს, რომ მედპერსონალის პირად აღჭურვილობასთან დაკავშირებით საქართველოში სპეციალური წესი მოქმედებს, რისი დაცვაც ძალიან მნიშვნელოვანია.
„ძალიან რთულია ამის განსაზღვრა. ჩვენ გაწერილი გვაქვს წესი და რიგი, როგორ უნდა გვეცვას, როგორ უნდა ვმოძრაობდეთ, როგორ უნდა მივიდეთ ადამიანთან – გააჩნია, რას ვაკეთებთ.
როდესაც ინვაზიური მეთოდის ჩატარების მიზნით ვართ პაციენტთან, მაშინ სულ სხვაგვარი აღჭურვილობა გვჭირდება. როდესაც გასასინჯად, სანახავად და ასე შემდეგ, მაშინ სხვა. ასე რომ, ამ წესების დაცვა ძალიან მნიშვნელოვანია.
რაც შეხება ექიმების ინფიცირების პრობლემას, ეს მხოლოდ საქართველოს პრობლემა არ არის. მაგალითად სულ მომყავს ძალიან განვითარებული მედიცინის მქონე ქვეყანა – იტალია, სადაც კატასტროფა მოხდა, მედიცინის 160 მუშაკი დაიღუპა, მათგან 120 ექიმი იყო“, – განაცხადა გოფოძემ.
