“შეიცვლება რამე? ვერ გიპასუხებთ. ადამიანის განსაზღვრა წარმოუდგენელი რამეა. ან ეგებ შეიცვალა უკვე. ძალიანაც შეიცვალა. მე მინდა, რომ შეიცვალოს.” – ასე ეხმაურება მწერალი და ეროვნული ბიბლიოთეკის დირექტორი, გიორგი კეკელიძე კორონავირუსის გარშემო განვითარებულ მოვლენებს.
“მორწმუნესთვის ეს სასჯელია რწმენის სიმცირის გამო. ურწმუნოსთვის ეს სასჯელია ფიქრის ნაკლებობის გამო. მოგზაურისთვის ეს სასჯელია გზების გამოტოვების გამო. მდიდირისთვის ეს სასჯელია გადარაზული ფულის საცავის გამო. მკითხველისთვის ეს სასჯელია წაუკითხავი წიგნების გამო. შეყვარებულისთვის ეს სასჯელია დავიწყებული კოცნის გამო. მტრისთვის ეს სასჯელია დავიწყებული პატიების გამო. ადამიანისთვის ეს სასჯელია სიცოცხლის ვერ შემჩნევის გამო. სიხარულის ვერ შემჩნევის გამო. ტკივილის ვერ შემჩნევის გამო. ბედნიერების ვერ შემჩნევის გამო. მწუხარების ვერ შემჩნევის. სხვისი ვერ შემჩნევის გამო. საკუთარი თავის ვერ შემჩნევის.
მსოფლიო არასდროს ყოფილა ასე ჩაკეტილი და ასე ერთიანი. ეს ამ ვირუსის უმთავრესი პარადოქსია. დიდი და მნიშვნელოვანი პარადოქსი”, – წერს კეკელიძე სოციალურ ქსელში.
