ევროპაში, ევროკავშირის ლიდერები კორონავირუსთან დაკავშირებით, საგანგებო მოლაპარაკებებს გამართავენ. ევროპული საბჭოს პრეზიდენტის, შარლ მიშელის ცნობით, მოლაპარაკებები დღეს ვიდეოკონფერენციის რეჟიმში გაიმართება.
ამასთან, შარლ მიშელმა აღნიშნა, რომ იტალიაში შექმნილ საგანგებო მდგომარეობასთან დაკავშირებით იტალიის პრემიერ-მინისტრს, ჯუზეპე კონტეს ესაუბრა.
„ჩვენი ვალდებულება ევროკავშირის კოორდინირებული მიდგომის გაძლიერებაა. ჩვენ „კოვიდ-19“-ით დაზარალებულთა გვერდით ვართ“, – აღნიშნავს შარლ მიშელი.
კორონავირუსის შემთხვევები უკვე ევროკავშირის ყველა წევრ სახელმწიფოშია გამოვლენილი.
ევროკავშირის ლიდერები, კორონავირუსთან დაკავშირებით, საგანგებო მოლაპარაკებებს გამართავენ
