ავსტრალიაში 10 000 აქლემის დახოცვის ოპერაცია დაიწყო. ადგილობრივი მედიის ინფორმაციით, რეგიონის სამხრეთ ნაწილში მიმდინარე ოპერაციაში მონაწილეობას სნაიპერები იღებენ. ისინი ხუთი დღის განმავლობაში ვერტმფრენების საშუალებით 10 000 აქლემს დახოცავენ.
აქლემების დახოცვის მიზეზად მათი რაოდენობის სწრაფი ზრდა და დასახლებულ პუნქტებისკენ გადაადგილება სახელდება, რის გამოც ცხოველები წყლის სისტემას საფრთხეს უქმნიან. ამასთან ერთად, როგორც აღინიშნა, აქლემები ინფრასტრუქტურას აზიანებენ. კიდევ ერთ მიზეზად აქლემების მიერ სათბურის აირების გამოყოფა სახელდება. ექსპერტების შეფასებით, აქლემები წელიწადში ტონამდე ნახშირორჟანგს გამოყოფენ.
ავსტრალიაში მილიონი აქლემი ბინადრობს. ცხოველების ეს რაოდენობა ჰაერს წელიწადში 400 000 მანქანის მსგავსად აბინძურებს.
