ავტოსაგზაო შემთხვევა მოხდა ავლაბარში.
მეტროსადგურ „ავლაბრის“ მიმდებარე ტერიტორიაზე ყვითელი სამგზავრო ავტობუსი გზის სავალი ნაწილიდან გადავიდა და ხეს შეეჯახა.
მომხდარის შედეგად, ადგილზე დაიღუპა ავტობუსის მგზავრი, შუახნის ქალი. ავტობუსის მძღოლი დაშავებულია.
მომხდარზე გამოძიება სსკ-ის 276-ე მუხლის მეექვსე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
ადგილზე იმყოფებიან სამართალდამცველები.
