„მიენიჭოს გმირის წოდება“ – ეს განცხადება „მედიაცენტრ მთავარში“ საკანონმდებლო ორგანოს წარმომადგენელმა ვლადიმერ კახაძემ ექიმების, მათ შორის დეპუტატი ექიმების სახელით გააკეთა.
„კომიტეტის და ყველა ექიმის სახელით ვამბობ, რომელიც ჩემნაირად ფიქრობს – ვშუამდგომლობ ხელისუფლების მიმართ, ვაჟას მიენიჭოს საქართველოს გმირის წოდება. დიახ, აღნიშნული ფაქტი კიდევ ერთხელ შერცხვენა იქნება მსოფლიოს თვალში იმ ოკუპანტი ქვეყნისა და მათ მიერ წახალისებული ადამიანებისა, რომლებიც პროფესიულ უფლებას აღუკვეთენ ადამიანს, რომელიც მხოლოდ სიცოცხლის მსახურებისთვისაა მოვლენილი“ – განაცხადა ვლადიმერ კახაძემ „მედიაცენტრ მთავარში“ გამართულ პრესკონფერენციაზე.
შეგახსენებთ, რომ საოკუპაციო რეჟიმმა, დაკავებული ექიმი ვაჟა გაფრინდაშვილი პატიმრობაში დატოვა.
