„აღმოსავლეთ პარტნიორობის“ 10 წლის იუბილესთან დაკავშირებით, ბათუმში, საერთაშორისო კონფერენცია „საქართველოს ევროპული გზა“ გაიხსნა. კონფერენციაში მსოფლიოს ქვეყნებიდან მაღალი დონის დელეგაციის წევრები მონაწილეობენ. მათ შორის, ევროსაბჭოს პრეზიდენტი დონალდ ტუსკი.
დელეგაციის წევრები არიან: ესტონეთის პრემიერ-მინისტრი; პოლონეთისა და შვედეთის საგარეო საქმეთა მინისტრები; ბულგარეთის ვიცე-პრემიერი და საგარეო საქმეთა მინისტრი; უკრაინის პირველი ვიცე-პრემიერი და ეკონომიკის განვითარებისა და ვაჭრობის მინისტრი; სომხეთის საგარეო საქმეთა მინისტრი; სერბეთის ევროინტეგრაციის მინისტრი; სლოვაკეთის ევროპულ და საგარეო საქმეთა მინისტრი; უნგრეთის საგარეო საქმეთა მინისტრი; ჩეხეთის საგარეო საქმეთა მინისტრი; გერმანიის ევროპულ საქმეთა სახელმწიფო მინისტრი; მოლდოვის საგარეო საქმეთა და ევროპული ინტეგრაციის სახელმწიფო მდივანი; ალბანეთის საგარეო საქმეთა მინისტრის მოადგილე; ბელარუსის საგარეო საქმეთა მინისტრის მოადგილე; ნორვეგიის საგარეო საქმეთა სამინისტროს სახელმწიფო მდივანი; გერმანიის ბუნდესტაგის ვიცე-სპიკერი; რუმინეთის დეპუტატთა პალატის ვიცე-პრეზიდენტი; ე, შვედეთის სამეფოს პარლამენტის ვიცე-სპიკერი და კიდევ სხვა სტუმრები.
საქართველოს მხრიდან, კონფერენციაზე მონაწილეობენ როგორც აღმასრულებელი ხელისუფლების, ასევე საკანონმდებლო ორგანოს უმაღლესი თანამდებობის პირები.
კონფერენცია 12 ივლისს დასრულდება.