მმართველი პარტია „ქართული ოცნება-დემოკრატიული საქართველოს“ ახალგაზრდული ორგანიზაციის წარმომადგენლებმა თბილისში, რუსთაველის გამზირზე, 1989 წლის 9 აპრილს დაღუპულთა ხსოვნას, გვიან ღამით, პატივი მიაგეს.
ახალგაზრდებმა 9 აპრილს დაღუპულთა მემორიალთან ასფალტზე სანთლებით მადლობა დაწერეს და ჰაერში მანათობელი ფრანები გაუშვეს.
„ზუსტად ამ ადგილას, 30 წლის წინ, ქართველმა ერმა, კონსოლიდირება შეძლო. მადლობა თავისუფლებისთვის – მოპოვებულ თავისუფლებას განმტკიცება სჭირდება და ზუსტად ახალგაზრდები უნდა იყვნენ ის ადამიანები, ვინც შეძლებენ, ქართული სახელმწიფოს ევროპული არჩევანის გაზა კიდევ უფრო განამტკიცონ” – განაცხადა „ქართული ოცნების“ ახალგაზრდული ორგანიზაციის ლიდერმა გიორგი ჩაკვეტაძემ.