“2020 წლის ბიუჯეტში დაგეგმილია 5%-იანი ეკონომიკური ზრდა, რაც ბევრ ქვეყანას არ აქვს” – ირაკლი კოვზანაძე

საქართველოს პარლამენტი 2020 წლის სახელმწიფო ბიუჯეტის შესახებ კანონპროექტის განხილვას იწყებს, სადაც დაგეგმილია 5%-იანი ეკონომიკური ზრდა.

საფინანსო-საბიუჯეტო კომიტეტის თავმჯდომარის, ირაკლი კოვზანაძის განცხადებით, რეგიონში ასეთი ეკონომიკური ზრდა ბევრ ქვეყანას არ აქვს. მათ შორის, არც რუსეთს, თურქეთსა და აზერბაიჯანს.

„ის 5%-იანი ეკონომიკური ზრდა, რაც არის დაგეგმილი 2020 წლის სახელმწიფო ბიუჯეტის პროექტში საკმაოდ კარგი მაჩვენებელია. ვფიქრობ, ეს იქნება სწორი და რეალური დაგეგმვა. სამუშაოც ბევრი იქნება გასაწევი, რადგან რეგიონში ასეთი ეკონომიკური ზრდა ბევრ ქვეყანას არ აქვს. მათ შორის, არც რუსეთს, თურქეთსა და აზერბაიჯანს. ჩვენს რეგიონში ამ ქვეყნებზეც ვართ დამოკიდებული, ამიტომ, საქართველოს მთავრობასა და ყველას ერთად, ბევრი მუშაობა მოგვიწევს იმისათვის, რომ ეკონომიკური ზრდის ეს მაჩვენებელი შევინარჩუნოთ და გავაუმჯობესოთ.

2019 წლის სახელმწიფო ბიუჯეტში შესატან ცვლილებებში ჩვენ ჩადებული გვაქვს 4,5 %-იანი ეკონომიკური ზრდის მაჩვენებელი, თუმცა, რა პროგნოზებიც ახლა ცხადდება, შედარებით უფრო მაღალია, ვიდრე 4,5%. ამიტომ ყოველთვის მოვუწოდებდი მთავრობას, რომ ყოფილიყო უფრო გამბედავი ბიუჯეტის დაგეგმვის კუთხით“, – განაცხადა საფინანსო-საბიუჯეტო კომიტეტის თავმჯდომარემ.

მსგავსი თემები

3 Thoughts to ““2020 წლის ბიუჯეტში დაგეგმილია 5%-იანი ეკონომიკური ზრდა, რაც ბევრ ქვეყანას არ აქვს” – ირაკლი კოვზანაძე”

  1. Your house is valueble for me. Thanks!…

  2. Real clear site, thankyou for this post.

  3. Good V I should certainly pronounce, impressed with your web site. I had no trouble navigating through all tabs as well as related info ended up being truly easy to do to access. I recently found what I hoped for before you know it in the least. Quite unusual. Is likely to appreciate it for those who add forums or something, site theme . a tones way for your customer to communicate. Excellent task..