პირველად ქართული სპორტის ისტორიაში ჩვენს ქვეყანას 2019 წელს ოლიმპიურ სახეობებში ექვსი მსოფლიო ჩემპიონი ჰყავდა. წელს კიდევ ერთი რეკორდი დაფიქსირდა. ჩვენმა სპორტსმენებმა ჯამში 1200-ზე მეტი მედალი მოიპოვეს. გამოვლინდენ საუკეთესოები 11 ნომინაციაში და ათი სპეციალური პრიზი გაიცა.
2019 წლის სპორტული მოვლენების შემაჯამებელი ღონისძიება – წლის სპორტსმენი, განათლების, მეცნიერების, კულტურისა და სპორტის სამინისტროს ორგანიზებით, სახელმწიფო ცერემონიების სასახლეში გაიმართა.
2019 წლის საუკეთესო სპორტსმენი – უპრეცედენტო შემთხვევა – ექვსივე მსოფლიო ჩემპიონი: ლუხუმ ჩხვიმიანი, ლაშა ტალახაძე, გენო პეტრიაშვილი, ბექა ლომთაძე, ნუგზარ წურწუმია, ლაშა გობაძე.
ნომინაციებში გამარჯვებულები:
1. 2019 წლის საუკეთესო ნაკრები გუნდი სათამაშო სახეობებში – საქართველოს წყალბურთელთა ნაკრები.
2. 2019 წლის საუკეთესო ახალგაზრდა სპორტსმენი – ლაშა ბექაური (ძიუდო)
3. 2019 წლის საუკეთესო სპორტსმენი არაოლიმპიურ სახეობებში – ვახტანგ ჩიდრაშვილი (სამბო)
4. 2019 წლის საუკეთესო მსაჯი – რუსუდან ხოფერია (ბატუტზე ხტომა)
5. 2019 წლის საუკეთესო ფედერაცია მოპოვებული შედეგების მიხედვით – ჭიდაობის ფედერაცია.
6. 2019 წლის საუკეთესო სპორტსმენი ქალი – ეთერ ლიპარტელიანი (ძიუდო)
7. 2019 წლის საუკეთესო მენეჯერი – კახი კახიაშვილი (ძალოსნობის ფედერაციის პრეზიდენტი)
8. 2019 წლის საუკეთესო მწვრთნელი – გიორგი იანტბელიძე (თავისუფალი სტილით მოჭიდავეთა ნაკრების მთავარი მწვრთნელი)
9. 2019 წლის საუკეთესო პარასპორტსმენი კაცი – რევაზ ჩიკოიძე.
10. 2019 წლის საუკეთესო პარასპორტსმენი ქალი – ირმა ხეცურიანი.
11. 2019 წლის საუკეთესო სპორტსმენი: ლუხუმ ჩხვიმიანი (ძიუდო); ლაშა ტალახაძე (ძალოსნობა); გენო პეტრიაშვილი (თავისუფალი ჭიდაობა); ბექა ლომთაძე (თავისუფალი ჭიდაობა); ნუგზარ წურწუმია (ბერძნულ-რომაული ჭიდაობა); ლაშა გობაძე (ბერძნულ-რომაული ჭიდაობა).
სპეციალური პრიზები გადაეცათ:
1. 2019 წლის აღმოჩენა – ანა ლაპიაშვილი და მაია ბოჭორიძე – ბატუტზე მხტომელთა წყვილი; მარია კაზაკოვა და გიორგი რევია – ფიგურული ციგურაობის წყვილი.
2. სპორტში განხორციელებული მნიშვნელოვანი ქველმოქმედებისთვის – „არქი ჯგუფი”
3. 2019 წლის საუკეთესო ნაკრები გუნდი ინდივიდუალურ სახეობებში – საქართველოს ეროვნული ნაკრები ბერძნულ-რომაული სტილით ჭიდაობაში.
4. საქართველოში მნიშვნელოვანი სპორტული ღონისძიების მასპინძლობის უფლების მოპოვებისთვის – კალათბურთის ფედერაცია; საქართველოს სათხილამურო ფედერაცია.
5. სპორტში განხორციელებული მნიშვნელოვანი ინვესტიციისთვის – „კაჭრეთი ამბასადორი”; „თბილისი ჰილსი”
6. საუკუნის მოვლენა საქართველოს ოლიმპიზმის ისტორიაში – ნინო სალუქვაძე.
7. 2019 წლის საუკეთესო ვეტერანი სპორტსმენი – ნონა გაფრინდაშვილი.
8. 2019 წლის სპორტის საუკეთესო მოხალისე – თათია დარსაველიძე.
9. 2019 წლის საუკეთესო ლეგიონერი – გიორგი შერმადინი.
10. 2019 წლის საუკეთესო სპორტული რეგიონი – აჭარის ავტონომიური რესპუბლიკა.