,,პუტინი ელოდება “გენერალური ზამთრის” მოსვლას, რომელიც ყოველთვის ამთავრებდა რუსეთის არმიის გადარჩენას,”- ამის შესახებ საგარეო და უსაფრთხოების საკითხებში ევროკავშირის უმაღლესმა წარმომადგენელმა ჯოზეფ ბორელმა განაცხადა.
ბორელის თქმით, მხარდაჭერა უკრაინისადმი ურყევი უნდა იყოს, რადგან უკრაინის უსაფრთხოება განუყოფლად არის დაკავშირებული ევროპის უსაფრთხოებასთან.
,,პუტინი ფიქრობს, რომ დემოკრატიები სუსტია, რომ საზოგადოებრივი აზრის სისტემები ცივ ზამთარს ვერ გადაურჩებიან. ის ელოდება “გენერალური ზამთრის” მოსვლას, რომელიც ყოველთვის ამთავრებდა რუსეთის არმიის გადარჩენას. ის ელოდება სიცივეს, გაზის მიწოდების შეფერხებას, მაღალ ფასებს და დაბალ ტემპერატურას, რათა შეარყიოს ჩვენი ნება, გავაგრძელოთ უკრაინის მხარდაჭერა. ეს ის ადგილია, სადაც ევროპელებს ვთხოვთ გაიგონ, რა არის სასწორზე. იმიტომ, რომ ჩვენი მხარდაჭერა უკრაინისადმი არ არის მხოლოდ კეთილშობილების საკითხი. ჩვენი მხარდაჭერა უკრაინისადმი ურყევი უნდა იყოს, რადგან უკრაინის უსაფრთხოება განუყოფლად არის დაკავშირებული ჩვენს უსაფრთხოებასთან. ჩვენი მომავალი დამოკიდებულია იმაზე, თუ რა გადაწყდება იქ”,- განაცხადა ჯოზეფ ბორელმა.
