საქართველოს პარლამენტის ოპოზიციონერი დეპუტატი, პარტია „პროგრესი და თავისუფლებას“ ხელმძღვანელი კახა ოქრიაშვილი განცხადებას ავრცელებს და მმართველო გუნდის წევრებს „რუსეთის უკანა ეზოს“ დატოვებისკენ მოუწოდებს.
„ვეხმაურები სოსო გოგაშვილის დაცვის უფროსის განცხადებებს, რომელიც მან ნოდარ მელაძის გადაცემაში გააჟღერა. პირველი რაც ვიფიქრე – როგორ გავანეიტრალოთ ხელისუფლებაში მოკალათებული ამდენი მოღალატე ?! მომავალში, ნებისმიერი მთავრობის ამოცანა იქნება, არ აჰყვეს ცდუნებას და არასამართლებრივი გზით, ერთი ხელის მოსმით არ გაანადგუროს რუსეთის აგენტურა, რომელმაც რუსეთის დახმარებით მიიტაცა ხელისუფლება საქართველოში.
ეს ურთულეს ამოცანად მიმაჩნია, მაგრამ დემოკრატიული, თავისუფალი მართლმსაჯულების პროცედურების დაცვით უნდა გამოვავლინოთ და გავასამართლოთ ჩვენი სამშობლოს ყველა მოღალატე. მივმართავ „ქართულ ოცნების“ წევრებს და მხარდამჭერებს: დატოვეთ ქართული ოცნება, რუსეთის უკანა ეზო!“ – აცხადებს კახა ოქრიაშვილი.
