რუსეთში, ავტომობილის აფეთქების შედეგად, ალექსანდრ დუგინის ქალიშვილი დაიღუპა. შემთხვევა მოსკოვის ოლქში მოხდა. რუსული მხარე შემთხვევა უკრაინულ „ბოევიკებს“ აბრალებს.
„დონეცკის სახალხო რესპუბლიკის“ სეპარატისტი მმართველი, დენის პუშლინი აცხადებს, რომ ყველაფერი “უკრაინის რეჟიმის ტერორისტებმა” მოაწყვეს, რადგანაც მათი სამიზნე ალექსანდრ დუგინი იყო.
BBC-ის ინფორმაციით, ალექსანდრ დუგინი ულტრა ნაციონალისტი იდეოლოგია, რომელიც რუსეთის პრეზიდენტთან დაახლოებული პირად ითვლება. მას „პუტინის ტვინსაც“ კი უწოდებენ.
უცხოური მედის კი ავრცელებს ინფორმაციას, რომ მოკლულია „პუტინის ტვინის“ ქალიშვილი. მათივე ინფორმაციით, მამა-შვილი მანქანით შინ ერთად უჯდა დაბრუნებულიყვნენ, თუმცა, მამა სხვა მანქანაში გადაჯდა.
ალექსანდრ დუგინი ცნობილია როგორც რუსული ფაშიზმის მთავარი იდეოლოგი. მისი ქალიშილი დარია დუგინა – United World International-ის მთავარი რედაქტორი იყო.
„ტროლების ფაბრიკად” წოდებული „ინტერნეტ-კვლევების სააგენტოს” დამფინანსებელი, ევგენი პრიგოჟინის მასობრივი ინფორმაციის საშუალებებზე ზემოქმედების მიზნით შექმნილი United World International-იც და მისი რედაქტორი დარია დუგინაც, აშშ-მა რუსული დაზვერვის მიერ მართულ სანქცირებას დაქვემდებარებულ გამოცემებს შორის უკრაინის ომის დაწყებიდან პირველივე დღეებში დაასახელა.
