,,გუშინ აქციაზე მისულ ბევრ ადამიანს არ აინტერესებდა ვინ ვისი მომხრეა, მათი გზავნილი იყო, რომ ევროპა საქართველოს მომავალია,”- ამის შესახებ ფრაქცია „ქართული ოცნების“ თავმჯდომარე მამუკა მდინარაძემ განაცხადა.
მისი თქმით, გუშინდელი აქცია იყო ბევრი პოლიტიკური შეხედულების და აბსოლუტურად აპოლიტიკური ადამიანებისგან შემდგარი აქცია.
„ნაცების“ მიერ ორგანიზებულ აქციაზე იმდენი „არანაცი“ და ევროპული იდეის მომხრე მივიდა, რომ აქციის ორგანიზატორებს თავისი ბელადის ავტომატურად უარყოფა მოუწიათ და საერთოდ არ უხსენებიათ მიხეილ სააკაშვილი. ეს იყო ბევრი პოლიტიკური შეხედულების, აბსოლუტურად აპოლიტიკური ადამიანებისგან, მათ შორის „ნაცმოძრაობის“ მომხრეებისგან შემდგარი, გაგიკვირდებათ და ჩვენი მომხრეებისგან შემდგარი აქცია, რისთვისაც მთავარი მიზანი იყო – დაფიქსირებულიყო ევროპის მიმართ მხარდაჭერა იმის მიუხედავად, რომ ყველამ იცოდა, რომ ამ აქციის ორგანიზატორები იყვნენ „ნაცმოძრაობისა“ და მისი ახალგაზრდული ფრთის წარმომადგენლები. ვერ მოუთმინეს და ბოლოს მანიფესტის სახით გაახმოვანეს ბაკურიანის გეგმა და წალეკვით და დაუმორჩილებლობით დაემუქრნენ ამ ქვეყანას. წალეკვა-დაუმორჩილებლობა კი არ სჭირდება ქვეყანას, არამედ შეთანხმება. გუშინ აქციაზე მისულ ბევრ ადამიანს არ აინტერესებდა ვინ ვისი მომხრეა, მათი გზავნილი იყო, რომ ევროპა საქართველოს მომავალია. უნდა შევთანხმდეთ, ეს ქვეყანა არის შავი ხვრელი, თუ ევროპული სახელმწიფო, რომელსაც უპირატესად ეკუთვნის ევროპული ოჯახის წევრობა“, – განაცხადა მამუკა მდინარაძემ.
