„სტრატეგია აღმაშენებლის“ ლიდერის გიორგი ვაშაძის განცხადებით, საქართველოს კანდიდატის სტატუსი თუ არ მიენიჭება და მიენიჭებათ უკრაინასა და მოლდოვა, ეს მხოლოდ „ქართული ოცნების“ დანაშაული იქნება.
ვაშაძის თქმით, მოსახლეობამ მთელ ევროპას უნდა გააგონოს ხმა, რომ ევროინტეგრაციას ვიმსახურებთ.
„ისე თუ მოხდა, რომ უკრაინასა და მოლდოვას ავცდით, ეს იქნება მხოლოდ და მხოლოდ „ქართული ოცნების“ დანაშაული ქართველი ერისა და საქართველოს ეროვნული ინტერესების წინააღმდეგ. მეგობრებო, ყველა შეკრებაზე ძალიან ბევრი უნდა ვიყოთ. რაც შეიძლება ხმამაღლა მთელ ევროპას უნდა გავაგონოთ ხმა, რომ ევროინტეგრაციას ვიმსახურებთ. ასევე, რაც შეიძლება ხმამაღლა, „ქართულ ოცნებას“ უნდა შევაგნებინოთ, რომ ისინი ევროპული ინტეგრაციის გზას ვერ აგვაცდენენ. ღმერთი ნუ გაგიწყრებათ და ამ უზარმაზარ შესაძლებლობას, რაც საქართველოს თითოეულ მოქალაქეს აქვს, არ აგვაცდინოთ. ვეუბნები კობახიძეს, ღარიბაშვილს, ივანიშვილს, „ქართული ოცნების“ თითოეულ ლიდერს თუ არა ლიდერს – თქვენ ხალხის ძალიან დიდ რისხვას ვერ აცდებით, საშინელი გეოპოლიტიკური კოლაფსი იქნება, რაც შეიძლება ჩვენს ქვეყანას დაემართოს, თუ უკრაინას და მოლდოვას მოგვაშორებენ“, – განაცხადა გიორგი ვაშაძემ.
